Elskar skyndibita, byrjaði eins árs og breytir píluheiminum Sindri Sverrisson skrifar 3. janúar 2024 13:32 Luke Littler hefur slegið í gegn, og rúmlega það, á HM í pílukasti. Getty/Zac Goodwin Mynd af fæðingarvottorði Luke Littler gengur nú um netheima. Fólk á hreinlega erfitt með að trúa því að þessi skyndibitaelskandi pílukastari sé aðeins 16 ára, bæði vegna þroskaðs útlits en ekki síður ótrúlegra afreka síðustu daga. En Littler er vissulega 16 ára, í átján daga í viðbót, og hann er kominn í úrslitaleik heimsmeistaramótsins í pílukasti sem sýndur er á Vodafone Sport í kvöld. Hafi einhverjum dottið í hug að veðja á Littler fyrir mótið þá yrði sá ríkur með sigri hans í kvöld. Þessi enski strákur sem býr í Warrington, miðja vegu milli Liverpool og Manchester, er sjálfur orðinn ríkur, á augabragði. Fyrir að komast í úrslitaleikinn fær hann að lágmarki 35 milljónir króna, og með sigri í kvöld ætti hann 87 milljónir króna. Fyrir HM hafði Littler í raun enga reynslu af því að spila á móti með þeim bestu í heiminum. Jú, hann komst í fjórðu umferð á UK Open í mars en tapaði þar fyrir Tékkanum unga Adam Gawlas. Littler var bara í 164. sæti heimslistans áður en mótið hófst, og þarf í kvöld að vinna manninn sem verður í efsta sæti eftir mótið, Luke Humphries. Ljóst er að Littler mun fljúga upp, jafnvel í hóp tíu efstu, að móti loknu. En Littler hefur þó kastað pílum í mörg ár. Hann var nefnilega rétt farinn að geta sagt sín fyrstu orð þegar hann byrjaði að æfa sig í pílukasti, fyrst með segulpílum. „Frá því að ég var 18 mánaða þá hef ég ekki hætt að spila,“ sagði Littler sem skipti yfir í venjulegt píluspjald þegar hann var fjögurra ára gamall. Fyrrverandi þjálfari hans segir það snemma hafa legið ljóst fyrir að Littler hefði algjöra yfirburði yfir jafnaldra sína, og aðeins 16 ára aldurstakmarkið kom í veg fyrir að hann færi fyrr í keppni við fullorðna og þá allra bestu. Hann varð heimsmeistari ungmenna fyrr á þessu ári. Og með frammistöðu sinni síðustu daga hefur Littler hlotið gríðarlegar vinsældir, sem hann nýtur vel. Hann er á augabragði kominn með um hálfa milljón fylgjenda á Instagram, þegar þetta er skrifað, og á meðal nýrra fylgjenda og stuðningsmanna eru til að mynda enskir landsliðsmenn í fótbolta og fleiri. James Maddison bauð Littler með sér að sjá Tottenham vinna Bournemouth á sunnudaginn, og Manchester United hefur nú boðið honum á leikinn við Tottenham 14. janúar, en Littler hefur alltaf verið stuðningsmaður United. „Þú ferð í skólann á morgun“ Fjörugir áhorfendur í Ally Pally styðja vel við bakið á honum en þegar þeir kyrja gleðilega: „Þú ferð í skólann á morgun!“ þá hafa þeir reyndar ekki alveg rétt fyrir sér, því Littler hefur lokið grunnskólagöngunni og er ekki í námi sem stendur. Pílan á hans hug og hjarta. „Ég vakna bara, spila í Xbox, fæ mér eitthvað að borða og kasta í spjaldið, fer í háttinn og þannig er það,“ segir Littler um venjulegan dag hjá sér. Kærasta hans er hin 21 árs gamla Eloise sem einnig er liðtækur pílukastari, og auðvitað stolt af sínum manni. Gefur forskot að drekka ekki áfengi Littler hefur verið duglegur við að fá sér skyndibita til að fagna sigrunum á HM. Hann varð yngstur í sögunni til að vinna leik á HM þegar hann vann Christian Kist í fyrstu umferð. Á leiðinni í úrslitaleikinn er hann svo meðal annars búinn að slá út fimmfalda heimsmeistarann, og æskuhetju sína, Raymond van Barneveld, en líka Brendan Dolan og nú síðast Rob Cross af miklu öryggi. „Ég drekk auðvitað ekki svo að það gefur mér mikið forskot á þá atvinnumenn sem að drekka. Þeir vakna aumir í hausnum á morgnana en mér líður bara vel,“ sagði Littler sem fékk sér kebab og dós af Tango-gosdrykknum eftir fyrsta sigurinn á HM, og hefur síðan verið boðið að fá frían kebab út ævina á einum af kebabstöðunum í London. Eftir sigurinn í annarri umferð var það KFC, og máltíðin fyrir úrslitaleikinn verður pítsa. Reynist það rétta uppskriftin að sigri verður Littler yngsti heimsmeistari sögunnar, og hann myndi þá stórbæta met Michael van Gerwen sem var 24 ára og níu mánaða þegar hann vann árið 2014. Úrslitaleikurinn á HM hefst klukkan 20:15 og verður sýndur beint á Vodafone Sport. Útsending frá viðburðinum hefst klukkan 19:55. Pílukast Mest lesið Samband við eldri konu sagt hafa skaðað möguleika hans í nýliðavalinu Körfubolti Ronaldo staðfestir að Evrópumótið í ár verði hans síðasta Fótbolti „Takk fyrir að berjast alltaf fyrir okkur stelpunum“ Íslenski boltinn „Líklega besti leikur lífs míns“ Fótbolti Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Fótbolti „Geri mér alveg grein fyrir því að þetta sé á einhvern hátt umdeilt“ Handbolti McLaren vill að Verstappen verði refsað: Allur heimurinn veit hver er sá seki Formúla 1 Bandaríkin úr leik á Copa América og á leið í „djúpa naflaskoðun“ Fótbolti De Bruyne: Of snemmt til að svara því Fótbolti NBA meistarar Boston Celtics til sölu Körfubolti Fleiri fréttir Á Lyon, Spirit og Ljónynjurnar frá Lundúnum: Aðdráttarafl Kang vekur athygli Þrír Íslendingar í úrvalsliðum Norðurlandamótsins Andy Murray dregur sig úr keppni á Wimbledon Fyrstur í sögunni til að verja þrjár vítaspyrnur í sama EM-leiknum „Geri mér alveg grein fyrir því að þetta sé á einhvern hátt umdeilt“ LeBron vill fá DeMar DeRozan til Lakers Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Samband við eldri konu sagt hafa skaðað möguleika hans í nýliðavalinu Ronaldo staðfestir að Evrópumótið í ár verði hans síðasta Bandaríkin úr leik á Copa América og á leið í „djúpa naflaskoðun“ Feluleikurinn skilaði sigurmarki á síðustu stundu „Takk fyrir að berjast alltaf fyrir okkur stelpunum“ Dagskráin í dag: Besta deild kvenna og Meistaradeildin í snóker NBA meistarar Boston Celtics til sölu „Líklega besti leikur lífs míns“ Hinn fullkomni leikur hjá Nico Williams Man Utd horfir enn á ný til fyrrum lærisveins Ten Hag Diogo Costa varði þrjú víti í vító og Portúgalar mæta Frökkum De Bruyne: Of snemmt til að svara því Hilmar Smári semur við Stjörnuna McLaren vill að Verstappen verði refsað: Allur heimurinn veit hver er sá seki Glódís Perla og hinar stelpurnar mældar í bak og fyrir Klay Thompson að semja við Dallas Mavericks Sautján ára strákur lést eftir að hafa hnigið niður í miðjum leik Sjáðu sjálfsmarkið sem kom Frökkum í átta liða úrslit Aftur vinna Frakkar á sjálfsmarki og nú skilar það þeim í átta liða úrslit Ólíklegt að Bellingham fái leikbann Elín Klara valin í lið mótsins á HM Ísböð á nóttunni og alltaf tilbúinn að gefa góð ráð Chelsea fær framherja frá Barcelona og Earps til PSG Sjá meira
En Littler er vissulega 16 ára, í átján daga í viðbót, og hann er kominn í úrslitaleik heimsmeistaramótsins í pílukasti sem sýndur er á Vodafone Sport í kvöld. Hafi einhverjum dottið í hug að veðja á Littler fyrir mótið þá yrði sá ríkur með sigri hans í kvöld. Þessi enski strákur sem býr í Warrington, miðja vegu milli Liverpool og Manchester, er sjálfur orðinn ríkur, á augabragði. Fyrir að komast í úrslitaleikinn fær hann að lágmarki 35 milljónir króna, og með sigri í kvöld ætti hann 87 milljónir króna. Fyrir HM hafði Littler í raun enga reynslu af því að spila á móti með þeim bestu í heiminum. Jú, hann komst í fjórðu umferð á UK Open í mars en tapaði þar fyrir Tékkanum unga Adam Gawlas. Littler var bara í 164. sæti heimslistans áður en mótið hófst, og þarf í kvöld að vinna manninn sem verður í efsta sæti eftir mótið, Luke Humphries. Ljóst er að Littler mun fljúga upp, jafnvel í hóp tíu efstu, að móti loknu. En Littler hefur þó kastað pílum í mörg ár. Hann var nefnilega rétt farinn að geta sagt sín fyrstu orð þegar hann byrjaði að æfa sig í pílukasti, fyrst með segulpílum. „Frá því að ég var 18 mánaða þá hef ég ekki hætt að spila,“ sagði Littler sem skipti yfir í venjulegt píluspjald þegar hann var fjögurra ára gamall. Fyrrverandi þjálfari hans segir það snemma hafa legið ljóst fyrir að Littler hefði algjöra yfirburði yfir jafnaldra sína, og aðeins 16 ára aldurstakmarkið kom í veg fyrir að hann færi fyrr í keppni við fullorðna og þá allra bestu. Hann varð heimsmeistari ungmenna fyrr á þessu ári. Og með frammistöðu sinni síðustu daga hefur Littler hlotið gríðarlegar vinsældir, sem hann nýtur vel. Hann er á augabragði kominn með um hálfa milljón fylgjenda á Instagram, þegar þetta er skrifað, og á meðal nýrra fylgjenda og stuðningsmanna eru til að mynda enskir landsliðsmenn í fótbolta og fleiri. James Maddison bauð Littler með sér að sjá Tottenham vinna Bournemouth á sunnudaginn, og Manchester United hefur nú boðið honum á leikinn við Tottenham 14. janúar, en Littler hefur alltaf verið stuðningsmaður United. „Þú ferð í skólann á morgun“ Fjörugir áhorfendur í Ally Pally styðja vel við bakið á honum en þegar þeir kyrja gleðilega: „Þú ferð í skólann á morgun!“ þá hafa þeir reyndar ekki alveg rétt fyrir sér, því Littler hefur lokið grunnskólagöngunni og er ekki í námi sem stendur. Pílan á hans hug og hjarta. „Ég vakna bara, spila í Xbox, fæ mér eitthvað að borða og kasta í spjaldið, fer í háttinn og þannig er það,“ segir Littler um venjulegan dag hjá sér. Kærasta hans er hin 21 árs gamla Eloise sem einnig er liðtækur pílukastari, og auðvitað stolt af sínum manni. Gefur forskot að drekka ekki áfengi Littler hefur verið duglegur við að fá sér skyndibita til að fagna sigrunum á HM. Hann varð yngstur í sögunni til að vinna leik á HM þegar hann vann Christian Kist í fyrstu umferð. Á leiðinni í úrslitaleikinn er hann svo meðal annars búinn að slá út fimmfalda heimsmeistarann, og æskuhetju sína, Raymond van Barneveld, en líka Brendan Dolan og nú síðast Rob Cross af miklu öryggi. „Ég drekk auðvitað ekki svo að það gefur mér mikið forskot á þá atvinnumenn sem að drekka. Þeir vakna aumir í hausnum á morgnana en mér líður bara vel,“ sagði Littler sem fékk sér kebab og dós af Tango-gosdrykknum eftir fyrsta sigurinn á HM, og hefur síðan verið boðið að fá frían kebab út ævina á einum af kebabstöðunum í London. Eftir sigurinn í annarri umferð var það KFC, og máltíðin fyrir úrslitaleikinn verður pítsa. Reynist það rétta uppskriftin að sigri verður Littler yngsti heimsmeistari sögunnar, og hann myndi þá stórbæta met Michael van Gerwen sem var 24 ára og níu mánaða þegar hann vann árið 2014. Úrslitaleikurinn á HM hefst klukkan 20:15 og verður sýndur beint á Vodafone Sport. Útsending frá viðburðinum hefst klukkan 19:55.
Pílukast Mest lesið Samband við eldri konu sagt hafa skaðað möguleika hans í nýliðavalinu Körfubolti Ronaldo staðfestir að Evrópumótið í ár verði hans síðasta Fótbolti „Takk fyrir að berjast alltaf fyrir okkur stelpunum“ Íslenski boltinn „Líklega besti leikur lífs míns“ Fótbolti Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Fótbolti „Geri mér alveg grein fyrir því að þetta sé á einhvern hátt umdeilt“ Handbolti McLaren vill að Verstappen verði refsað: Allur heimurinn veit hver er sá seki Formúla 1 Bandaríkin úr leik á Copa América og á leið í „djúpa naflaskoðun“ Fótbolti De Bruyne: Of snemmt til að svara því Fótbolti NBA meistarar Boston Celtics til sölu Körfubolti Fleiri fréttir Á Lyon, Spirit og Ljónynjurnar frá Lundúnum: Aðdráttarafl Kang vekur athygli Þrír Íslendingar í úrvalsliðum Norðurlandamótsins Andy Murray dregur sig úr keppni á Wimbledon Fyrstur í sögunni til að verja þrjár vítaspyrnur í sama EM-leiknum „Geri mér alveg grein fyrir því að þetta sé á einhvern hátt umdeilt“ LeBron vill fá DeMar DeRozan til Lakers Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Samband við eldri konu sagt hafa skaðað möguleika hans í nýliðavalinu Ronaldo staðfestir að Evrópumótið í ár verði hans síðasta Bandaríkin úr leik á Copa América og á leið í „djúpa naflaskoðun“ Feluleikurinn skilaði sigurmarki á síðustu stundu „Takk fyrir að berjast alltaf fyrir okkur stelpunum“ Dagskráin í dag: Besta deild kvenna og Meistaradeildin í snóker NBA meistarar Boston Celtics til sölu „Líklega besti leikur lífs míns“ Hinn fullkomni leikur hjá Nico Williams Man Utd horfir enn á ný til fyrrum lærisveins Ten Hag Diogo Costa varði þrjú víti í vító og Portúgalar mæta Frökkum De Bruyne: Of snemmt til að svara því Hilmar Smári semur við Stjörnuna McLaren vill að Verstappen verði refsað: Allur heimurinn veit hver er sá seki Glódís Perla og hinar stelpurnar mældar í bak og fyrir Klay Thompson að semja við Dallas Mavericks Sautján ára strákur lést eftir að hafa hnigið niður í miðjum leik Sjáðu sjálfsmarkið sem kom Frökkum í átta liða úrslit Aftur vinna Frakkar á sjálfsmarki og nú skilar það þeim í átta liða úrslit Ólíklegt að Bellingham fái leikbann Elín Klara valin í lið mótsins á HM Ísböð á nóttunni og alltaf tilbúinn að gefa góð ráð Chelsea fær framherja frá Barcelona og Earps til PSG Sjá meira