Sló óvænt í gegn í Kína eftir lygilega atburðarás á Laugaveginum Kristín Ólafsdóttir skrifar 24. janúar 2024 10:31 Anna (lengst til hægri á mynd) elti hópinn uppi, eins og sést á þessu skjáskoti úr þættinum Divas hit the road. Brot úr þættinum má finna í innslaginu neðst í fréttinni. Úkraínsk kona sem rekur verslanir með vefnaðarvörur í Miðborginni hefur óvænt slegið í gegn í Kína eftir að hópur kínverskra stórstirna gerði stórinnkaup í búð hennar á Laugavegi. Við hittum hinn unga og metnaðarfulla atvinnurekanda í Íslandi í dag og ræddum lygilega atburðarásina. Anna Morris er 36 ára, fædd í Úkraínu seint á níunda áratugnum. Hún, ásamt manni sínum Bergi Guðmundssyni, rekur þrjár verslanir undir merkjum MJÚK Iceland í miðbæ Reykjavíkur; tvær á Skólavörðustíg og eina á Laugavegi. Anna er sjálf yfirhönnuður og heldur utan um reksturinn að mestu. Hún stofnaði vörumerkið árið 2018 og opnaði fyrstu verslunina ári síðar. Anna segir reksturinn hafa gengið vel, einkum allra síðustu mánuði eftir að hún kom sér óvænt á framfæri í geisivinsælum kínverskum sjónvarpsþætti. Klippa: Ótrúleg atburðarás kom henni á kortið í Kína „Ég var bara hérna í búðinni og sá þá afar fallegar konur fyrir utan. Maður sér þetta ekki oft, göngulagið, samskiptin, brosin. Það var eitthvað við þær. Maður sá að þær voru sérstakar,“ segir Anna. „Ég vissi ekki hverjar þær voru eða hvað þær voru að gera en ég sá að þær voru með myndatökumann og aðdáendur eltu þær. Það gengu túristar á eftir þeim og voru mjög forvitnir. Ég var líka forvitin.“ Anna greip því húfu úr búðinni og elti hópinn upp Laugaveginn. Hún náði konunum og fylgdarliði þeirra að lokum og bauð þeim að koma í búðina, þar sem hún myndi gefa þeim húfur. Þetta þáði hópurinn, sem eyddi dágóðum tíma í búðinni með Önnu og tökuliði sínu. Atburðarásin var öll fest á filmu og sjá má brot úr henni í spilaranum hér fyrir ofan. Hverjar voru þessar konur eiginlega? Síðar frétti Anna að þarna hefðu verið á ferðinni nokkrar af frægustu leikkonum og fyrirsætum Kína, mættar hingað til lands við tökur á þættinum Divas hit the road. Sú frægasta í hópnum er án efa Dilraba Dilmurat, leikkona og fyrirsæta af úígúraættum sem komið hefur fram í auglýsingum fyrir nokkur af stærstu vörumerkjum heims og státar af tugum, ef ekki hundruðum, milljóna fylgjenda á kínverskum samfélagsmiðlum. Önnu og búðinni hennar voru gerð einkar góð skil í þættinum, sem Anna telur að um 600 milljónir manna hafi nú horft á. Dilraba og félagar báru auk þess húfurnar áfram á ferðalagi sínu um landið, eins og sést í þættinum. Þá hafa húfurnar á höfðum stjarnanna verið rækilega skrásettar á samfélagsmiðlum í Kína. Strax og þátturinn var sýndur byrjaði fyrirspurnum frá Kína að rigna yfir Önnu og Berg; viðskiptin blómstra sem aldrei fyrr. Anna lýsir því að fólk hafi sérstaklega flogið til Íslands til að kaupa samskonar húfur og átrúnaðargoðin skörtuðu í Divas hit the road. Ein og sama konan hafi til að mynda keypt 600 húfur á einu bretti, sem hún setti ofan í ferðatöskur og flaug svo með heim til Kína. Viðtalið við Önnu í Íslandi í dag í gær má nálgast í heild inni á streymisveitu Stöðvar 2. Þar ræðir hún einnig uppvöxtinn í Úkraínu, ástandið í stríðshrjáðu heimalandinu og fyrstu kynni hennar við eiginmanninn, sem urðu óvænt í Hallgrímskirkjuturni fyrir sjö árum. Kína Ísland í dag Verslun Reykjavík Mest lesið Mammaðín er tilraun til að sporna gegn hræðilegri þróun Tónlist Arna Ýr uppljóstrar um kostnað brúðkaupsins Lífið Allt í keng: „Líkurnar aukast þegar flugan er í vatninu“ Lífið „Þetta er ekki jafn svakalegt og maður ímyndar sér.“ Lífið Eintóm gleði á Bræðslunni Lífið Björk með besta atriði í sögu Ólympíuleikanna Tónlist Tónlistarmaður selur eina glæsilegustu eign Hafnarfjarðar Lífið Segir lúsmýið ekki biðja um of mikið Tónlist Nýtur lífsins áhyggjulaus í áhrifavaldaferð í Króatíu Tónlist Birtu nýja stiklu fyrir Rings of Power Lífið Fleiri fréttir „Þetta er ekki jafn svakalegt og maður ímyndar sér.“ Eintóm gleði á Bræðslunni Allt í keng: „Líkurnar aukast þegar flugan er í vatninu“ Birtu nýja stiklu fyrir Rings of Power Arna Ýr uppljóstrar um kostnað brúðkaupsins Hefur lifað tveimur lífum Tónlistarmaður selur eina glæsilegustu eign Hafnarfjarðar Hvernig skal takast á við slæma veðrið Birti bikinímynd af sér áður en það verður um seinan Hræddur um líf eiginkonu sinnar Fimm heillandi einbýli á Akureyri Heiður Ósk og Davíð í rómantísku fríi í Króatíu „Þetta væri einum of gott til að taka ekki þátt“ Meðstjórnandi MrBeast sökuð um að draga barn á tálar Stikla fyrir nýja íslenska grínþætti: „Þetta er ógeðslega fyndið“ „Smávægileg martröð“ að vinna fyrir Olsen systurnar Gagnrýnir varaforsetaefni Trump fyrir ummæli um barnlausar konur Ramsay snæddi á Nebraska og lenti í árekstri á Edition Græðgi meðleikonu hafi skemmt endurkomuna Anna Lilja nældi sér í fjárfesti Íslenskar stjörnur flykkjast í sólina Helvítis kokkurinn: Heilög helvítis þrenna „Ég ætla ekki að þegja lengur“ Borðar ekkert nema kjöt, egg og smjör Chalamet syngur sem Bob Dylan í nýrri stiklu Sex þúsund tapaðar ljósmyndir komust í leitirnar Pönnukökur með karamelliseruðum bönunum Förðunarfræðingur sem hræðist drauga Nýjasta tíska ferðalanga? Að fljúga berbakt um háloftin Hildur Sif og Páll Orri ástfangin í Frakklandi Sjá meira
Anna Morris er 36 ára, fædd í Úkraínu seint á níunda áratugnum. Hún, ásamt manni sínum Bergi Guðmundssyni, rekur þrjár verslanir undir merkjum MJÚK Iceland í miðbæ Reykjavíkur; tvær á Skólavörðustíg og eina á Laugavegi. Anna er sjálf yfirhönnuður og heldur utan um reksturinn að mestu. Hún stofnaði vörumerkið árið 2018 og opnaði fyrstu verslunina ári síðar. Anna segir reksturinn hafa gengið vel, einkum allra síðustu mánuði eftir að hún kom sér óvænt á framfæri í geisivinsælum kínverskum sjónvarpsþætti. Klippa: Ótrúleg atburðarás kom henni á kortið í Kína „Ég var bara hérna í búðinni og sá þá afar fallegar konur fyrir utan. Maður sér þetta ekki oft, göngulagið, samskiptin, brosin. Það var eitthvað við þær. Maður sá að þær voru sérstakar,“ segir Anna. „Ég vissi ekki hverjar þær voru eða hvað þær voru að gera en ég sá að þær voru með myndatökumann og aðdáendur eltu þær. Það gengu túristar á eftir þeim og voru mjög forvitnir. Ég var líka forvitin.“ Anna greip því húfu úr búðinni og elti hópinn upp Laugaveginn. Hún náði konunum og fylgdarliði þeirra að lokum og bauð þeim að koma í búðina, þar sem hún myndi gefa þeim húfur. Þetta þáði hópurinn, sem eyddi dágóðum tíma í búðinni með Önnu og tökuliði sínu. Atburðarásin var öll fest á filmu og sjá má brot úr henni í spilaranum hér fyrir ofan. Hverjar voru þessar konur eiginlega? Síðar frétti Anna að þarna hefðu verið á ferðinni nokkrar af frægustu leikkonum og fyrirsætum Kína, mættar hingað til lands við tökur á þættinum Divas hit the road. Sú frægasta í hópnum er án efa Dilraba Dilmurat, leikkona og fyrirsæta af úígúraættum sem komið hefur fram í auglýsingum fyrir nokkur af stærstu vörumerkjum heims og státar af tugum, ef ekki hundruðum, milljóna fylgjenda á kínverskum samfélagsmiðlum. Önnu og búðinni hennar voru gerð einkar góð skil í þættinum, sem Anna telur að um 600 milljónir manna hafi nú horft á. Dilraba og félagar báru auk þess húfurnar áfram á ferðalagi sínu um landið, eins og sést í þættinum. Þá hafa húfurnar á höfðum stjarnanna verið rækilega skrásettar á samfélagsmiðlum í Kína. Strax og þátturinn var sýndur byrjaði fyrirspurnum frá Kína að rigna yfir Önnu og Berg; viðskiptin blómstra sem aldrei fyrr. Anna lýsir því að fólk hafi sérstaklega flogið til Íslands til að kaupa samskonar húfur og átrúnaðargoðin skörtuðu í Divas hit the road. Ein og sama konan hafi til að mynda keypt 600 húfur á einu bretti, sem hún setti ofan í ferðatöskur og flaug svo með heim til Kína. Viðtalið við Önnu í Íslandi í dag í gær má nálgast í heild inni á streymisveitu Stöðvar 2. Þar ræðir hún einnig uppvöxtinn í Úkraínu, ástandið í stríðshrjáðu heimalandinu og fyrstu kynni hennar við eiginmanninn, sem urðu óvænt í Hallgrímskirkjuturni fyrir sjö árum.
Kína Ísland í dag Verslun Reykjavík Mest lesið Mammaðín er tilraun til að sporna gegn hræðilegri þróun Tónlist Arna Ýr uppljóstrar um kostnað brúðkaupsins Lífið Allt í keng: „Líkurnar aukast þegar flugan er í vatninu“ Lífið „Þetta er ekki jafn svakalegt og maður ímyndar sér.“ Lífið Eintóm gleði á Bræðslunni Lífið Björk með besta atriði í sögu Ólympíuleikanna Tónlist Tónlistarmaður selur eina glæsilegustu eign Hafnarfjarðar Lífið Segir lúsmýið ekki biðja um of mikið Tónlist Nýtur lífsins áhyggjulaus í áhrifavaldaferð í Króatíu Tónlist Birtu nýja stiklu fyrir Rings of Power Lífið Fleiri fréttir „Þetta er ekki jafn svakalegt og maður ímyndar sér.“ Eintóm gleði á Bræðslunni Allt í keng: „Líkurnar aukast þegar flugan er í vatninu“ Birtu nýja stiklu fyrir Rings of Power Arna Ýr uppljóstrar um kostnað brúðkaupsins Hefur lifað tveimur lífum Tónlistarmaður selur eina glæsilegustu eign Hafnarfjarðar Hvernig skal takast á við slæma veðrið Birti bikinímynd af sér áður en það verður um seinan Hræddur um líf eiginkonu sinnar Fimm heillandi einbýli á Akureyri Heiður Ósk og Davíð í rómantísku fríi í Króatíu „Þetta væri einum of gott til að taka ekki þátt“ Meðstjórnandi MrBeast sökuð um að draga barn á tálar Stikla fyrir nýja íslenska grínþætti: „Þetta er ógeðslega fyndið“ „Smávægileg martröð“ að vinna fyrir Olsen systurnar Gagnrýnir varaforsetaefni Trump fyrir ummæli um barnlausar konur Ramsay snæddi á Nebraska og lenti í árekstri á Edition Græðgi meðleikonu hafi skemmt endurkomuna Anna Lilja nældi sér í fjárfesti Íslenskar stjörnur flykkjast í sólina Helvítis kokkurinn: Heilög helvítis þrenna „Ég ætla ekki að þegja lengur“ Borðar ekkert nema kjöt, egg og smjör Chalamet syngur sem Bob Dylan í nýrri stiklu Sex þúsund tapaðar ljósmyndir komust í leitirnar Pönnukökur með karamelliseruðum bönunum Förðunarfræðingur sem hræðist drauga Nýjasta tíska ferðalanga? Að fljúga berbakt um háloftin Hildur Sif og Páll Orri ástfangin í Frakklandi Sjá meira