Málning fyrir öll til­efni

Málning býður upp á fjölbreytt úrval af Svansvottaðri KÓPAL innimálningu auk annarra Svansvottaðra vara og fleiri vörur sem eru leyfilegar til notkunar í Svansvottuð hús segir Gylfi Már Ágústsson, málarameistari og sölumaður hjá Málningu.

„Markaðurinn hefur í langan tíma kallað meira og meira eftir þessum vörum. Við bjóðum upp á Svansvottaða loft- og veggjamálningu og einnig málningu fyrir baðherbergi sem er vottuð. Það er mjög hröð þróun í þessari grein og við erum nánast að bæta við nýjum vottuðum vörum á hverjum degi enda verið að byggja Svansvottuð hús út um allt.“

Þarf að uppfylla strangar kröfur

Svansvottuð málning þarf að uppfylla mjög strangar kröfum um innihald og framleiðslu segir Gylfi. „Hún þarf að innihalda hráefni sem eru öll samþykkt af Svaninum. Framleiðsluferlið er því mjög strangt og engin eiturefni eru í þessari málningu. Einnig eru gerðar strangar kröfur um rotvarnarefni og lífræn leysiefni og raunar er allt gert til að gera málninguna sem öruggasta og umhverfisvænasta frá framleiðslu og eftir að hún er komin á vegginn.“

Meðal þeirra krafna sem gerðar eru til Svansmerktrar málningar er að hún megi ekki innihalda nanóefni, þungmálma eða efni sem geta verið hættuleg eða valdið skaða á umhverfinu. „Það eru líka settar strangar kröfur um notkun rotvarnarefna og lífrænna leysiefna. Þannig að í raun má segja að þessi málning sé svo laus við óæskileg efni að það megi nánast baða sig upp úr henni.“

Styttist í málningarsumarið

Vorið er á næsta leyti og vafalaust eru margir landsmenn farnir að huga að málningarsumrinu framundan, til dæmis í tengslum við pallinn og sumarbústaðinn eða fyrir húsið sitt. „Málning býður upp á mjög vandaðar og vinsælar vörur sem henta vel fyrir bæði timbur. Þau efni sem eru best á timbur eru Kjörvari 14 sem er hálfþekkjandi viðarvörn með fúgavörn í og Kjörvari 16 sem er þekjandi olíuviðarvörn sem ver viðin niðurbroti af völdum sólarljóss og hefur góða filmu með gott veðrunarþol. 

Einnig má nefna Kjörvara 20 sem er vatnsþynnanleg, hyljandi viðarvörn sem ver viðinn niðurbroti af völdum sólarljóss og er gerð úr ljósheldum litarefnum, öflugum fúa- og rotvarnarefnum, blöndu af feitu alkýði og 100% akrýlemúlsjón, sem gefur teygjanlega filmu, án þess að viðarmynstur glatist.“

Kjörvari 12 er pallaolía sem smýgur vel inn í viðinn, veitir honum góða vatnsvörn og hamlar gegn sprungumyndun. „Sama má segja um Kjörvara 22 sem er vatnsþynnt pallaolía sem er mjög ljósheldin en vatnsþynnta viðarvörnin nýtur vaxandi vinsælda núorðið.“

Steintex og Steinskjól er akrýlmálning fyrir steypu en allar þessar málningartegundir standast þær kröfur sem við gerum hér á landi. „Steinvari 2000 er terpentínuþynnanleg akrýlbundin málning, sem hefur þá einstöku eiginleika að vera þétt gegn vatni í fljótandi ástandi, en hleypa raka í loftkenndu ástandi vel í gegnum sig eða um tvöfalt betur en hefðbundin plastmálning. Steinvari 2000 fullnægir ítrustu kröfum um yfirborðsmeðhöndlun á múr og steinsteyptum flötum utanhúss þar sem hann er gæddur sérkostum en þessar vörur hafa selt mjög vel undanfarin sumur.“

Ekki má gleyma þökunum sem verða fyrir miklu álagi að sögn Gylfa. „Þar stendur Málning vel að vígi og hefur upp á að bjóða hágæða málningu en þar má helst nefna Þol og Akrýl Þol.“

Nánar á malning.is.