Rúrik og Pétur Jóhann þeir frægustu sem hún hefur hitt

Lífið á Vísi ræðir við stúlkurnar sem keppast um titilinn Ungfrú Ísland í ár og fær að kynnast þeim aðeins betur. Ungfrú Ísland verður í beinni útsendingu 14. ágúst á Vísi og Stöð 2 Vísi.

Fullt nafn?

Stella Karen Kristjánsdóttir 

Aldur?

23 ára

Starf? 

Starfsmaður hjá Joe & The Juice og laugarvörður í Sundlaug Kópavogs á sumrin. 

Hvað var það sem vakti áhuga þinn á keppninni? 

Ég hef fylgst aðeins með keppninni síðustu ár og langað að taka þátt en ekki haft kjarkinn í það. 

Mér finnst þetta vera góð áskorun til að takast á við óöryggi, læra að koma fram og bera höfuðið hátt. Svo skemmir ekki fyrir að fá að koma fram í fallegum kjól og uppfylla þar með ákveðinn æskudraum um að vera prinsessa. 

Hvað ert þú búin að læra í ferlinu?

Fyrir utan það að vera orðin betri í að ganga í hælaskóm þá hef ég t.d. lært að á meðan þú dáist að öðrum þá er kannski einhver að dást að þér í leiðinni. Þetta er eitthvað sem væri gott að muna ef maður skyldi fara að efast um sjálfan sig. 

Hvaða tungumál talarðu? 

Ég tala íslensku og ensku og svo gæti ég mögulega bjargað mér á dönsku eins og held ég margir aðrir hér á landi. Ég lærði einnig spænsku og frönsku í menntaskóla.

Hvað hefur mótað þig mest?

Ég trúi því að umhverfið spili stóran þátt í að móta einstaklinginn og þá sérstaklega á uppeldisárunum. 

Ég hef átt góða æsku en á sama tíma eru þar erfiðir þættir sem hafa ef til vill haft áhrif á mig og mótað mig að þeirri manneskju sem ég er í dag. 

Erfiðasta lífsreynslan hingað til?

Erfiðasta lífsreynslan mín hingað til er eflaust þegar ég missti ömmu mína úr krabbameini árið 2020. Ég ólst í rauninni upp hjá henni frá tveggja ára aldri. Það tók mikið á að missa hana og voru ákveðnir erfiðleikar sem fylgdu í kjölfarið sem ég tel mig hafa unnið ágætlega úr í dag.

Hverju ertu stoltust af? 

Ég er nokkuð stolt af sjálfri mér fyrir að hafa stigið út fyrir þægindarammann síðustu ár. Það er eitthvað sem ég átti erfitt með fyrir ekki svo löngu síðan þar sem ég var mjög feimin og átti oft erfitt með að tjá mig fyrir framan fólk. 

Besta heilræði sem þú hefur fengið?

Ekki stressa þig yfir hlutum sem þú hefur enga stjórn á. 

Hver er uppáhalds maturinn þinn? 

Pasta og pizza er gott og klassískt svar en svo held ég líka mikið upp á góðan hamborgarhrygg. 

Hver er þín fyrirmynd í lífinu? 

Helsta fyrirmyndin mín í lífinu er án efa eldri systir mín Bryndís.

Ég hef alltaf litið upp til hennar frá því að ég var lítil. 

Hver er frægasta persóna sem þú hefur hitt? 

Ég hef afgreitt nokkuð marga þekkta Íslendinga en sá sem er með hvað mest fylgi erlendis í dag er líklegast Rúrik Gísla. Hann var mjög almennilegur. Annars verð ég að nefna Pétur Jóhann líka. Hann er algjör meistari og ég gat ekki annað en beðið um mynd með honum. 

Neyðarlegasta atvik sem þú hefur lent í? 

Mér dettur ekkert sérstakt atvik í hug en ég man einhver skipti þegar ég var yngri og reyndi að segja eitthvað fyndið en það fannst engum öðrum það fyndið nema mér. Það getur verið pínlegt þegar maður er á viðkvæmum aldri. 

Hver er þinn helsti ótti? 

Ég hef alltaf verið rosalega hrædd við geitunga, aldrei verið stungin samt. 

Hvar sérðu þig í framtíðinni? 

Nú fer allt eftir hveru langt fram í tímann á að líta en ég sé mig fyrir mér heilbrigða og gifta með barn eða börn. Ég vil ljúka háskólanámi, vera í vinnu sem mér líkar og mögulega búa erlendis. 

Hvaða lag tekur þú í karókí?

Mr. Brightside með The Killers.

Þín mesta gæfa í lífinu?

Mín mesta gæfa í lífinu er fjölskyldan mín, kærasti og vinir. 

Uppskrift að drauma degi?

Það er svo margt hægt að gera til að eiga góðan dag. Ég væri helst til í að vera einhvers staðar sem er hlýtt og nálægt strönd. Ég myndi byrja daginn á góðum morgunmat, fara í ræktina, liggja aðeins í sólbaði og fara svo í tívolí eða eitthvað álíka. Borða góðan mat um kvöldið og ganga meðfram ströndinni. Mögulega fara á einhvern stað þar sem er spilað góða tónlist. Svo myndi ég fara heim og borða smá nammi yfir góðri bíómynd.

Hér er hægt að kjósa í Ungfrú Ísland.