Tveir Ís­lendingar til­nefndir til Emmy-verðlauna

Tilnefningar til verðlaunanna voru tilkynntar síðdegis. Atli er tilnefndur fyrir tónlist sína í sjónvarpsþáttunum Silo, sem sýndir eru á streymisveitunni Apple TV+. Tónskáld fimm annarra tónverka eru tilnefnd í sama flokki. Þar á meðal fyrir tónlistina í The Crown, Mr. & Mrs. Smith og Shōgun. 

Í apríl hlaut Atli BAFTA-verðlaunin fyrir tónlist sína í sömu þáttum. 

Uppfært: Fréttastofu barst ábending um að annar Íslendingur hafi hlotið tilnefningu en það er hann Skúli Helgi Sigurgíslason sem er tilnefndur í flokki framúrskarandi hljóðblöndunar fyrir þættina True Detective: Night Country. Þættirnir voru teknir upp á Íslandi og eru meðal annars sýndir á Stöð 2+.

Emmy-sjónvarpsverðlaunin fara fram þann 15. september í Los Angeles. Sjónvarpsþættirnir Shōgun hlutu flestar tilnefningar að þessu sinni, eða 25 tilnefningar. The Bear hlaut næstflestar tilnefningar, 23 talsins.

 Lista yfir tilnefningar til Emmy-verðlaunanna má nálgast hér.