„Unun að troðið sé á manni þegar svona er“ Jakob Bjarnar skrifar 17. júlí 2024 13:42 Maggi Kjartans spyr sig hvort hann sé kominn með einhver dauðagráma yfir sig fyrst allir eru teknir til við að henda á hann öllu sem þeir eiga í tæka tíð? Vísir/Hulda Margrét Ákveðið hefur verið að Magnús Kjartansson tónlistarmaður fái settan upp sérstakan hjartastein sem staðsettur verður við Bæjarbíó í Hafnarfirði. Magnús segir að sér þyki vænt um þennan heiður en það verður Rósa Guðbjartsdóttir bæjarstjóri Hafnarfjarðar sem afhjúpar steinninn sérstaklega 20. júlí klukkan 18:30. Löngum hafa Hafnfirðingar bitist á um Magga við Keflvíkinga hvar hann er borðinn og barnfæddur; hvort hann teljist Keflvíkingur eða Hafnfirðingur? En hann bjó í Hafnarfirði í 33 ár áður en hann flutti í Grímsnesið fyrir um tíu árum ásamt konu sinni, en þar hefur hann látið til sín taka við tónlistarkennslu og hestamennsku; þar unnir hann hag sínum vel. Og Keflavík er ekki lengur til. „Pabbi fæddist í Aðalvík og talaði alltaf um sig sem slíkan. En hann bjó í Keflavík alla ævi. Það er algengt að menn kenni sig við staðinn sem þeir fæðast á,“ segir Magnús spurður hvort hann sé Hafnfirðingur eða Keflvíkingur. Hann segir þetta reyndar rannsóknarefni, þetta fyrirbæri með hvaðan menn eru? „Ég er fæddur og uppalinn“ „Sko, þegar ég fór í prófkjör hjá Sjálfstæðismönnum í Hafnarfirði þá áttu allir áttu að halda ræðu og kynna sig. Og hver einasti nema ég hóf sína tölu á því að segja: … og ég er fæddur og uppalinn í Hafnarfirði. Af því að ég var ekki tekinn upp með rabbabaranum þar gat ég ekki annað sagt en: Ég heiti Magnús Kjartansson og er fæddur og uppalinn. Þetta gerði lukku og ég var kosinn.“ Magnúsi þykir þetta merkileg stúdía og hversu alvarlega því er tekið hvaðan menn eru og hvenær er það sem menn verða eign einhvers staðar eða ekki. „En þarna bjó ég í 33 ár og það telur, sú þolraun. Ég var meira í Hafnarfirði en Jón Rafn. Hann fór oft á Bíldudal að syngja þar með hljómsveitinni Facon.“ Þó blómaskeið tónlistarmannsins Magnúsar sé langt og mikið má segja að hann hafi fyrst sprungið út í Hafnarfirði. Þar kom hann upp börnum sínum og fékkst við upptökur, útsetningar, hljóðfæraleik og upptökur á mörgum af þekktustu lögum 8., 9. og 10. áratug síðustu aldar. Má þar nefna listamenn á borð við Brimkló, HLH flokkinn, Halla og Ladda, Brunaliðið, Vilhjálm Vilhjálmsson, Geirmund Valtýsson, auk fjölda annarra verkefna sem unnin voru í Hljóðrita í Hafnarfirði að mestu. Einnig samdi hann á þeim tíma sem hann bjó í Firðinum mörg af sínum þekktustu lögum sem enn lifa. Maggi sá fjórði sem nýtur þessa heiðurs En hvernig er þetta valið? Páll Eyjólfsson rekur ásamt Pétri Ó. Stephensen Bæjarbíó: „Það álit töluvert margra sem við leitum alltaf til. Við fundum að það var ríkur almennur vilji fyrir þessu. Magnús hefur lagt ótrúlega þung lóð á vogarskálarnar í tónlistarlífi Hafnarfjarðar meðan hann bjó hérna. Var vinnandi uppi í Hljóðrita þar sem hann tók upp nánast allar plötur sem teknar voru upp á síðari hluta síðustu aldar. Sem þýðir að um 90 prósent af allri tónlist á Íslandi var tekin þar í Hafnarfirði,“ segir Páll. Eins og áður sagði er Magnús sá fjórði sem nýtur þess heiðurs að hljóta Hjartasteininn í Hjarta Hafnarfjarðar. Fyrir eru hjartasteinar til heiðurs Björgvini Halldórssyni, tónlistarmanni og bæjarlistarmanni Hafnarfjarðar 2018, Þórhalli Sigurðssyni, Ladda leikara og tónlistarmanni, og þá er hjartasteinn í minningu Guðrúnar Helgadóttur rithöfundar. Þegar Bó var rekinn til baka með „Walk of Fame“ stéttina „Mér finnst mjög vænt um þetta,“ segir heiðurshafinn sjálfur. „En svo má spyrja sig að því hvort það séu allir að sjá á mér einhvern dauðagráma og flýta sér að henda á mig öllu sem þeir eiga til að ná því í tæka tíð. Það er hægt að fá nýrnastein en ég hef aldrei heyrt um hjartastein fyrr en þetta kom upp. Maggi Kjartans heldur tónleika í tilefni af þessum viðburði, með eigin hljómsveit hvar Stefán Hilmarsson verður í broddi fylkingar og svo Vintage Caravan.vísir/hulda margrét Ekki fyrr en Bjöggi fór að baksa við að búa til Walk of Fame í Hafnarfirði en það þurfti að henda þeim steini af því að hann var talinn stæling á stéttinni í Los Angeles. Það þurfti sem sagt að breyta gangstéttarhellunni. En það má segja að það sé unun að því að það sé troðið á manni þegar svona er. Bara að menn stígi ekki of fast til jarðar ef menn eru þarna á ferð.“ Í tilefni þessa heiðurs efnir Magnús Kjartansson ásamt Vintage Caravan, auk sinnar eigin hljómsveitar, til tónleika í Bæjarbíói þann 21. september næstkomandi. Með honum í för verða góðir gestir með Stefán Hilmarsson í fararbroddi. Miðasala er hafin á tix.is. Tónlist Hafnarfjörður Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira
Magnús segir að sér þyki vænt um þennan heiður en það verður Rósa Guðbjartsdóttir bæjarstjóri Hafnarfjarðar sem afhjúpar steinninn sérstaklega 20. júlí klukkan 18:30. Löngum hafa Hafnfirðingar bitist á um Magga við Keflvíkinga hvar hann er borðinn og barnfæddur; hvort hann teljist Keflvíkingur eða Hafnfirðingur? En hann bjó í Hafnarfirði í 33 ár áður en hann flutti í Grímsnesið fyrir um tíu árum ásamt konu sinni, en þar hefur hann látið til sín taka við tónlistarkennslu og hestamennsku; þar unnir hann hag sínum vel. Og Keflavík er ekki lengur til. „Pabbi fæddist í Aðalvík og talaði alltaf um sig sem slíkan. En hann bjó í Keflavík alla ævi. Það er algengt að menn kenni sig við staðinn sem þeir fæðast á,“ segir Magnús spurður hvort hann sé Hafnfirðingur eða Keflvíkingur. Hann segir þetta reyndar rannsóknarefni, þetta fyrirbæri með hvaðan menn eru? „Ég er fæddur og uppalinn“ „Sko, þegar ég fór í prófkjör hjá Sjálfstæðismönnum í Hafnarfirði þá áttu allir áttu að halda ræðu og kynna sig. Og hver einasti nema ég hóf sína tölu á því að segja: … og ég er fæddur og uppalinn í Hafnarfirði. Af því að ég var ekki tekinn upp með rabbabaranum þar gat ég ekki annað sagt en: Ég heiti Magnús Kjartansson og er fæddur og uppalinn. Þetta gerði lukku og ég var kosinn.“ Magnúsi þykir þetta merkileg stúdía og hversu alvarlega því er tekið hvaðan menn eru og hvenær er það sem menn verða eign einhvers staðar eða ekki. „En þarna bjó ég í 33 ár og það telur, sú þolraun. Ég var meira í Hafnarfirði en Jón Rafn. Hann fór oft á Bíldudal að syngja þar með hljómsveitinni Facon.“ Þó blómaskeið tónlistarmannsins Magnúsar sé langt og mikið má segja að hann hafi fyrst sprungið út í Hafnarfirði. Þar kom hann upp börnum sínum og fékkst við upptökur, útsetningar, hljóðfæraleik og upptökur á mörgum af þekktustu lögum 8., 9. og 10. áratug síðustu aldar. Má þar nefna listamenn á borð við Brimkló, HLH flokkinn, Halla og Ladda, Brunaliðið, Vilhjálm Vilhjálmsson, Geirmund Valtýsson, auk fjölda annarra verkefna sem unnin voru í Hljóðrita í Hafnarfirði að mestu. Einnig samdi hann á þeim tíma sem hann bjó í Firðinum mörg af sínum þekktustu lögum sem enn lifa. Maggi sá fjórði sem nýtur þessa heiðurs En hvernig er þetta valið? Páll Eyjólfsson rekur ásamt Pétri Ó. Stephensen Bæjarbíó: „Það álit töluvert margra sem við leitum alltaf til. Við fundum að það var ríkur almennur vilji fyrir þessu. Magnús hefur lagt ótrúlega þung lóð á vogarskálarnar í tónlistarlífi Hafnarfjarðar meðan hann bjó hérna. Var vinnandi uppi í Hljóðrita þar sem hann tók upp nánast allar plötur sem teknar voru upp á síðari hluta síðustu aldar. Sem þýðir að um 90 prósent af allri tónlist á Íslandi var tekin þar í Hafnarfirði,“ segir Páll. Eins og áður sagði er Magnús sá fjórði sem nýtur þess heiðurs að hljóta Hjartasteininn í Hjarta Hafnarfjarðar. Fyrir eru hjartasteinar til heiðurs Björgvini Halldórssyni, tónlistarmanni og bæjarlistarmanni Hafnarfjarðar 2018, Þórhalli Sigurðssyni, Ladda leikara og tónlistarmanni, og þá er hjartasteinn í minningu Guðrúnar Helgadóttur rithöfundar. Þegar Bó var rekinn til baka með „Walk of Fame“ stéttina „Mér finnst mjög vænt um þetta,“ segir heiðurshafinn sjálfur. „En svo má spyrja sig að því hvort það séu allir að sjá á mér einhvern dauðagráma og flýta sér að henda á mig öllu sem þeir eiga til að ná því í tæka tíð. Það er hægt að fá nýrnastein en ég hef aldrei heyrt um hjartastein fyrr en þetta kom upp. Maggi Kjartans heldur tónleika í tilefni af þessum viðburði, með eigin hljómsveit hvar Stefán Hilmarsson verður í broddi fylkingar og svo Vintage Caravan.vísir/hulda margrét Ekki fyrr en Bjöggi fór að baksa við að búa til Walk of Fame í Hafnarfirði en það þurfti að henda þeim steini af því að hann var talinn stæling á stéttinni í Los Angeles. Það þurfti sem sagt að breyta gangstéttarhellunni. En það má segja að það sé unun að því að það sé troðið á manni þegar svona er. Bara að menn stígi ekki of fast til jarðar ef menn eru þarna á ferð.“ Í tilefni þessa heiðurs efnir Magnús Kjartansson ásamt Vintage Caravan, auk sinnar eigin hljómsveitar, til tónleika í Bæjarbíói þann 21. september næstkomandi. Með honum í för verða góðir gestir með Stefán Hilmarsson í fararbroddi. Miðasala er hafin á tix.is.
Tónlist Hafnarfjörður Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira