Lífið

Alltaf að tala um barn­eignir

Oddur Ævar Gunnarsson skrifar
Jonathan Owens og Simon Biles eru spennt fyrir framtíðinni.
Jonathan Owens og Simon Biles eru spennt fyrir framtíðinni. Carmen Mandato/Getty Images

Hjónin Simon Biles og Jonathan Owens eru alltaf að tala um að eignast börn. Þetta segir bandaríska fimleikagoðsögnin sem segir þó að hún og eiginmaður hennar ætli ekki að láta af verða alveg strax.

„Ég og Jonathan erum alltaf að tala um börn,“ segir Biles sem bætt hefur við sig fjórum gullverðlaunum á Ólympíuleikunum í ár. Hún segir Jonathan myndu eignast börn strax ef það væri hægt. Ferill þeirra beggja komi hinsvegar í veg fyrir að það sé hægt alveg strax.

„Augljóslega erum við bæði með okkar markmið sem við viljum ná áður en við stofnum fjölskyldu. En það er klárlega í okkar framtíð,“ segir 27 ára gamal goðsögnin sem ræddi málin í sjónvarpsþættinum Today Show.

Hjónin giftu sig í apríl í fyrra. Owens spilar fyrir Chicago Bears og mætti á Ólympíuleikana í París í ár til að fylgjast með sinni konu. Biles segir hann hafa notið sín í botn.






Fleiri fréttir

Sjá meira


×