„Aldrei liðið eins og týpískri girly-girl“

Fegurðarsamkeppnin Ungfrú Ísland verður haldin í tíunda skipti þann 3. apríl næstkomandi og fer fram í Gamla bíói. Keppendur eru tuttugu talsins og eru á aldrinum 18 til 37 ára.

Lífið á Vísi ræðir við stúlkurnar sem keppast um titilinn Ungfrú Ísland í ár og fær að kynnast þeim aðeins betur. Ungfrú Ísland verður í beinni útsendingu þann 3. apríl á Vísi og Stöð 2 Vísi.

Fullt nafn? Ég heiti Halldóra Hlíf Þorvaldsdóttir

Aldur? Ég er 22 ára, og verð 23 ára í sumar.

Starf? Ég vinn hjá Norðurál í kerskálanum á Grundartanga í Hvalfirði. Þetta er smá svona týpískt “boy job” en stelpur geta alveg gert það sama og strákar.

Menntun? Ég lauk stúdent af opinni braut með áherslu á stærðfræði og eðlisfræði frá Menntaskólanum við Hamrahlíð, og byrjaði í Hátækniverkfræði í Háskólanum í Reykjavík, en er að taka mér pásu í því eins og er.

Hvernig myndir þú lýsa sjálfri þér í þremur orðum? 

Einlæg, samviskusöm og brosmild

Hvað kæmi fólki mest á óvart að vita um þig? Ekki eitthvað sem kæmi fólki á óvart þannig séð, en svona “fun fact” er að ég er “glasabarn”.

Hver er fyrirmynd þín í lífinu? Helsta fyrirmyndin mín í lífinu er Vigdís Finnbogadóttir. Hún var ekki bara fyrsta konan í heiminum til að verða forseti, heldur var hún líka fyrst einhleypra kvenna á Íslandi til að ættleiða barn. Hún er einfaldlega bara icon ef það má sletta svona aðeins, og líka mjög sterk fyrirmynd fyrir allar konur.

Hvað hefur mótað þig mest? Ég myndi segja að það sem hefur mótað mig mest væru allskonar erfiðleikar sem ég hef farið/gengið í gegnum yfir ævina því það hefur gert mig að sterkari manneskju og hver ég er í dag.

Hver er mesta áskorunin sem þú hefur þurft að takast á við, og hvernig komstu þér í gegnum hana? Að þurfa að taka ákvörðunina að svæfa hundinn okkar. Hann varð allt í einu mjög veikur en hann var líka orðinn mjög gamall, þannig við reyndum að hugga okkur við það að besta í stöðunni fyrir hann væri að “fara bara að sofa” frekar en að kveljast.

Hverju ertu stoltust af? Ég er mjög stolt af þeirri manneskju sem ég er í dag, og þeim áskorunum sem ég hef tekist á við í gegnum lífið. En ég er meira stolt af litlu hlutunum sem ég næ að afreka frá degi til dags.

Hver er þín mesta gæfa í lífinu? Mín mesta gæfa í lífinu er fjölskyldan mín, kærastinn minn og besta vinkona mín Eva, þau hafa stutt mig í gegnum bæði góða og slæma tíma.

Hvernig tekstu á við stress og álag? Almennt þá á ég mjög auðvelt með að nota það til að keyra mig áfram og er mjög góð að koma með lausnir við vandamálum undir pressu. Má bara heldur ekki gleyma að taka smá móment til að taka djúpann anda og svo bara halda áfram.

Besta heilræði sem þú hefur fengið?  

The only time you should ever look back is to see how far you’ve come.

Það minnir mann á að lifa sem mest í núinu, við getum ekki breytt fortíðinni, og eina skiptið sem við ættum að horfa til baka er að sjá hvernig hún hefur mótað okkur að persónunni sem við erum í dag. Eina sem við getum breytt er hver við viljum vera í framtíðinni. Og: Allt gerist að ástæðu.

Neyðarlegasta atvik sem þú hefur lent í? Þegar ég datt tvisvar sinnum á sama degi niður stigann í sólinni í HR þegar allir voru að fara í tíma.

Býrðu yfir einhverjum leyndum hæfileika? Kannski ekki beint leyndur hæfileiki, en ég tel mig vera ágæta söngkonu.

Hvað finnst þér heillandi í fari fólks? Mér finnst mest heillandi þegar fólk er gott við hvort annað og sýnir tillitssemi við aðra í kringum sig.

En óheillandi? Þegar fólk er dónalegt og hunsar allt og aðra í kringum sig. Mér finnst líka fátt verra en að sjá eða heyra annað fólk tala niður til einhvers, eins og það sé fyrir neðan það eða einskis virði. Það kostar ekkert að vera góð hvort við annað.

Hver er þinn helsti ótti? Ég gæti ekki nefnt svona einn sérstakann ótta, maður finnur oft fyrir ótta sem er mjög eðlilegt, það er hvernig maður tekst á við hann sem mér finnst skipta mestu máli.

Hvar sérðu þig eftir tíu ár? Mig langar mjög mikið að ferðast um heiminn, kynnast mismunandi menningarheimum og vonandi bara lifa lífinu, því við fáum bara eitt líf.

Hvaða tungumál talarðu? Ég tala Íslensku og ensku, og svo bara rétt svo það sem maður man af dönsku, þýsku og spænsku úr menntaskóla.

Hvað er uppáhalds maturinn þinn? Uppáhalds maturinn minn mun alltaf vera nauta filet mignon með rauðvínssoðsósu, og svo annað hvort sellerírótarmauk og rauðrófur í hunangsgljáa eða mjög þunnt skorið kartöflugratín, gulrætur og brokkolí í meðlæti.

Hvaða lag tekurðu í karókí? Vá var að fatta hvað maður fer sjaldan í karókí, ef það er hægt að setja á íslensk lög, sem er ekki algengt, en þá tek ég “Allt mitt líf” með Ellý Vilhjálms, en mér finnst líka alltaf mjög gaman að taka “Let it go” úr Frozen, skemmir heldur ekki fyrir að vera smá lík henni Elsu, samkvæmt litlu frænku.

Hver er frægasti einstaklingur sem þú hefur hitt? Það er svo erfitt að velja einn einstakling en þeir sem svona standa upp úr eru Rúrik Gíslason, bræðurnir Friðrik Dór og Jón Jónsson, og Árni Páll betur þekktur sem Herra Hnetusmjör.

Hvort kýstu að skrifa skilaboð eða eða eiga samskipti við fólk í eigin persónu? Það fer eftir hversu mikilvægt það er, en er farin að hringja bara alltaf meira og meira heldur en að skrifa skilaboð. En ef ég veit að manneskjan er upptekin þá sendi ég bara skilaboð, en já eins og ég sagði áðan það fer eftir hversu mikilvægt það er.

Ef þú fengir tíu milljónir til umráða, hvað myndirðu gera við peningana? Ég myndi setja helming inn á sparnaðarreikning fyrir íbúð og hinn helming í allskonar góðgerðarmál, þannig sem flestir gætu notið góðs af því líka.

Hvað var það sem vakti áhuga þinn á keppninni? Ég hafði aldrei fylgst með keppninni fyrr en ég tók sjálf þátt í fyrra. En ég hugsaði bara að þetta gæti verið einstakt tækifæri, eitthvað skemmtilegt og ný upplifun, eitthvað gjörsamlega út fyrir þægindarammann.

Hvað ert þú búin að læra í ferlinu? Ég er að taka þátt núna í annað skiptið og finnst mér ég ennþá vera að læra eitthvað nýtt. Maður er alltaf að vinna í sjálfstraustinu og að vera stolt af sjálfri sér og því sem maður sér í speglinum. Svo líka bara æfa “the pageant walk” og að pósa og halda góðu jafnvægi. Þó þetta sé kallað “fegurðasamkeppni” þá erum við allar stelpurnar í þessu saman og alltaf að hvetja hvor aðra áfram á æfingum.

Hvaða samfélagslega málefni brennur þú fyrir? Mér þykir mjög vænt um málefni tengd öldruðum, andlegri heilsu, langveikum börnum og einnig kvennaathvarfið og Frú Ragnheiður.

Hvaða kosti þarf Ungfrú Ísland að búa yfir? Hún þarf að verða jákvæð, óeigingjörn, einlæg og kærleiksrík, þar sem mikill sýnileiki fylgir titlinum þarf hún að vera landinu sínu og þjóð til sóma.

Af hverju sækist þú eftir því að vera næsta Ungfrú Ísland? Ég tel mig vera góða fyrirmynd. Ég er jákvæð, dugleg og legg mig alla fram í öllu sem ég tek mér fyrir hendur. Ég ber mikla umhyggju fyrir öðrum og hef alltaf langað að láta gott af mér leiða en ekki haft tækifæri, tengingarnar eða aðstöðu til þess.

Hvað greinir þig frá öðrum keppendum? Við erum allar svo ólíkar frá hvor annari sem gerir æfingarnar alltaf skemmtilegar. En ég á bara bræður og amma kallaði mig alltaf “stráka stelpu” því ég var ekki hrædd við að detta eða klofa og klifra yfir grindverk eða eitthvað svoleiðis, og mér hefur aldrei liðið eins og svona týpískri “girly girl.”

Hvert er stærsta vandamálið sem þín kynslóð stendur frammi fyrir? Og hvernig mætti leysa það? Ég tel stærsta vandamálið hjá minni kynslóð sé slæm sjálfsmynd, pælir of mikið í því hvað öðrum finnst, og hvernig lífið þeirra sýnist líta út á samfélagsmiðlum.

Ég er enginn sérfræðingur en góð hreyfing, góður svefn og góð næring getur bætt lífsstíl, og einnig minni símanotkun og frekar hitta og tala við vini í eigin persónu getur bætt andlega heilsu, og reyna að hætta að þóknast öðrum, þetta er þitt líf, við fáum bara eitt líf og það er mun skemmtilegra að lifa því fyrir sig sjálfan heldur en einhvern út í bæ sem þú þekkir ekki.

Hvað viltu segja við þá sem hafa neikvæða skoðun á fegurðarsamkeppnum? Það eiga allir rétt á sínum skoðunum, en frá konu sem er að keppa í annað skipti þá er þetta svo miklu meira heldur en bara fegurð, og það er ekki að ástæðulausu að margar stelpur og konur sækja aftur um þó þær hafa keppt áður. Þetta er svo einstök reynsla og skemmtilegt út fyrir þægindarrammann, það eru ekki margar ungar konur eða stelpur sem geta sagt að þau hafi labbað á sviði í bikiníi í beinni útsendingu og liðið æðislega með sjálfa sig og stolt af sinni framkomu á sviðinu.

En þetta er er ekki bara leitin að “fallegustu stelpunni” það er verið að skoða svo marga aðra hluti eins og t.d. góð fyrirmynd, góð sviðsframkoma, góð í ræðumennsku og hefur eitthvað að segja, góð og sterk gildi. og það er svo mikil æfing sem fer í undirbúning fyrir alla keppnina í heild á bakvið tjöldin sem fólk gerir sér ekki grein fyrir.