Fleiri fréttir

Gamma lækkaði lítillega

Skuldabréfavísitalan GAMMA: GBI lækkaði lítillega í dag í 6,9 ma. viðskiptum. GAMMAi: Verðtryggt lækkaði um 0,1% í 1,4 ma. viðskiptum og GAMMAxi: Óverðtryggt hækkaði um 0,1% í 5,5 ma. viðskiptum.

SMS skeytasendingar í Eyjum sexfölduðust

Síminn hefur tekið saman fjölda SMS skeyta sem fóru um GSM og 3G senda Símans í Vestmannaeyjum um verslunarmannahelgina. Í tilkynningu frá félaginu segir að SMS sendingar hafi sexfaldast samanborið við venjulega helgi en ef sunnudagurinn er skoðaður sérstaklega má sjá að fjöldi sendra SMS skeyta nífaldaðist miðað við venjulegan sunnudag.

Gefa út viðmiðunarverð á kindakjöti

Stjórn Landssamtaka sauðfjárbænda ákvað á fundi á mánudag að nýta heimild sína til að gefa út viðmiðunarverð á kindakjöti. Verðið gildir fyrir komandi sláturtíð. Verðskráin hækkar um 5% frá fyrra ári sem er nánast það sama og hækkun vísitölu neysluverðs á tímabilinu, að því er fram kemur í fréttatilkynningu frá samtökunum. Verðlagning á kindakjöti er frjáls en Landssamtök sauðfjárbænda hefur heimild í búvörulögum til að gefa út viðmiðunarverð til bænda.

Virðulegur en á sér villta hlið

Leiti maður að notuðum forstjórabíl er vandfundinn vænlegri kandídat en Lexus GS430 Luxury. Bíllinn er af 2005 árgerð, en í raun eins og nýr, enda ekki ekinn nema tæpa 36 þúsund kílómetra.

Microsoft heiðrar Maritech

Maritech hefur hlotið verðlaunin „Samstarfsaðili ársins 2010" hjá Microsoft á alþjóðlegri ráðstefnu Microsoft, WPC 2010, Microsoft Worldwide Partner Conference, sem haldin var í Washington D.C. um miðjan júlí.

Hlutir í N1 eru ekki til sölu

Fjöldi fjárfesta hefur sýnt áhuga á að gerast hluthafi í olíuversluninni N1 en orðið lítið ágengt. Þar á meðal er erlendur fjárfestir, samkvæmt heimildum Fréttablaðsins. Hermann Guðmundsson, forstjóri fyrirtækisins, segir hlut í félaginu ekki til sölu og hafi engin breyting orðið á eignarhaldi þess síðastliðin fjögur ár.

Útlán ÍLS hafa dregist saman um 5 milljarða í ár

Heildarútlán Íbúðalánasjóðs (ÍLS) námu tæpum 2,8 milljörðum króna í júlí en þar af voru um 1,8 milljarðar króna vegna almennra lána. Samtals námu útlán á fyrstu sjö mánuðum ársins 2010 tæpum 14,8 milljörðum króna samanborið við tæplega 19,9 milljarða yfir sama tímabil ársins 2009.

Gjaldeyrisforði Seðlabankans heldur áfram að vaxa

Gjaldeyrisforði Seðlabankans heldur áfram að vaxa en hann nam 576,9 milljarða kr. í lok júlí og hækkaði um 3,8 milljarða kr. milli mánaða. Erlendur gjaldeyrir hækkaði um 5,5 milljarða kr. en aðrar eignir lækkuðu samtals um 1,7 milljarð kr. í mánuðinum.

Nýr framkvæmdastjóri Dohop

Kristján Guðni Bjarnason, verkfræðingur, tók við starfi framkvæmdastjóra íslensku ferðaleitarvélarinnar Dohop.com þann 1. ágúst síðastliðinn. Frosti Sigurjónsson sem hefur verið framkvæmdastjóri félagsins frá stofnun var á sama tíma skipaður stjórnarformaður.

Heldur dregur úr ásókn í leiguhúsnæði

Í júlí síðastliðnum var samtals 840 leigusamningum um íbúðarhúsnæði þinglýst. Þetta er nokkur fjölgun frá því sem sést hefur undanfarna mánuði en það sem af er ári hefur að meðaltali 760 leigusamningum um íbúðarhúsnæði verið þinglýst í mánuði hverjum. Þetta er hinsvegar fækkun um 40 samninga frá því í sama mánuði fyrir ári síðan þegar 880 samningum var þinglýst.

Eignalaus skúffufyrirtæki skulda Byggðastofnun milljarð

Tvö af helstu sjávarútvegsfyrirtækjum landsins, Hraðfrystihúsið-Gunnvör hf. á Ísafirði og Vísir hf. í Grindavík, skulda Byggðastofnun um einn miljarð íslenskra króna í gegnum dótturfélög sín sem eru eignalaus skúffufyrirtæki.

Veruleg aukning á nauðungarsölum fasteigna

Veruleg aukning hefur orðið á nauðungarsölum fasteigna í Reykjavík í sumar miðað við sama tíma í fyrra. Raunar hefur fjöldinn fimmfaldast ef miðað er við mánuðina júní og júlí.

Viðsnúningur í rekstri Eik Banka á árinu

Samkvæmt uppgjöri Eik Banka fyrir fyrstu sex mánuði ársins hefur orðið viðsnúningur í rekstri bankans. Hagnaður varð af rekstrinum á fyrri hluta ársins upp á 3 milljónir danskra kr. eða ríflega 60 milljónir kr. Til samanburðar var tap upp á 87 milljónir danskra kr. á sama tímabili í fyrra.

1,7 milljarða viðskipti á skuldabréfamarkaði

Skuldabréfavísitalan GAMMA: GBI stóð í stað í dag í 1,7 ma. viðskiptum. GAMMAi: Verðtryggt lækkaði lítillega í 1,5 ma. viðskiptum og GAMMAxi: Óverðtryggt hækkaði lítillega í 0,2 ma. viðskiptum.

Hefja áætlunarflug til Glasgow og Stokkhólms á næsta ári

Iceland Express ætlar að hefja áætlunarflug til Glasgow og Stokkhólms næsta sumar. Fyrirhugað er að fljúga þaðan og frá fleiri borgum í Evrópu og á Norðurlöndunum til Bandaríkjanna með viðkomu á Íslandi á leiðinni vestur um haf.

Upplýsti Ríkisendurskoðun um veð í rækju

Sveinn Arason, ríkisendurskoðandi, segir að Byggðastofnun hafi upplýst Ríkisendurskoðun um að einu tryggingar fyrir lánum Byggðastofnunar til fyrirtækja á sviði rækjuvinnslu sé verðlaus rækjukvóti. Sveinn segir ekkert hafa komið fram um eitthvað óeðlilegt í bókhaldi Byggðastofnunar, en fjárhagur stofnunarinnar er bágborinn.

Ferðamannastraumurinn styrkir gengi krónunnar

Gengi krónunnar styrktist um 0,3% á föstudaginn síðastliðinn og er það í framhaldi af allnokkurri styrkingu hennar á skömmum tíma. Hefur gengi krónunnar nú hækkað um 2,4% á síðustu tveim vikum. Tengist hækkunin m.a. auknu gjaldeyrisinnflæði af ferðamannaþjónustu en það flæði er í árstíðarbundnu hámarki um þessar mundir.

Íbúðalánasjóður heldur óbreyttum vöxtum

Íbúðalánasjóður hefur í kjölfar útboðs á íbúðabréfum og í samræmi við breytingu á vaxtaálagi ákveðið að útlánavextir sjóðsins verði óbreyttir og verði því sem hér segir: Útlánavextir íbúðalána með uppgreiðsluákvæði verða 4,50% og 5,00% á íbúðalánum án uppgreiðsluákvæðis.

Ágúst og Lýður missa tökin á Existu

Stjórn Existu ætlar að freista þess að rifta tilteknum gjörningum sem fyrrverandi eigendur og stjórnendur félagsins framkvæmdu. Ágúst og Lýður Guðmundssynir, fyrrverandi aðaleigendur Existu, munu ekki eiga neitt í félaginu í framtíðinni.

Sigmundur Davíð vel lofaður

Sambýliskona Sigmundar Davíðs Gunnlaugssonar, formanns Framsóknarflokksins, á 1,3 milljarða króna í hreina eign, ef marka má auðlegðarskattinn sem hún greiddi.

Kennitöluflakk á öllum stigum atvinnulífsins, líka í kjötvinnslu

Eigendur Kjötbankans, sem nú er gjaldþrota, skiptu um nafn á félaginu og fluttu vörumerki, heimasíðu og nafn félagsins í nýja kennitölu fyrir gjaldþrot. Fimmtán starfsmenn hins gjaldþrota félags hafa ekki fengið greidd laun fyrir júlí og óvíst hvort þeir fái launakröfur sínar greiddar.

Íslandsbanki ræður nýjan framkvæmdastjóra

Sigríður Olgeirsdóttir hefur verið ráðin framkvæmdastjóri Rekstrar- og upplýsingatæknisviðs Íslandsbanka og mun hún bera ábyrgð á upplýsingatækni, rekstri, bakvinnslu og gæðamálum.

Litlar breytingar á GAMMA

Skuldabréfavísitalan GAMMA: GBI lækkaði um 0,4% í dag í 6,1 ma. viðskiptum. GAMMAi: Verðtryggt lækkaði um 0,5% í 3,4 ma. viðskiptum og GAMMAxi: Óverðtryggt lækkaði um 0,1% í 2,7 ma. viðskiptum.

Erlendum ferðamönnum fjölgaði um 1200

Um 1200 fleiri ferðamenn fóru um Leifsstöð í júlí en í sama mánuði í fyrra samkvæmt talningu Ferðamálastofu. Brottfarir erlendra gesta um Leifsstöð í júlímánuði síðastliðnum voru 83.500. Aukningin nemur 1,5% á milli ára. Mun fleiri Íslendingar eða 23% fóru utan í júlímánuði í ár en í fyrra, voru 28.500 í júlí síðastliðnum en 23.100 á síðasta ári.

Greining spáir 0,5 prósentustiga stýrivaxtalækkun

Greining Íslandsbanka reiknar með því að peningastefnunefnd Seðlabankans ákveði að lækka stýrivexti bankans um 0,50 prósentustig á næsta vaxtaákvörðunardegi, þann 18. ágúst næstkomandi.

Óska eftir tilnefningum í stjórnir sparisjóða

Bankasýsla ríkisins óskar eftir tilnefningum í stjórnir sparisjóða sem fyrirséð er að verði á forræði Bankasýslunnar. Nú er sérstaklega óskað eftir tilnefningum í stjórn Sparisjóðs Norðfjarðar. Í tilkynningu frá Bankasýslunni kemur fram að þriggja manna valnefnd, sem skipuð er af stjórn Bankasýslu ríkisins, undirbúi tilnefningar aðila fyrir hönd ríkisins í stjórnir fyrirtækja sem séu á forræði stofnunarinnar.

Leita að fólki til að stofna sprotafyrirtæki

Klak-Nýsköpunarmiðstöð atvinnulífsins bíður fólki ókeypis námskeiðsgjöld í Viðskiptasmiðjunni í haust gegn því að leiða stofnun og uppbyggingu nýrra sprotafyrirtækja.

Um 4,5 milljarða afgangur af vöruskiptum

Vöruskiptin í júlí voru hagstæð um 4,5 milljarða króna samkvæmt bráðabirgðatölum frá Hagstofunni. Útflutningur nam 43,9 milljötðum króna og innflutningur 39,4 milljörðum króna. Þetta er umtalsvert meiri afgangur af vöruskiptum en í júlí í fyrra en þá nam hann hálfum milljarði króna.

Salan fyrir luktum dyrum og kaupverð ekki gefið upp

Stjórnarformaður Heklu og fyrrverandi forstjóri félagsins keypti Vélasvið Heklu út úr fyrirtækinu í byrjun sumars. Arion banki á Heklu en salan fór fram fyrir luktum dyrum og kaupverð er ekki gefið upp.

Kaupþingsfólkið með stærstu skuldirnar með minnstan greiðsluvilja

Margir lykilstarfsmenn Kaupþings sem voru með hæstu lánin eru þeir sem sýna minnstan greiðsluvilja og hafna því að þurfa að greiða til baka lánin, en slitastjórn bankans hefur höfðað mál gegn áttatíu fyrrverandi starfsmönnum Kaupþings vegna lána sem þeir fengu til hlutabréfakaupa.

Jón Ásbergsson verður framkvæmdastjóri Íslandsstofu

Stjórn Íslandsstofu ákvað á fundi sínum í dag að ráða Jón Ásbergsson sem framkvæmdastjóra Íslandsstofu. Jón er viðskiptafræðingur að mennt og hefur m.a. verið framkvæmdastjóri Loðskinns á Sauðárkróki, Hagkaupa og síðast Útflutningsráðs Íslands.

Sjá næstu 50 fréttir

Mest lesið