Innfluttri matvöru stolið og mykju sprautað á lögreglu
Mótmæli bænda halda áfram víða um Evrópu. Þeir mótmæla aðgerðarleysi Evrópusambandsins þegar kemur að lágu matvöruverði, ódýrri innfluttri vöru og þungu regluverki er varðar búgreinar. Mótmælin hafa verið hvað hörðust í Brussel í Belgíu þar sem höfuðstöðvar Evrópuþingsins eru. Þar hafa bændur lokað götum, sprautað mykju á lögreglumenn og grýtt þá.
