Knattspyrnumaðurinn Guðmundur Þórarinsson, sem hefur leikið með Sarpsborg í Noregi undanfarin tvö ár, er á leið til danska úrvalsdeildarliðsins Nordsjælland.
Samkvæmt heimildum Vísis er Guðmundur í læknisskoðun hjá danska liðinu, en það hefur náð saman við Sarpsborg um kaupverð.
Selfyssingurinn, sem er 22 ára gamall, hefur spilað frábærlega fyrir Sarpsborg undanfarin tvö tímabil, en hann spilaði 59 af 60 leikjum liðsins í norsku úrvalsdeildinni síðustu tvö ár og alla sem byrjunarliðsmaður.
Guðmundur á að baki fjórtán leiki fyrir U21 árs landslið Íslands og tvo leiki fyrir A-landsliðið. Hann var í hópnum sem mætti Kanada í tveimur vináttuleikjum í síðustu viku.
Nordsjælland, sem er þjálfað af Ólafi Kristjánssyni, er í fimmta sæti dönsku úrvalsdeildarinnar eftir 17 umferðir. Deildin er í vetrarfríi, en hún hefst aftur 20. febrúar með leik Nordsjælland og Randers.
Hjá Norsjælland hittir Guðmundur fyrir tvo Íslendinga; Guðjón Baldvinsson, sem Ólafur fékk frá Halmstad í Svíþjóð, bakvörðin unga Adam Örn Arnarson sem kom til liðsins frá Breiðabliki og markvörðinn Rúnar Alex Rúnarsson.
Guðmundur í læknisskoðun hjá Nordsjælland
Tómas Þór Þórðarson skrifar

Mest lesið

„Getum gengið stoltar frá borði“
Handbolti

Aron og Bjarki Már gerðu sitt í París
Handbolti

Hamrarnir héldu Refunum í fallsæti
Enski boltinn



Magnaður Sigvaldi sökkti Magdeburg
Handbolti

„Settum í sjötta gír í seinni hálfleik“
Handbolti

Bologna kom til baka gegn AC Milan
Fótbolti

