Afmarkaðra verðstríð en áður 6. ágúst 2004 00:01 Verðstríð á bensínmarkaði er áberandi á þremur afmörkuðum stöðum á höfuðborgarsvæðinu: Í Hafnarfirði, Kópavogi og við Sundahöfn í Reykjavík. Þar er hægt að kaupa lítrann af bensíni á 99,7 til 101,9 krónur. Annars staðar er algengt að verðið sé á bilinu 107,3 til 109 krónur. Ef meðalverð á bensíni allra bensínstöðva er reiknað kemur í ljós að mismunurinn er að jafnaði rúmlega 7 krónur milli Hafnarfjarðar og Reykjavíkur. Fram að þessu hafa Íslendingar vanist því að í verðstríði hafi verðið lækkað að jafnaði alls staðar á höfuðborgarsvæðinu. Garðbæingar þurfa því að fara annaðhvort í Hafnarfjörð eða Kópavog til að fá ódýrara bensín og Grafarvogsbúar í Sundahöfn. Forsvarsmenn Olíufélaganna og hagsmunasamtaka neytenda eru sammála um að staðan á bensínmarkaði sé breytt frá því sem áður var en menn greinir á um hverjir hagnist á því. Verða neytendur eftir? Runólfur Ólafsson, framkvæmdastjóri Félags íslenskra bifreiðaeigenda, segir greinilegt að minnstu fyritrækin séu nú verðleiðandi á markaðnum, öfugt við það sem hefur tíðkast hingað til þar sem stærri fyrirtæki ráði verðinu þegar fákeppni ríkir. Hann segist ennfremur "hallast að því að sú viðleitni stærri olíufélaganna að hafa lægsta verðið í grennd við stöðvar Atlantsolíu, en ekki annars staðar, skaði til lengri tíma ímynd fyrirtækjanna á markaðnum því neytendur í dag eru um margt miklu meðvitaðri en áður". Jóhannes Gunnarsson, formaður Neytendasamtakanna, segir greinilegt komin sé hreyfing á markaðinn eftir nokkurra ára stöðnun sem sé mjög ánægjulegt fyrir neytendur, en finnst merkilegt að verðið skuli vera lægst þar sem Atlantsolía og EGO eru með bensínstöðvar sínar, en markaðsverð sé hærra annars staðar. Margir neytendur undrast að olíufélögin geti ekki boðið upp á sama verð á öllum bensínstöðvum sínum og finnst sér jafnvel mismunað. Sumir telja að hátt verð á bensínstöðvum sem standa utan þeirra svæða sem bensínið er ódýrast sé til að greiða niður verðstríð annars staðar. Samkeppni eða mismunun? Hugi Hreiðarsson hjá Atlantsolíu segir að stærri olíufélög nýti sér markaðsráðandi stöðu til að hindra önnur félög til að ná fótfestu á markaði og það brjóti í bága við samkeppnislög. "Við erum nýir á markaði og að reyna að skjóta rótum. Það er sáraeinfalt fyrir stærri fyrirtæki að hindra okkur í að ná fótfestu og auka markaðshlutdeild okkar." Hugi telur auk þess að um beina mismunun á viðskiptavinum sé að ræða þegar olíufélög verðleggi bensínið misjafnlega eftir borgarhlutum. Hjörleifur Jakobsson, forstjóri Olíufélagsins ESSO, hafnar ásökunum Huga. "Atlantsolía kærði fyrr á þessu ári Olíufélagið og reyndar fleiri olíudreifingarfyrirtæki fyrir mismunandi verð á eldsneyti. Við höfum svarað þeirri kæru til samkeppnisyfirvalda og í kjölfar þess hefur Atlantsolía dregið til baka kæruna á hendur Olíufélaginu þó þeir virðist viðhalda henni í fjölmiðlum". Um ójafnt verð Olíufélagsins eftir borgarhlutum segir Hjörleifur að "neytendur verða að sjálfsögðu að gera það upp við sig á hverjum tíma hvar þeir fái hagstæðasta verðið miðað við þjónustustig á hverjum stað". Gunnar Skaptason, framkvæmdastjóri Orkunnar, er sammála Hjörleifi. "Þeir sem vilja er frjálst að fara á þá staði sem bensínið er ódýrast og kaupa það þar. Það er engin mismunun." Nýtt viðskiptaumhverfi Hjörleifur Jakobsson hjá ESSO segir markaðsaðstæður á Íslandi hafa breyst og séu nú að komast í takt við það sem gerist erlendis, til dæmis sé þriggja krónu munur á milli svæða í Ósló núna. Ástæða þess að munurinn er meiri á Íslandi segir Hjörleifur vera vegna þess að menn eru að reyna að kaupa sér markaðshlutdeild. "Þess vegna hefur til dæmis fimm til sex króna hækkun á heimsmarkaðsverði á undanförnum átta vikum ekki skilað sér í útsöluverði á staðbundnum svæðum. Þar eltir hver annan. Ég skil vel að þessi mikli munur valdi pirringi en svona verðstríð hafa komið upp áður og munu koma upp aftur en ég held reyndar að þessi munur sé of mikill í dag og að hann muni minnka á næstu vikum," segir Hjörleifur. Bergþóra Karlsdóttir, framkvæmdastjóri EGO, tekur í svipaðan streng. EGO rekur fjórar bensínstöðvar, tvær í Kópavogi og tvær í Reykjavík. Í Kópavogi og Vatnagörðum er bensínverðið með því lægra sem gerist á höfuðborgarsvæðinu en í Fellsmúla kostar bensínlítrinn 107,4 krónur. "Við eins og aðrir bregðumst við aðstæðum á hverjum stað fyrir sig. Þetta er eðli samkeppninnar, menn standa í smá skærum hér og þar um bæ og þeir sem næst eru bregðast við." Fréttir Innlent Viðskipti Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Seðlabankinn hafi ekki önnur úrræði en að lækka vexti Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Verðstríð að hefjast á matvörumarkaði Neytendur Tónleikastöðum fækkar: „Þetta er bara sorgleg þróun“ Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
Verðstríð á bensínmarkaði er áberandi á þremur afmörkuðum stöðum á höfuðborgarsvæðinu: Í Hafnarfirði, Kópavogi og við Sundahöfn í Reykjavík. Þar er hægt að kaupa lítrann af bensíni á 99,7 til 101,9 krónur. Annars staðar er algengt að verðið sé á bilinu 107,3 til 109 krónur. Ef meðalverð á bensíni allra bensínstöðva er reiknað kemur í ljós að mismunurinn er að jafnaði rúmlega 7 krónur milli Hafnarfjarðar og Reykjavíkur. Fram að þessu hafa Íslendingar vanist því að í verðstríði hafi verðið lækkað að jafnaði alls staðar á höfuðborgarsvæðinu. Garðbæingar þurfa því að fara annaðhvort í Hafnarfjörð eða Kópavog til að fá ódýrara bensín og Grafarvogsbúar í Sundahöfn. Forsvarsmenn Olíufélaganna og hagsmunasamtaka neytenda eru sammála um að staðan á bensínmarkaði sé breytt frá því sem áður var en menn greinir á um hverjir hagnist á því. Verða neytendur eftir? Runólfur Ólafsson, framkvæmdastjóri Félags íslenskra bifreiðaeigenda, segir greinilegt að minnstu fyritrækin séu nú verðleiðandi á markaðnum, öfugt við það sem hefur tíðkast hingað til þar sem stærri fyrirtæki ráði verðinu þegar fákeppni ríkir. Hann segist ennfremur "hallast að því að sú viðleitni stærri olíufélaganna að hafa lægsta verðið í grennd við stöðvar Atlantsolíu, en ekki annars staðar, skaði til lengri tíma ímynd fyrirtækjanna á markaðnum því neytendur í dag eru um margt miklu meðvitaðri en áður". Jóhannes Gunnarsson, formaður Neytendasamtakanna, segir greinilegt komin sé hreyfing á markaðinn eftir nokkurra ára stöðnun sem sé mjög ánægjulegt fyrir neytendur, en finnst merkilegt að verðið skuli vera lægst þar sem Atlantsolía og EGO eru með bensínstöðvar sínar, en markaðsverð sé hærra annars staðar. Margir neytendur undrast að olíufélögin geti ekki boðið upp á sama verð á öllum bensínstöðvum sínum og finnst sér jafnvel mismunað. Sumir telja að hátt verð á bensínstöðvum sem standa utan þeirra svæða sem bensínið er ódýrast sé til að greiða niður verðstríð annars staðar. Samkeppni eða mismunun? Hugi Hreiðarsson hjá Atlantsolíu segir að stærri olíufélög nýti sér markaðsráðandi stöðu til að hindra önnur félög til að ná fótfestu á markaði og það brjóti í bága við samkeppnislög. "Við erum nýir á markaði og að reyna að skjóta rótum. Það er sáraeinfalt fyrir stærri fyrirtæki að hindra okkur í að ná fótfestu og auka markaðshlutdeild okkar." Hugi telur auk þess að um beina mismunun á viðskiptavinum sé að ræða þegar olíufélög verðleggi bensínið misjafnlega eftir borgarhlutum. Hjörleifur Jakobsson, forstjóri Olíufélagsins ESSO, hafnar ásökunum Huga. "Atlantsolía kærði fyrr á þessu ári Olíufélagið og reyndar fleiri olíudreifingarfyrirtæki fyrir mismunandi verð á eldsneyti. Við höfum svarað þeirri kæru til samkeppnisyfirvalda og í kjölfar þess hefur Atlantsolía dregið til baka kæruna á hendur Olíufélaginu þó þeir virðist viðhalda henni í fjölmiðlum". Um ójafnt verð Olíufélagsins eftir borgarhlutum segir Hjörleifur að "neytendur verða að sjálfsögðu að gera það upp við sig á hverjum tíma hvar þeir fái hagstæðasta verðið miðað við þjónustustig á hverjum stað". Gunnar Skaptason, framkvæmdastjóri Orkunnar, er sammála Hjörleifi. "Þeir sem vilja er frjálst að fara á þá staði sem bensínið er ódýrast og kaupa það þar. Það er engin mismunun." Nýtt viðskiptaumhverfi Hjörleifur Jakobsson hjá ESSO segir markaðsaðstæður á Íslandi hafa breyst og séu nú að komast í takt við það sem gerist erlendis, til dæmis sé þriggja krónu munur á milli svæða í Ósló núna. Ástæða þess að munurinn er meiri á Íslandi segir Hjörleifur vera vegna þess að menn eru að reyna að kaupa sér markaðshlutdeild. "Þess vegna hefur til dæmis fimm til sex króna hækkun á heimsmarkaðsverði á undanförnum átta vikum ekki skilað sér í útsöluverði á staðbundnum svæðum. Þar eltir hver annan. Ég skil vel að þessi mikli munur valdi pirringi en svona verðstríð hafa komið upp áður og munu koma upp aftur en ég held reyndar að þessi munur sé of mikill í dag og að hann muni minnka á næstu vikum," segir Hjörleifur. Bergþóra Karlsdóttir, framkvæmdastjóri EGO, tekur í svipaðan streng. EGO rekur fjórar bensínstöðvar, tvær í Kópavogi og tvær í Reykjavík. Í Kópavogi og Vatnagörðum er bensínverðið með því lægra sem gerist á höfuðborgarsvæðinu en í Fellsmúla kostar bensínlítrinn 107,4 krónur. "Við eins og aðrir bregðumst við aðstæðum á hverjum stað fyrir sig. Þetta er eðli samkeppninnar, menn standa í smá skærum hér og þar um bæ og þeir sem næst eru bregðast við."
Fréttir Innlent Viðskipti Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Seðlabankinn hafi ekki önnur úrræði en að lækka vexti Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Verðstríð að hefjast á matvörumarkaði Neytendur Tónleikastöðum fækkar: „Þetta er bara sorgleg þróun“ Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira