Leyndardómsfullur Ólafur Jóhann 19. ágúst 2004 00:01 Það er óhætt að segja að sköpunarkrafturinn ráði ríkjum hjá Ólafi Jóhanni Ólafssyni um þessar mundir en fimm mánaðagömul dóttir hans, Sóley, afhenti í gær útgáfustjóra Máls og menningar, Páli Valssyni, endanlegt handrit að glænýrri skáldsögu rithöfundarins. "Ein aðalpersóna bókarinnar heitir líka Sóley en þó að ég hafi ráðið nafngiftinni í bókinni var það Anna konan mín sem valdi nafnið á dótturina," segir hinn ástsæli höfundur Ólafur Jóhann. Nýja skáldsagan er mikil að vöxtum, um fimm hundruð blaðsíður eftir grimman niðurskurð, en áætlað er að bókin komi út í október. "Að mínu mati er þetta metnaðarfyllsta bókmenntaverk sem Ólafur hefur skrifað til þessa," segir Páll Valsson. "Þetta er breið epísk saga sem fer víða bæði í tíma og rúmi, mikil örlagasaga, en við getum ekkert gefið meira upp um efni hennar að sinni." Mikil leynd hvílir yfir væntanlegri bók en Ólafur segir ástæðuna að finna í viðfangsefninu. Nýja bókin er byggð á ýmsum raunverulegum atburðum líkt og var um síðustu bók Ólafs, Höll minninganna, þar sem persóna af holdi og blóði var kveikjan að skáldsögunni. "Munurinn er sá að hér er um að ræða fleiri en eina manneskju og þetta fólk er ekki úr fortíðinni heldur samtímanum," segir Ólafur sem hefur unnið bæði upp úr samtölum við fólk og rituðum heimildum. "Það hafa líka þó nokkrir haft samband við mig að fyrra bragði og lagt fram upplýsingar og margir hverjir hafa tekið af mér loforð um að ég láti aldrei uppi hvaðan þær upplýsingar komu. Sem ég stend að sjálfsögðu við." Fyrri bækur Ólafs hafa komið út undir merki Vöku Helgafells og ekki verður breyting á því þótt Ólafur vinni nú með útgáfustjóra Máls og menningar enda eru bæði útgáfumerkin undir hatti Eddu útgáfu. "Ég var svo heppinn að fá nú Pál Valsson til að ritstýra mér í fyrsta sinn," segir Ólafur en í gegnum árin hafa þeir félagarnir spilað reglulega saman fótbolta og segir Páll að samspil þeirra hafi verið mjög gefandi og skemmtilegt, bæði á fótboltavellinum og ritvellinum. Höll minninganna kom út árið 2001 á Íslandi. Bókin seldist þá í um 18 þúsund eintökum og hefur nýverið fengið afar lofsamlega dóma bæði í Bandaríkjunum og á Bretlandi en áætlað er að nýja skáldsagan komi út í Bretlandi árið 2006. "Ég hef ekki enn sett mig í samband við útgáfustjórann minn í Bandaríkjunum," segir Ólafur. "Þó að ég búi lungann af árinu í Bandaríkjunum og bækurnar mínar séu farnar að koma nokkuð víða út í heiminum, þá snertir það mig alltaf mest þegar þær koma út á Íslandi. Enda eru genin íslensk." Auk þess að eignast dóttur og gefa út bók með stuttu millibili er einnig í bígerð Hollywood-kvikmynd sem er unnin upp úr skáldsögu Ólafs Slóð fiðrildanna . "Handritið er tilbúið en það er unnið af Liv Ullmann sem er jafnframt leikstjóri myndarinnar," segir Ólafur og ýjar að því að næstu stórtíðindi gætu orðið af því hvaða leikkona hreppi aðalhlutverk kvikmyndarinnar. Bókmenntir Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Það er óhætt að segja að sköpunarkrafturinn ráði ríkjum hjá Ólafi Jóhanni Ólafssyni um þessar mundir en fimm mánaðagömul dóttir hans, Sóley, afhenti í gær útgáfustjóra Máls og menningar, Páli Valssyni, endanlegt handrit að glænýrri skáldsögu rithöfundarins. "Ein aðalpersóna bókarinnar heitir líka Sóley en þó að ég hafi ráðið nafngiftinni í bókinni var það Anna konan mín sem valdi nafnið á dótturina," segir hinn ástsæli höfundur Ólafur Jóhann. Nýja skáldsagan er mikil að vöxtum, um fimm hundruð blaðsíður eftir grimman niðurskurð, en áætlað er að bókin komi út í október. "Að mínu mati er þetta metnaðarfyllsta bókmenntaverk sem Ólafur hefur skrifað til þessa," segir Páll Valsson. "Þetta er breið epísk saga sem fer víða bæði í tíma og rúmi, mikil örlagasaga, en við getum ekkert gefið meira upp um efni hennar að sinni." Mikil leynd hvílir yfir væntanlegri bók en Ólafur segir ástæðuna að finna í viðfangsefninu. Nýja bókin er byggð á ýmsum raunverulegum atburðum líkt og var um síðustu bók Ólafs, Höll minninganna, þar sem persóna af holdi og blóði var kveikjan að skáldsögunni. "Munurinn er sá að hér er um að ræða fleiri en eina manneskju og þetta fólk er ekki úr fortíðinni heldur samtímanum," segir Ólafur sem hefur unnið bæði upp úr samtölum við fólk og rituðum heimildum. "Það hafa líka þó nokkrir haft samband við mig að fyrra bragði og lagt fram upplýsingar og margir hverjir hafa tekið af mér loforð um að ég láti aldrei uppi hvaðan þær upplýsingar komu. Sem ég stend að sjálfsögðu við." Fyrri bækur Ólafs hafa komið út undir merki Vöku Helgafells og ekki verður breyting á því þótt Ólafur vinni nú með útgáfustjóra Máls og menningar enda eru bæði útgáfumerkin undir hatti Eddu útgáfu. "Ég var svo heppinn að fá nú Pál Valsson til að ritstýra mér í fyrsta sinn," segir Ólafur en í gegnum árin hafa þeir félagarnir spilað reglulega saman fótbolta og segir Páll að samspil þeirra hafi verið mjög gefandi og skemmtilegt, bæði á fótboltavellinum og ritvellinum. Höll minninganna kom út árið 2001 á Íslandi. Bókin seldist þá í um 18 þúsund eintökum og hefur nýverið fengið afar lofsamlega dóma bæði í Bandaríkjunum og á Bretlandi en áætlað er að nýja skáldsagan komi út í Bretlandi árið 2006. "Ég hef ekki enn sett mig í samband við útgáfustjórann minn í Bandaríkjunum," segir Ólafur. "Þó að ég búi lungann af árinu í Bandaríkjunum og bækurnar mínar séu farnar að koma nokkuð víða út í heiminum, þá snertir það mig alltaf mest þegar þær koma út á Íslandi. Enda eru genin íslensk." Auk þess að eignast dóttur og gefa út bók með stuttu millibili er einnig í bígerð Hollywood-kvikmynd sem er unnin upp úr skáldsögu Ólafs Slóð fiðrildanna . "Handritið er tilbúið en það er unnið af Liv Ullmann sem er jafnframt leikstjóri myndarinnar," segir Ólafur og ýjar að því að næstu stórtíðindi gætu orðið af því hvaða leikkona hreppi aðalhlutverk kvikmyndarinnar.
Bókmenntir Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira