Sögurnar eru þemað í ár 3. nóvember 2004 00:01 Miðasala á Eddu-verðlaunahátíðina hefst í dag en hátíðin fer fram á Nordica Hótel sunnudagskvöldið 14. nóvember. Reyndar er þrjúhundruð frægum boðið að vera viðstaddir en almenningi er velkomið að sitja hófið meðan húsrúm leyfir. Það er fyrirtækið Storm sem sér um skipulagningu Eddu-verðlaunanna og segir Pétur Óli Gíslason framkvæmdastjóri umfang hátíðarinnar vera svipað og síðustu ár. "Þó var óvenjumikið af innsendingum núna vegna þess hve mikil gróska hefur verið í bransanum undanfarið ár. Það verður því meiri barátta innbyrðis í öllum flokkum, sem aftur leiðir til þess að fleiri vilja koma á hátíðina." Að venju verður glamúr og glæsileg stemning svífandi yfir vötnunum á Eddunni, nú sem endranær. Skemmtiatriði verða fjölbreytt; innslög um kvikmyndir, fólk og sögur úr bransanum. Pétur Óli lofar því að enginn verði svikinn af þessari skemmtun. "Hátíðin verður með hefðbundnu sniði enda ekki þörf á að breyta strúktúrnum. Þó má upplýsa að þemað í þetta sinn er "sögurnar". Þessi bransi gengur út á að segja sögur í ýmsu formi og innslögin segja okkur sögurnar á bak við tjöldin; hvaða hlutverki hver og einn gegnir." Margir hafa haft á orði að Eddu-verðlaunin minni á íslensku útgáfuna af Óskarsverðlaununum og óhætt að segja að íslenska listafólkið sé með á nótunum þegar kemur að rétta klæðaburðinum; galakjólum, smóking, pelsum, hárgreiðslu og skarti. Pétur Óli segir samkvæmisklæðnað enda skilyrði fyrir inngöngu. "Við viljum setja þessa hátíð aftur á þann stall sem hún var í upphafi, þar sem mikill glæsileiki var í hávegum hafður. Andrúmið verður blandað hátíðleika, gleði, samkennd, fögnuði og auðvitað samkeppni, en þegar Eddu-verðlaun eru afhent koma gestir fyrst og fremst saman til að skemmta sér og fagna." Og öruggt má telja að listafólkið skemmti sér fram á rauðan morgun; margir með stolt í hjarta meðan aðrir horfast í augu við brostnar vonir. Allt eins er búist við frægum leynigestum á hátíðina og eftir að útsendingu lýkur hefst alvörupartí á hótelinu. Pétur Óli segir Nordica Hótel hafa verið valið vegna þess hve salarkynnin henta vel fyrir sjónvarpsútsendingu og veislu af þessu tagi, auk þess fái hátíðin best áhorf á sunnudagskvöldi. Miðar á Eddu-verðlaunahátíðina fást hjá Storm ehf, Vesturgötu 10a, sími 511 2333. Eddan Menning Mest lesið Frægustu vinslit Íslandssögunnar Lífið Egill Logi Jónasson valinn bæjarlistamaður Akureyrar Lífið Stefán Einar og Sara Lind í sundur Lífið Bryan Adams breytti Eldborg í grátkór íslenskra karla Gagnrýni Hjartaknúsarinn tileinkaði íslenskri fyrirsætu rómantískan slagara Lífið Fyrsta íslenska myndin í Cannes Premiere-flokki Bíó og sjónvarp Elti ástina til Íslands Tónlist Bíllinn fannst þremur vikum eftir þjófnaðinn og þá lögfræðibók með Lífið „Gæti skrifað bókaseríu um vandræðileg stefnumót“ Makamál Taka ákvörðun á hverjum degi að elska hvort annað Lífið Fleiri fréttir Fyrsta íslenska myndin í Cannes Premiere-flokki Íslendingurinn á bak við tugmilljarða myndina: „Þetta er eiginlega fram úr öllum vonum“ Viðræður hafnar um framhald á Adolescence Rísandi stórstjarna og alvöru hjartaknúsari Bestu myndir Vals Kilmer og verstu floppin Þeir munu túlka Bítlana í myndum Sam Mendes Stjörnum prýdd stikla Black Mirror Nolan sagður stefna á tökur á Íslandi Ljósbrot besta myndin en Snerting með flest verðlaun Happy Gilmore snýr aftur Harpa kvótadrottning aftur á skjáinn Ólafur Darri og félagar framleiða sína fyrstu teiknimynd Anora sigurvegari á Óskarnum Óskarsverðlaunasérfræðingur spáir í Hollywood-spilin: Spennandi óskar í vændum og ekkert meitlað í stein Sjá meira
Miðasala á Eddu-verðlaunahátíðina hefst í dag en hátíðin fer fram á Nordica Hótel sunnudagskvöldið 14. nóvember. Reyndar er þrjúhundruð frægum boðið að vera viðstaddir en almenningi er velkomið að sitja hófið meðan húsrúm leyfir. Það er fyrirtækið Storm sem sér um skipulagningu Eddu-verðlaunanna og segir Pétur Óli Gíslason framkvæmdastjóri umfang hátíðarinnar vera svipað og síðustu ár. "Þó var óvenjumikið af innsendingum núna vegna þess hve mikil gróska hefur verið í bransanum undanfarið ár. Það verður því meiri barátta innbyrðis í öllum flokkum, sem aftur leiðir til þess að fleiri vilja koma á hátíðina." Að venju verður glamúr og glæsileg stemning svífandi yfir vötnunum á Eddunni, nú sem endranær. Skemmtiatriði verða fjölbreytt; innslög um kvikmyndir, fólk og sögur úr bransanum. Pétur Óli lofar því að enginn verði svikinn af þessari skemmtun. "Hátíðin verður með hefðbundnu sniði enda ekki þörf á að breyta strúktúrnum. Þó má upplýsa að þemað í þetta sinn er "sögurnar". Þessi bransi gengur út á að segja sögur í ýmsu formi og innslögin segja okkur sögurnar á bak við tjöldin; hvaða hlutverki hver og einn gegnir." Margir hafa haft á orði að Eddu-verðlaunin minni á íslensku útgáfuna af Óskarsverðlaununum og óhætt að segja að íslenska listafólkið sé með á nótunum þegar kemur að rétta klæðaburðinum; galakjólum, smóking, pelsum, hárgreiðslu og skarti. Pétur Óli segir samkvæmisklæðnað enda skilyrði fyrir inngöngu. "Við viljum setja þessa hátíð aftur á þann stall sem hún var í upphafi, þar sem mikill glæsileiki var í hávegum hafður. Andrúmið verður blandað hátíðleika, gleði, samkennd, fögnuði og auðvitað samkeppni, en þegar Eddu-verðlaun eru afhent koma gestir fyrst og fremst saman til að skemmta sér og fagna." Og öruggt má telja að listafólkið skemmti sér fram á rauðan morgun; margir með stolt í hjarta meðan aðrir horfast í augu við brostnar vonir. Allt eins er búist við frægum leynigestum á hátíðina og eftir að útsendingu lýkur hefst alvörupartí á hótelinu. Pétur Óli segir Nordica Hótel hafa verið valið vegna þess hve salarkynnin henta vel fyrir sjónvarpsútsendingu og veislu af þessu tagi, auk þess fái hátíðin best áhorf á sunnudagskvöldi. Miðar á Eddu-verðlaunahátíðina fást hjá Storm ehf, Vesturgötu 10a, sími 511 2333.
Eddan Menning Mest lesið Frægustu vinslit Íslandssögunnar Lífið Egill Logi Jónasson valinn bæjarlistamaður Akureyrar Lífið Stefán Einar og Sara Lind í sundur Lífið Bryan Adams breytti Eldborg í grátkór íslenskra karla Gagnrýni Hjartaknúsarinn tileinkaði íslenskri fyrirsætu rómantískan slagara Lífið Fyrsta íslenska myndin í Cannes Premiere-flokki Bíó og sjónvarp Elti ástina til Íslands Tónlist Bíllinn fannst þremur vikum eftir þjófnaðinn og þá lögfræðibók með Lífið „Gæti skrifað bókaseríu um vandræðileg stefnumót“ Makamál Taka ákvörðun á hverjum degi að elska hvort annað Lífið Fleiri fréttir Fyrsta íslenska myndin í Cannes Premiere-flokki Íslendingurinn á bak við tugmilljarða myndina: „Þetta er eiginlega fram úr öllum vonum“ Viðræður hafnar um framhald á Adolescence Rísandi stórstjarna og alvöru hjartaknúsari Bestu myndir Vals Kilmer og verstu floppin Þeir munu túlka Bítlana í myndum Sam Mendes Stjörnum prýdd stikla Black Mirror Nolan sagður stefna á tökur á Íslandi Ljósbrot besta myndin en Snerting með flest verðlaun Happy Gilmore snýr aftur Harpa kvótadrottning aftur á skjáinn Ólafur Darri og félagar framleiða sína fyrstu teiknimynd Anora sigurvegari á Óskarnum Óskarsverðlaunasérfræðingur spáir í Hollywood-spilin: Spennandi óskar í vændum og ekkert meitlað í stein Sjá meira
Óskarsverðlaunasérfræðingur spáir í Hollywood-spilin: Spennandi óskar í vændum og ekkert meitlað í stein