Takmarkið að nást

Einungis herslumuninn vantar að nægir fjármunir til þess að borga fyrir auglýsingu Þjóðarhreyfingarinnar í bandaríska dagblaðinu New York Times hafi safnast að sögn Ólafs Hannibalssonar, eins forsvarsmanna hreyfingarinnar. Í auglýsingunni verður afstaða íslenskra stjórnvalda til innrásarinnar í Írak hörmuð. Ólafur telur að söfnuninni ljúki nú skömmu eftir áramót en þegar hefur verið ákveðið að auglýsingin birtist einhvern daganna 17.-21. janúar næstkomandi.