Útflutningsgreinin fjármál 15. júní 2004 00:01 Eftir kaup KB banka á danska bankanum FIH koma um þrír fjórðu hlutar tekna bankans frá útlöndum. Þetta hlutfall ræðst að nokkru leyti af því hvernig sum verkefna bankans eru skilgreind, en sumar þessara erlendu tekna eru vegna verkefna fyrir íslensk fyrirtæki á erlendum vettvangi. FIH bankinn er í raun gamall iðnlánasjóður og á því svipaðar rætur og Fjárfestingarbanki atvinnulífsins. FIH er hins vegar tólf sinnum stærri en FBA. Sá stærðarmunur sýnir kannski best vöxt og viðgang íslenskra fjármálafyrirtækja síðustu árin. Einkavæðing FBA var mikið pólitískt hitamál á sínum tíma og ekki gróið um heilt milli stjórnmálamanna og forkólfa viðskiptalífsins vegna baráttu um völd í bankanum. Kaupþing gegndi þá töluverðu hlutverki og kallaði yfir sig reiði forsætisráðherra með kennitölusöfnun til að ná stærri hlut í bankanum. Yfirlýst markmið stjórnvalda var að eignarhald FBA yrði dreifð. FBA var á þeim tíma stór biti fyrir Kaupþing, en sú tíð er liðin. Barátta um kaupKB banki var langt frá því einn um áhuga á danska bankanum FIH. Legið hafði fyrir um nokkurt skeið að hann væri til sölu. Fjölmargir norrænir bankar unnu að því að kaupa bankann, enda kannski ekki á hverjum degi sem svo stór eining er til sölu í heilu lagi á Norðurlandamarkaði. Förenings Sparbanken átti 77 prósent hlutafjár í FIH. Berlinske Tidende telur að með sölunni til KB banka hafi Förenings Sparbanken slegið tvær flugur í einu höggi. Fengið gott verð fyrir bankann og losnað við að selja hann til stórra keppinauta sinna á Norðurlandamarkaðnum. Helstu banknarnir á Norðurlöndum sýndu áhuga og meðal þeirra sem vildu kaupa voru Nordea, SEB og Svenska Handelsbanken sem allir eru margfallt stærri en KB banki. Landsbankinn vann einnig að verkefninu. Báðir íslensku bankarnir unnu af fullri alvöru að kaupunum, en á lokasprettinum dró Landsbankinn sig í hlé. Sú ákvörðun var ekki tekin fyrr en um helgina. Erfitt er að meta tilboð Landsbankans og KB banka, þar sem þau voru ólík að uppbyggingu. Landsbankinn heldur fast við að þeir hafi dregið sig út úr tilboðunum á síðustu stundu vegna arðsemissjónarmiða. KB bankamenn telja að þeirra tilboði hafi einfaldlega verið tekið þrátt fyrir að hafa verið ívið lægra. Hins vegar þurfti KB banki að hækka boð sitt á síðustu metrunum til þess að tryggja sér bankann. Kaupin eru stór og tvöfalda KB banka. Á markaði hafa flestir horft til þess að næstu stóru kaup KB banka yrðu með yfirtöku breska bankans Singer and Friedlander sem KB banki á fimmtung í. KB banki má ekki gera yfirtökutilboð í bankann fyrr en í ágústlok. Breski bankinn sérhæfir sig í eignastýringu, en FIH í útlánum. Saman breikka þessir bankar rekstrargrunn KB banka, efla og dreifa áhættu. Enn eru taldar miklar líkur á að KB banki muni ganga alla leið og yfirtaka breska bankann þegar tækifæri gefst. Tækifæri til vaxtarVerðið er hátt ef horft er á það út frá verðmati bankanna á Norðurlöndunum. Miðað við verðlagningu íslenskra banka er það hins vegar ekki hátt. Þannig lækka helstu kennitölur KB banka við kaupin. Markaðsverð KB banka er um þrefalt eigið fé bankans. Við kaupin á FIH lækkar þetta hlutfall niður í um tvo. Hagnaður sameinaðs banka KB og FIH hefði verið rúmir fjórtán milljarðar í fyrra eða vel yfir milljarð króna á mánuði. FIH er vel rekinn banki og afkoman verið stöðug á góð. Bankinn er með um sautján prósent af fyrirtækjalánum í Danmörku. Viðksiptatengsl við fimmþúsund fyrirtæki. Frá sjónarhóli nýrra eigenda er grunnurinn traustur og möguleikarnir miklir. KB banki hefur verið öflugur í fyrirtækjabankastarfsemi. Þannig er mikil reynsla innan bankans af fyrirtækjasölu, sameiningum fyrirtækja og vaxtar og útrásarverkefnum. Hugmynd KB banka er að nýta viðskiptasamböndin í lánastarfsemi og byggja upp fyrirtækjabankastarfsemi samhliða henni. Tækifærin í fyrirtækjaverkefnum í Danmörku gætu orðið nokkur á næstu misserum. Fjöldi danskra fyrirtækja er í ráðandi eigu stofnanafjárfesta sem gerir kaup á þeim auðveldari. Auk þess er mikill fjöldi danskra fyrirtækja í eigu kynslóðar sem horfir til kvöldroða æviskeiðsins. Þar við bætist að verð á dönskum fyrirtækjum um þessar mundir er lægra en á Íslandi. Útrás bankanna er í fullum gangi. Barátta Landsbankans við KB banka um FIH sýnir að þar á bæ huga menn af fullri alvöru að útrásinni. Innan Íslandsbanka eru menn í óðaönn að byggja upp fjárfestingarbankastarfsemi og huga að útrás. KB banki er kominn lengst og nái hinir að fylgja honum eftir er þess ef til vill ekki langt að bíða að fjármálaþjónusta verði ein af höfuð stoðum íslensks útflutnings. Fréttir Innlent Viðskipti Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Rukkaður um 2800 króna aukagjald í Reynisfjöru Neytendur „Ljóst að staðan er mjög strembin“ Viðskipti innlent Play tapaði milljarði en staðan „mjög traust“ að mati forstjórans Viðskipti innlent Verðbólga eykst milli mánaða Viðskipti innlent Stýrivextir mögulega ekki lækkaðir fyrr en í febrúar Viðskipti innlent Barátta Seðlabankans löngu töpuð Viðskipti innlent „Við erum ekki að fara að vinna“ Neytendur Horfurnar versna hjá Play sem kippir afkomuspá úr gildi Neytendur Stærstu fyrirtækin orðið af 747 milljörðum Viðskipti erlent Fleiri fréttir Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Sjá meira
Eftir kaup KB banka á danska bankanum FIH koma um þrír fjórðu hlutar tekna bankans frá útlöndum. Þetta hlutfall ræðst að nokkru leyti af því hvernig sum verkefna bankans eru skilgreind, en sumar þessara erlendu tekna eru vegna verkefna fyrir íslensk fyrirtæki á erlendum vettvangi. FIH bankinn er í raun gamall iðnlánasjóður og á því svipaðar rætur og Fjárfestingarbanki atvinnulífsins. FIH er hins vegar tólf sinnum stærri en FBA. Sá stærðarmunur sýnir kannski best vöxt og viðgang íslenskra fjármálafyrirtækja síðustu árin. Einkavæðing FBA var mikið pólitískt hitamál á sínum tíma og ekki gróið um heilt milli stjórnmálamanna og forkólfa viðskiptalífsins vegna baráttu um völd í bankanum. Kaupþing gegndi þá töluverðu hlutverki og kallaði yfir sig reiði forsætisráðherra með kennitölusöfnun til að ná stærri hlut í bankanum. Yfirlýst markmið stjórnvalda var að eignarhald FBA yrði dreifð. FBA var á þeim tíma stór biti fyrir Kaupþing, en sú tíð er liðin. Barátta um kaupKB banki var langt frá því einn um áhuga á danska bankanum FIH. Legið hafði fyrir um nokkurt skeið að hann væri til sölu. Fjölmargir norrænir bankar unnu að því að kaupa bankann, enda kannski ekki á hverjum degi sem svo stór eining er til sölu í heilu lagi á Norðurlandamarkaði. Förenings Sparbanken átti 77 prósent hlutafjár í FIH. Berlinske Tidende telur að með sölunni til KB banka hafi Förenings Sparbanken slegið tvær flugur í einu höggi. Fengið gott verð fyrir bankann og losnað við að selja hann til stórra keppinauta sinna á Norðurlandamarkaðnum. Helstu banknarnir á Norðurlöndum sýndu áhuga og meðal þeirra sem vildu kaupa voru Nordea, SEB og Svenska Handelsbanken sem allir eru margfallt stærri en KB banki. Landsbankinn vann einnig að verkefninu. Báðir íslensku bankarnir unnu af fullri alvöru að kaupunum, en á lokasprettinum dró Landsbankinn sig í hlé. Sú ákvörðun var ekki tekin fyrr en um helgina. Erfitt er að meta tilboð Landsbankans og KB banka, þar sem þau voru ólík að uppbyggingu. Landsbankinn heldur fast við að þeir hafi dregið sig út úr tilboðunum á síðustu stundu vegna arðsemissjónarmiða. KB bankamenn telja að þeirra tilboði hafi einfaldlega verið tekið þrátt fyrir að hafa verið ívið lægra. Hins vegar þurfti KB banki að hækka boð sitt á síðustu metrunum til þess að tryggja sér bankann. Kaupin eru stór og tvöfalda KB banka. Á markaði hafa flestir horft til þess að næstu stóru kaup KB banka yrðu með yfirtöku breska bankans Singer and Friedlander sem KB banki á fimmtung í. KB banki má ekki gera yfirtökutilboð í bankann fyrr en í ágústlok. Breski bankinn sérhæfir sig í eignastýringu, en FIH í útlánum. Saman breikka þessir bankar rekstrargrunn KB banka, efla og dreifa áhættu. Enn eru taldar miklar líkur á að KB banki muni ganga alla leið og yfirtaka breska bankann þegar tækifæri gefst. Tækifæri til vaxtarVerðið er hátt ef horft er á það út frá verðmati bankanna á Norðurlöndunum. Miðað við verðlagningu íslenskra banka er það hins vegar ekki hátt. Þannig lækka helstu kennitölur KB banka við kaupin. Markaðsverð KB banka er um þrefalt eigið fé bankans. Við kaupin á FIH lækkar þetta hlutfall niður í um tvo. Hagnaður sameinaðs banka KB og FIH hefði verið rúmir fjórtán milljarðar í fyrra eða vel yfir milljarð króna á mánuði. FIH er vel rekinn banki og afkoman verið stöðug á góð. Bankinn er með um sautján prósent af fyrirtækjalánum í Danmörku. Viðksiptatengsl við fimmþúsund fyrirtæki. Frá sjónarhóli nýrra eigenda er grunnurinn traustur og möguleikarnir miklir. KB banki hefur verið öflugur í fyrirtækjabankastarfsemi. Þannig er mikil reynsla innan bankans af fyrirtækjasölu, sameiningum fyrirtækja og vaxtar og útrásarverkefnum. Hugmynd KB banka er að nýta viðskiptasamböndin í lánastarfsemi og byggja upp fyrirtækjabankastarfsemi samhliða henni. Tækifærin í fyrirtækjaverkefnum í Danmörku gætu orðið nokkur á næstu misserum. Fjöldi danskra fyrirtækja er í ráðandi eigu stofnanafjárfesta sem gerir kaup á þeim auðveldari. Auk þess er mikill fjöldi danskra fyrirtækja í eigu kynslóðar sem horfir til kvöldroða æviskeiðsins. Þar við bætist að verð á dönskum fyrirtækjum um þessar mundir er lægra en á Íslandi. Útrás bankanna er í fullum gangi. Barátta Landsbankans við KB banka um FIH sýnir að þar á bæ huga menn af fullri alvöru að útrásinni. Innan Íslandsbanka eru menn í óðaönn að byggja upp fjárfestingarbankastarfsemi og huga að útrás. KB banki er kominn lengst og nái hinir að fylgja honum eftir er þess ef til vill ekki langt að bíða að fjármálaþjónusta verði ein af höfuð stoðum íslensks útflutnings.
Fréttir Innlent Viðskipti Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Rukkaður um 2800 króna aukagjald í Reynisfjöru Neytendur „Ljóst að staðan er mjög strembin“ Viðskipti innlent Play tapaði milljarði en staðan „mjög traust“ að mati forstjórans Viðskipti innlent Verðbólga eykst milli mánaða Viðskipti innlent Stýrivextir mögulega ekki lækkaðir fyrr en í febrúar Viðskipti innlent Barátta Seðlabankans löngu töpuð Viðskipti innlent „Við erum ekki að fara að vinna“ Neytendur Horfurnar versna hjá Play sem kippir afkomuspá úr gildi Neytendur Stærstu fyrirtækin orðið af 747 milljörðum Viðskipti erlent Fleiri fréttir Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Sjá meira