Kerry betri en Bush hafði betur 1. október 2004 00:01 Viðbrögð almennings við fyrstu kappræðum forsetaefnanna ættu að gefa John Kerry vonarneista eftir erfitt gengi í kosningabaráttunni undanfarið. Hann þykir almennt hafa staðið sig betur en George W. Bush og bætti ímynd sína. Frammistaða hans virðist þó ekki endilega skila sér í auknu fylgi, í það minnsta fyrst um sinn. Bush og Kerry tókust á um utanríkis- og öryggismál í fyrstu kappræðum sínum af þremur fyrir komandi forsetakosningar. Kerry sótti að Bush og gagnrýndi hann fyrir að hafa ráðist inn í Írak án þess að fullreyna aðra möguleika áður og að hafa ekki áætlun um hvernig vinna ætti friðinn. Að auki gagnrýndi hann forsetann fyrir að hafa grafið undan baráttunni gegn hryðjuverkum með innrásinni í Írak. Bush varði ákvörðun sína um innrás og sagðist gera það sem þyrfti til að tryggja öryggi Bandaríkjanna. Þá endurtók hann ýmis fyrri ummæli Kerrys sem forsetinn sagði sýna að Kerry skipti um skoðun í Íraksmálum til að auka fylgi sitt heima við, enda hefði Kerry hvort tveggja greitt atkvæði með og á móti fjárveitingum til innrásarinnar. Eitt voru frambjóðendurnir sammála um. Helsta ógnin sem steðjar að Bandaríkjunum á næsta kjörtímabili er útbreiðsla gjöreyðingarvopna. Bush benti á að hann hefði gripið til aðgerða í Írak, þrýst á Írana og Norður-Kóreustjórn að láta af áætlunum um framleiðslu gjöreyðingarvopna og að Líbía hefði hætt tilraunum við að koma sér upp gjöreyðingarvopnum þegar stjórnvöld hefðu séð hvað þau ættu á hættu. Kerry sagði ekki nóg gert til að tryggja kjarnorkubirgðir sem Sovétríkin komu sér upp og sagði rangt af forsetanum að neita tvíhliða viðræðum við Norður-Kóreu til að binda enda á kjarnorkudeiluna á Kóreuskaga. Niðurstöður skoðanakannana sem birtust í gær voru samhljóða að því leyti að þeir sem töldu Kerry hafa staðið sig betur en Bush voru mun fleiri en þeir sem töldu Bush hafa staðið sig betur. Þá sagðist um helmingur aðspurðra í könnunum CBS og Gallup hafa meira álit á Kerry eftir kappræðurnar en fyrir þær. Stóra spurningin er hins vegar hvort kappræðurnar verði til þess að breyta afstöðu fólks til þess hvorn frambjóðandann það kýs. Fyrstu vísbendingar gefa til kynna að svo verði ekki. Samkvæmt könnun sem var gerð fyrir CBS sjónvarpsstöðina, þar sem einungis óákveðnir kjósendur voru spurðir, bættu Kerry og Bush báðir kjörþokka sinn álíka mikið. Gallup könnunin mældi ekki breytingar á því hvorn fólk ætlaði að kjósa og kappræðurnar breyttu því sem næst engu um val almennings samkvæmt könnun fyrir ABC sjónvarpsstöðina. Ummæli frambjóðendannaVitlaust stríð? "Forsetinn sagði nokkuð sem ljóstraði upp um sannleikann og er mjög mikilvægt í þessari umræðu. Í svari sínu við spurningunni um Írak og að senda herinn til Íraks sagði hann: "Óvinurinn réðst á okkur." Saddam Hussein réðst ekki á okkur. Osama bin Laden réðst á okkur. al-Kaída réðst á okkur." John Kerry "Í fyrsta lagi: Auðvitað veit ég að Osama bin Laden réðst á okkur. Ég veit það. Í öðru lagi: Að halda að nýjar samþykktir (Sameinuðu þjóðanna) hefðu orðið til að Saddam Hussein afvopnaðist er fáránlegt að mínu mati. Þetta sýnir fram á mikilvægan skoðanamun." George W. Bush Stríðið gegn hryðjuverkum "11. september breytti því hvaða augum Bandaríkin líta umheiminn. Frá þeim degi hefur þjóð okkar beitt fjölþættri aðferð til að gera land okkar öruggara. Við sækjum að al-Kaída hvar sem al-Kaída reynir að fela sig. 75 prósent þekktra al-Kaída leiðtoga hefur verið komið í hendur réttvísinnar. Hinir vita að við erum á eftir þeim. Við höfum fylgt þeirri stefnu að sá sem hlífir hryðjuverkamönnum er jafn sekur og hryðjuverkamennirnir." George W. Bush "Ég trúi á það að vera sterkur, útsjónarsamur og ákveðinn. Ég mun elta uppi og drepa hryðjuverkamenn, hvar sem þá er að finna. En við þurfum líka að vera skynsöm. Skynsemi þýðir að við beinum athygli okkar ekki frá hinu raunverulega stríði gegn hryðjuverkum í Afganistan gegn Osama bin Laden og beinum henni að Írak." John F. Kerry Andstæðingurinn "Þessi forseti hefur, því miður, gert sig sekan um rosalegan dómgreindarskort. Og dómgreind er það sem við sækjumst eftir í forseta Bandaríkjanna." John F. Kerry "Ég fæ ekki skilið hvernig hægt er að leiða landið til sigurs í Írak ef þú segir að það sé vitlaust stríð, á vitlausum tíma á vitlausum stað." George W. Bush Erlent Forsetakosningar í Bandaríkjunum Fréttir Stj.mál Mest lesið Appelsínugular viðvaranir taka gildi: Stormur og sums staðar ofsaveður Veður Hætta að taka við og dreifa smábögglum frá Kína Erlent Trump segir Bandaríkjamenn munu taka yfir og „eignast“ Gasa Erlent „Svona endaði baráttan vegna skiltisins umtalaða“ Innlent „Þú ert í grunninn að mynda annað fólk og hvaða heimild hefur þú til þess?“ Innlent Harkaleg umræða fái kennara til að hugsa sína stöðu Innlent Ellefu létust í skotárásinni Erlent Gagnrýnir deilur um þingflokksherbergi á meðan bráðamóttakan er yfirfull Innlent Segir engan vilja búa á Gasa Erlent Fylgi flokks borgarstjórans dalar Innlent Fleiri fréttir Ummæli Trumps harðlega gagnrýnd víða um heim Hætta að taka við og dreifa smábögglum frá Kína Trump segir Bandaríkjamenn munu taka yfir og „eignast“ Gasa Ellefu létust í skotárásinni Segir engan vilja búa á Gasa „Versta fjöldaskotárás sem hefur verið gerð í okkar landi“ Kosningar í Grænlandi framundan Íslenskur skólastjóri meðal þeirra sem flúðu skotárásina Skotárás í sænskum skóla Vilja endurskoða dóm hjúkrunarfræðings vegna barnadauða Stoltenberg með óvænta endurkomu í norskum stjórnmálum Jafngildir það að eyða meðvitaðri gervigreind því að drepa dýr? El Salvador býðst til að taka við hættulegum glæpamönnum Kínverjar grípa til aðgerða mínútum eftir að nýir tollar taka gildi Blátt bann við erlendum fjárframlögum Tollahækkunum gegn Kanada líka frestað Starfsmenn DOGE tóku yfir USAID og læstu starfsmenn úti Hermenn halda að landamærum og Trump frestar tollum Sautján ára stúlka lést í hákarlaárás Hvað gengur Trump til með tollum? Skotmark sprengingar í Moskvu herforingi frá Austur-Úkraínu Einn látinn eftir sprengjutilræði í lúxusblokk í Moskvu Rubio fundaði með Mulino og ítrekaði hótanir Trump Hyggst hækka tolla á Evrópuríkin innan tíðar Mexíkó og Kanada svara tollum Trump með sínum eigin Allir farþegarnir látnir Hamas lætur þrjá gísla lausa Sjúkraflugvél hrapaði í Fíladelfíu Læknir ákærður fyrir að ávísa þungunarrofslyfi Trump leggur háa tolla á nágrannaþjóðirnar Sjá meira
Viðbrögð almennings við fyrstu kappræðum forsetaefnanna ættu að gefa John Kerry vonarneista eftir erfitt gengi í kosningabaráttunni undanfarið. Hann þykir almennt hafa staðið sig betur en George W. Bush og bætti ímynd sína. Frammistaða hans virðist þó ekki endilega skila sér í auknu fylgi, í það minnsta fyrst um sinn. Bush og Kerry tókust á um utanríkis- og öryggismál í fyrstu kappræðum sínum af þremur fyrir komandi forsetakosningar. Kerry sótti að Bush og gagnrýndi hann fyrir að hafa ráðist inn í Írak án þess að fullreyna aðra möguleika áður og að hafa ekki áætlun um hvernig vinna ætti friðinn. Að auki gagnrýndi hann forsetann fyrir að hafa grafið undan baráttunni gegn hryðjuverkum með innrásinni í Írak. Bush varði ákvörðun sína um innrás og sagðist gera það sem þyrfti til að tryggja öryggi Bandaríkjanna. Þá endurtók hann ýmis fyrri ummæli Kerrys sem forsetinn sagði sýna að Kerry skipti um skoðun í Íraksmálum til að auka fylgi sitt heima við, enda hefði Kerry hvort tveggja greitt atkvæði með og á móti fjárveitingum til innrásarinnar. Eitt voru frambjóðendurnir sammála um. Helsta ógnin sem steðjar að Bandaríkjunum á næsta kjörtímabili er útbreiðsla gjöreyðingarvopna. Bush benti á að hann hefði gripið til aðgerða í Írak, þrýst á Írana og Norður-Kóreustjórn að láta af áætlunum um framleiðslu gjöreyðingarvopna og að Líbía hefði hætt tilraunum við að koma sér upp gjöreyðingarvopnum þegar stjórnvöld hefðu séð hvað þau ættu á hættu. Kerry sagði ekki nóg gert til að tryggja kjarnorkubirgðir sem Sovétríkin komu sér upp og sagði rangt af forsetanum að neita tvíhliða viðræðum við Norður-Kóreu til að binda enda á kjarnorkudeiluna á Kóreuskaga. Niðurstöður skoðanakannana sem birtust í gær voru samhljóða að því leyti að þeir sem töldu Kerry hafa staðið sig betur en Bush voru mun fleiri en þeir sem töldu Bush hafa staðið sig betur. Þá sagðist um helmingur aðspurðra í könnunum CBS og Gallup hafa meira álit á Kerry eftir kappræðurnar en fyrir þær. Stóra spurningin er hins vegar hvort kappræðurnar verði til þess að breyta afstöðu fólks til þess hvorn frambjóðandann það kýs. Fyrstu vísbendingar gefa til kynna að svo verði ekki. Samkvæmt könnun sem var gerð fyrir CBS sjónvarpsstöðina, þar sem einungis óákveðnir kjósendur voru spurðir, bættu Kerry og Bush báðir kjörþokka sinn álíka mikið. Gallup könnunin mældi ekki breytingar á því hvorn fólk ætlaði að kjósa og kappræðurnar breyttu því sem næst engu um val almennings samkvæmt könnun fyrir ABC sjónvarpsstöðina. Ummæli frambjóðendannaVitlaust stríð? "Forsetinn sagði nokkuð sem ljóstraði upp um sannleikann og er mjög mikilvægt í þessari umræðu. Í svari sínu við spurningunni um Írak og að senda herinn til Íraks sagði hann: "Óvinurinn réðst á okkur." Saddam Hussein réðst ekki á okkur. Osama bin Laden réðst á okkur. al-Kaída réðst á okkur." John Kerry "Í fyrsta lagi: Auðvitað veit ég að Osama bin Laden réðst á okkur. Ég veit það. Í öðru lagi: Að halda að nýjar samþykktir (Sameinuðu þjóðanna) hefðu orðið til að Saddam Hussein afvopnaðist er fáránlegt að mínu mati. Þetta sýnir fram á mikilvægan skoðanamun." George W. Bush Stríðið gegn hryðjuverkum "11. september breytti því hvaða augum Bandaríkin líta umheiminn. Frá þeim degi hefur þjóð okkar beitt fjölþættri aðferð til að gera land okkar öruggara. Við sækjum að al-Kaída hvar sem al-Kaída reynir að fela sig. 75 prósent þekktra al-Kaída leiðtoga hefur verið komið í hendur réttvísinnar. Hinir vita að við erum á eftir þeim. Við höfum fylgt þeirri stefnu að sá sem hlífir hryðjuverkamönnum er jafn sekur og hryðjuverkamennirnir." George W. Bush "Ég trúi á það að vera sterkur, útsjónarsamur og ákveðinn. Ég mun elta uppi og drepa hryðjuverkamenn, hvar sem þá er að finna. En við þurfum líka að vera skynsöm. Skynsemi þýðir að við beinum athygli okkar ekki frá hinu raunverulega stríði gegn hryðjuverkum í Afganistan gegn Osama bin Laden og beinum henni að Írak." John F. Kerry Andstæðingurinn "Þessi forseti hefur, því miður, gert sig sekan um rosalegan dómgreindarskort. Og dómgreind er það sem við sækjumst eftir í forseta Bandaríkjanna." John F. Kerry "Ég fæ ekki skilið hvernig hægt er að leiða landið til sigurs í Írak ef þú segir að það sé vitlaust stríð, á vitlausum tíma á vitlausum stað." George W. Bush
Erlent Forsetakosningar í Bandaríkjunum Fréttir Stj.mál Mest lesið Appelsínugular viðvaranir taka gildi: Stormur og sums staðar ofsaveður Veður Hætta að taka við og dreifa smábögglum frá Kína Erlent Trump segir Bandaríkjamenn munu taka yfir og „eignast“ Gasa Erlent „Svona endaði baráttan vegna skiltisins umtalaða“ Innlent „Þú ert í grunninn að mynda annað fólk og hvaða heimild hefur þú til þess?“ Innlent Harkaleg umræða fái kennara til að hugsa sína stöðu Innlent Ellefu létust í skotárásinni Erlent Gagnrýnir deilur um þingflokksherbergi á meðan bráðamóttakan er yfirfull Innlent Segir engan vilja búa á Gasa Erlent Fylgi flokks borgarstjórans dalar Innlent Fleiri fréttir Ummæli Trumps harðlega gagnrýnd víða um heim Hætta að taka við og dreifa smábögglum frá Kína Trump segir Bandaríkjamenn munu taka yfir og „eignast“ Gasa Ellefu létust í skotárásinni Segir engan vilja búa á Gasa „Versta fjöldaskotárás sem hefur verið gerð í okkar landi“ Kosningar í Grænlandi framundan Íslenskur skólastjóri meðal þeirra sem flúðu skotárásina Skotárás í sænskum skóla Vilja endurskoða dóm hjúkrunarfræðings vegna barnadauða Stoltenberg með óvænta endurkomu í norskum stjórnmálum Jafngildir það að eyða meðvitaðri gervigreind því að drepa dýr? El Salvador býðst til að taka við hættulegum glæpamönnum Kínverjar grípa til aðgerða mínútum eftir að nýir tollar taka gildi Blátt bann við erlendum fjárframlögum Tollahækkunum gegn Kanada líka frestað Starfsmenn DOGE tóku yfir USAID og læstu starfsmenn úti Hermenn halda að landamærum og Trump frestar tollum Sautján ára stúlka lést í hákarlaárás Hvað gengur Trump til með tollum? Skotmark sprengingar í Moskvu herforingi frá Austur-Úkraínu Einn látinn eftir sprengjutilræði í lúxusblokk í Moskvu Rubio fundaði með Mulino og ítrekaði hótanir Trump Hyggst hækka tolla á Evrópuríkin innan tíðar Mexíkó og Kanada svara tollum Trump með sínum eigin Allir farþegarnir látnir Hamas lætur þrjá gísla lausa Sjúkraflugvél hrapaði í Fíladelfíu Læknir ákærður fyrir að ávísa þungunarrofslyfi Trump leggur háa tolla á nágrannaþjóðirnar Sjá meira