Del Horno meiddur
Spænski landsliðsmaðurinn Asier del Horno, sem nýverið gekk í raðir Chelsea, meiddist á læri í leiknum við Sunderland í gær og verður ekki með liðinu á næstunni. Jose Mourinho segir að menn verði að sætta sig við að mikið álag í kring um landsleiki verði til þess að menn lendi í meiðslum. "Asier verður ekki með okkur í Meistaradeildinni í vikunni, svo mikið er víst. Álagið hefur verið mikið á honum síðustu daga og það er kannski ekki skrítið að menn meiðist þegar svo er, en maður getur víst lítið gert við því," sagði Mourinho, sem sagðist hafa verið kominn á fremsta hlunn með að stilla Didier Drogba upp í framlínunni með Hernan Crespo þegar Geremi skoraði loksins fyrsta mark leiksins.
