James aðvarar Wright-Phillips

Markvörðurinn David James, fyrrum félagi Shaun Wright-Phillips hjá Manchester City, segist óttast að framtíð leikmannsins hjá Chelsea ætti eftir að verða honum erfið vegna samkeppninnar um hverja stöðu. "Shaun er leikmaður sem þrífst á að spila mikið og þegar maður er ungur og efnilegur leikmaður, verður maður að hamra járnið á meðan það er heitt, ef þannig má að orði komast. Shaun er frábær leikmaður og ég efast ekki um að hann kæmist í hvaða lið sem er þegar hann er að spila sinn besta leik, en ég óttast að hann fái ekki nægan spilatíma hjá Chelsea og þá er aldrei að vita hvað gerist í framtíðinni hjá honum," sagði James.