Sagði nýtt þrælahald hér á landi 1. maí 2005 00:01 Óprúttnir atvinnurekendur og glæpamenn reka nýja tegund þrælahalds á Íslandi í dag og vitað er um nokkur hundruð erlenda starfsmenn hér á landi sem ekki njóta lágmarksréttinda, segir fyrsti varaformaður Eflingar. Formaður BSRB segir íslenskt samfélag standa á tímamótum og formenn stjórnarflokkanna hafi ekki minnst á atvinnuleysi og slíka hluti þegar þeir voteygir mærðu hvor annan á tíu ára afmæli ríkisstjórnarinnar. Einn réttur - ekkert svindl var yfirskrift hátíðahaldanna í Reykjavík og þar vísað til erlendra verkamanna hér á landi sem ekki njóta lögbundinna réttinda og fyrirtækja sem fari á svig við lög og rétt. Lögreglan telur að um þúsund manns hafi tekið þátt í kröfugöngunni sem gekk frá Skólavörðuholti og niður á Ingólfstorg þar sem útifundur var haldinn. Þórunn Sveinbjörnsdóttir, fyrsti varaformaður Eflingar, sagði nýjan og opinn vinnumarkað Evrópu skapa fólki í fátækari löndum ný tækifæri. En um leið opnist nýjar leiðir fyrir óprúttna atvinnurekendur og eftirlitskerfið sé vanmáttugt. Þess vegna gætu vafasamir atvinnurekendur og glæpamenn rekið hér neðanjarðarstarfsemi með svika- og leppafyrirtækjum sínum. Vitað væri með vissu að hér á landi væru nokkur hundruð erlendir starfsmenn sem ekki nytu lágmarkslaunakjara eða -réttinda. Það væri líka vitað með vissu að hér störfuðu fyrirtæki sem rækju nýja tegund af þrælahaldi þar sem menn byggju við ofurvald kúgara sinna eins og forðum daga. Þórunn kallar eftir hörðum aðgerðum gegn skattsvikum og svartri atvinnustarfsemi. Ísland sé fyrirmynd annarra þjóða í lífeyrismálum. Þann skugga bæri þó á að fjölgun öryrkja stefndi lífeyrisréttinum í hættu. Þar hafi allir sofið á verðinum en ólíðandi sé úrræðaleysi stjórnvalda í endurhæfingarmálum. Hún sagðist mestar áhyggjur hafa af misréttinu í þjóðfélaginu, launabil breikki milli nýríkra forstjóra og starfsmanna á gólfinu. „Íslensk verkalýðshreyfing á nú að heita því á 1. maí að vinna gegn launamisréttinu. Baráttunni fyrir réttlæti lýkur aldrei," sagði Þórunn, Ögmundur Jónasson, formaður BSRB, minnti á að menn töluðu um að það væri ekkert til sem héti ókeypis máltíð en formenn stjórnarflokkanna hefðu ekki hikað við að láta skattgreiðendur borga fyrir veislu sem haldin var í tilefni 10 ára afmælis ríkisstjórnarinnar þar sem formennirnir mærðu hvor annan. „Davíð sagði að Halldór væri mikilmenni og Halldór sagði að Davíð væri stórmenni. Þeir hefðu starfað svo vel saman félagarnir og tekið svo margar ákvarðanir. „Við erum svo fljótir að ákveða, sagði Davíð og Halldór forsætisráðherra sagði að þetta væri stór stund. Mér sýndist þeir vera votir til augnanna. Eflaust voru þeir hrærðir," sagði Ögmundur. Ögmundur sagði að ekkert hefði þar verið minnst á atvinnuleysi eða aðra neikvæða hluti. Enn fremur benti hann á að íslenskt samfélag væri á tímamótum. Sótt væri að réttindum og kjörum, skotleyfi hefði verið gefið út á allt sem væri samfélagslegt, peningahyggjan vildi Íbúðalánasjóð á haugana og talað væri um að flytja Kínverja frá Gulafljóti eða öðrum fátækustu svæðum jarðarkringlunnar til að kenna Íslendingum vinnurétt og að innleiða þjónustutilskipun Evrópusambandsins því þá yrði lag að markaðsvæða sjúkraganginn og barnaskólann. „Engin fyrirstaða við því að skerða réttindi launafólks og að sjálfsögðu styðja atvinnurekendur og Verslunarráðið GATTs samningana sem segja: Allt á markað, allt lifandi og dautt á markað," sagði Ögmundur. Á Akureyri var lítili þátttaka í hátíðahöldum dagsins og giskaði lögreglan á að um 50 manns hefðu tekið þátt í kröfugöngu þar. Meiri þátttaka var hins vegar á Egilsstöðum en það má reyndar þakka góðri fundarsókn íbúa kínverska alþýðulýðveldisins sem komu ofan af Kárahnjúkum í einum fimm rútum. Fréttir Innlent Stj.mál Mest lesið Segir ákvörðun um kæru fyrir nauðgun tekna fyrir andlát flugmanns Innlent Eiturlyf og vopn fundust á heimili hins handtekna á Bakkafirði Innlent „Þetta má aldrei gerast aftur“ Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Jón Gnarr skráður í Viðreisn og ætlar á Alþingi Innlent Pilturinn áfram bak við lás og slá Innlent Sextán ára dómur fyrir manndráp í Drangahrauni stendur Innlent Hjónin létust eftir langvarandi veikindi Innlent Gripnir á leið upp í flugvél en tugmilljóna þýfi ófundið Innlent Fleiri fréttir Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Sjá meira
Óprúttnir atvinnurekendur og glæpamenn reka nýja tegund þrælahalds á Íslandi í dag og vitað er um nokkur hundruð erlenda starfsmenn hér á landi sem ekki njóta lágmarksréttinda, segir fyrsti varaformaður Eflingar. Formaður BSRB segir íslenskt samfélag standa á tímamótum og formenn stjórnarflokkanna hafi ekki minnst á atvinnuleysi og slíka hluti þegar þeir voteygir mærðu hvor annan á tíu ára afmæli ríkisstjórnarinnar. Einn réttur - ekkert svindl var yfirskrift hátíðahaldanna í Reykjavík og þar vísað til erlendra verkamanna hér á landi sem ekki njóta lögbundinna réttinda og fyrirtækja sem fari á svig við lög og rétt. Lögreglan telur að um þúsund manns hafi tekið þátt í kröfugöngunni sem gekk frá Skólavörðuholti og niður á Ingólfstorg þar sem útifundur var haldinn. Þórunn Sveinbjörnsdóttir, fyrsti varaformaður Eflingar, sagði nýjan og opinn vinnumarkað Evrópu skapa fólki í fátækari löndum ný tækifæri. En um leið opnist nýjar leiðir fyrir óprúttna atvinnurekendur og eftirlitskerfið sé vanmáttugt. Þess vegna gætu vafasamir atvinnurekendur og glæpamenn rekið hér neðanjarðarstarfsemi með svika- og leppafyrirtækjum sínum. Vitað væri með vissu að hér á landi væru nokkur hundruð erlendir starfsmenn sem ekki nytu lágmarkslaunakjara eða -réttinda. Það væri líka vitað með vissu að hér störfuðu fyrirtæki sem rækju nýja tegund af þrælahaldi þar sem menn byggju við ofurvald kúgara sinna eins og forðum daga. Þórunn kallar eftir hörðum aðgerðum gegn skattsvikum og svartri atvinnustarfsemi. Ísland sé fyrirmynd annarra þjóða í lífeyrismálum. Þann skugga bæri þó á að fjölgun öryrkja stefndi lífeyrisréttinum í hættu. Þar hafi allir sofið á verðinum en ólíðandi sé úrræðaleysi stjórnvalda í endurhæfingarmálum. Hún sagðist mestar áhyggjur hafa af misréttinu í þjóðfélaginu, launabil breikki milli nýríkra forstjóra og starfsmanna á gólfinu. „Íslensk verkalýðshreyfing á nú að heita því á 1. maí að vinna gegn launamisréttinu. Baráttunni fyrir réttlæti lýkur aldrei," sagði Þórunn, Ögmundur Jónasson, formaður BSRB, minnti á að menn töluðu um að það væri ekkert til sem héti ókeypis máltíð en formenn stjórnarflokkanna hefðu ekki hikað við að láta skattgreiðendur borga fyrir veislu sem haldin var í tilefni 10 ára afmælis ríkisstjórnarinnar þar sem formennirnir mærðu hvor annan. „Davíð sagði að Halldór væri mikilmenni og Halldór sagði að Davíð væri stórmenni. Þeir hefðu starfað svo vel saman félagarnir og tekið svo margar ákvarðanir. „Við erum svo fljótir að ákveða, sagði Davíð og Halldór forsætisráðherra sagði að þetta væri stór stund. Mér sýndist þeir vera votir til augnanna. Eflaust voru þeir hrærðir," sagði Ögmundur. Ögmundur sagði að ekkert hefði þar verið minnst á atvinnuleysi eða aðra neikvæða hluti. Enn fremur benti hann á að íslenskt samfélag væri á tímamótum. Sótt væri að réttindum og kjörum, skotleyfi hefði verið gefið út á allt sem væri samfélagslegt, peningahyggjan vildi Íbúðalánasjóð á haugana og talað væri um að flytja Kínverja frá Gulafljóti eða öðrum fátækustu svæðum jarðarkringlunnar til að kenna Íslendingum vinnurétt og að innleiða þjónustutilskipun Evrópusambandsins því þá yrði lag að markaðsvæða sjúkraganginn og barnaskólann. „Engin fyrirstaða við því að skerða réttindi launafólks og að sjálfsögðu styðja atvinnurekendur og Verslunarráðið GATTs samningana sem segja: Allt á markað, allt lifandi og dautt á markað," sagði Ögmundur. Á Akureyri var lítili þátttaka í hátíðahöldum dagsins og giskaði lögreglan á að um 50 manns hefðu tekið þátt í kröfugöngu þar. Meiri þátttaka var hins vegar á Egilsstöðum en það má reyndar þakka góðri fundarsókn íbúa kínverska alþýðulýðveldisins sem komu ofan af Kárahnjúkum í einum fimm rútum.
Fréttir Innlent Stj.mál Mest lesið Segir ákvörðun um kæru fyrir nauðgun tekna fyrir andlát flugmanns Innlent Eiturlyf og vopn fundust á heimili hins handtekna á Bakkafirði Innlent „Þetta má aldrei gerast aftur“ Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Jón Gnarr skráður í Viðreisn og ætlar á Alþingi Innlent Pilturinn áfram bak við lás og slá Innlent Sextán ára dómur fyrir manndráp í Drangahrauni stendur Innlent Hjónin létust eftir langvarandi veikindi Innlent Gripnir á leið upp í flugvél en tugmilljóna þýfi ófundið Innlent Fleiri fréttir Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Sjá meira