Ósigrandi fiskisúpa 3. nóvember 2005 10:30 Snæfríður ingadóttir heimsótti nýja Íslendinga frá þrettán þjóðlöndum í sumar sem allir opnuðu dyr sínar og buðu í eldhúsið heima, um leið og þeir ljóstruðu upp gómsætum uppskriftum að ljúfmeti og vinsælum réttum frá föðurlandinu. "Ég ætla að gefa lesendum uppskrift að fiskisúpunni sem aldrei klikkar," segir Snæfríður Ingadóttir, ritstjóri Flugstöðvarblaðsins og rithöfundur sem nú gefur út matreiðslubókina "Opið hús - menning og matur á Íslandi nútímans". "Ég fékk uppskriftina upphaflega frá systur minni sem fékk hana áður frá vinkonu sinni. Þetta er frábær súpa þegar halda á matarboð því hún er matarmikil, og með góðu hvítvíni og brauði er maður kominn með herramannsmáltíð fyrir gesti sína," segir Snæfríður sem dregur uppskriftina reglulega fram þegar hún býður gestum til borðs í eldhúsinu heima. "Það er ágætt að gera grunninn deginum áður, og ekki síst hentugt því sjálfur matarboðsdagurinn fer oftar en ekki í tiltekt og snúninga, svo gott er að vera kominn áleiðis með matinn, auk þess sem þessi súpa slær alltaf í gegn," segir Snæfríður sem býr ein með læðunni Systu, en sú er matvönd og lítt kröfuhörð á eldamennsku Snæfríðar heima. "Kisa vill ekki einu sinni soðinn fisk, en handa sjálfri mér elda ég alltaf hafragraut á morgnana. Það er oft eina eldamennska dagsins því ég nenni yfir höfuð ekki að leggja í mikla matreiðslu fyrir sjálfa mig, en læt veitingahúsin í nágrenninu frekar njóta góðs af matmálstímum mínum og sæki mér næringu þangað," segir Snæfríður sem staðið hefur á samfelldu sex mánaða matreiðslunámskeiði í því augnamiði að safna lystaukandi uppskriftum í nýju matreiðslubókina. "Við Þorvaldur Örn Kristmundsson ljósmyndari heimsóttum nýja Íslendinga, sem þegar allt er talið koma nú frá 140 þjóðlöndum. Það var því úr vöndu að ráða þegar við völdum úr þeim stóra hópi aðeins þrettán mismunandi þjóðerni, en verkefnið var einstaklega skemmtilegt, fólkið svo gestrisið og ferlið allt lærdómsríkt, ekki síst þegar kemur að eldhússtörfunum því ég hef nú þegar nýtt mér margar uppskriftirnar og hef meira að segja loksins keypt mér wok-pönnu í matseldina," segir Snæfríður glöð í bragði, en bók þeirra Þorvalds kemur út hjá Eddu útgáfu um miðjan nóvember. Menning Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Sunneva og Tanja ræða lýtaaðgerðirnar sínar Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir „Smá stress en alltaf jafn skemmtilegt“ að elda ofan í Ramsay Smakkaði skötu í beinni: „Sjitturinn, kött!“ Vænir, grænir og girnilegir matcha-molar að hætti Jönu Sjá meira
"Ég ætla að gefa lesendum uppskrift að fiskisúpunni sem aldrei klikkar," segir Snæfríður Ingadóttir, ritstjóri Flugstöðvarblaðsins og rithöfundur sem nú gefur út matreiðslubókina "Opið hús - menning og matur á Íslandi nútímans". "Ég fékk uppskriftina upphaflega frá systur minni sem fékk hana áður frá vinkonu sinni. Þetta er frábær súpa þegar halda á matarboð því hún er matarmikil, og með góðu hvítvíni og brauði er maður kominn með herramannsmáltíð fyrir gesti sína," segir Snæfríður sem dregur uppskriftina reglulega fram þegar hún býður gestum til borðs í eldhúsinu heima. "Það er ágætt að gera grunninn deginum áður, og ekki síst hentugt því sjálfur matarboðsdagurinn fer oftar en ekki í tiltekt og snúninga, svo gott er að vera kominn áleiðis með matinn, auk þess sem þessi súpa slær alltaf í gegn," segir Snæfríður sem býr ein með læðunni Systu, en sú er matvönd og lítt kröfuhörð á eldamennsku Snæfríðar heima. "Kisa vill ekki einu sinni soðinn fisk, en handa sjálfri mér elda ég alltaf hafragraut á morgnana. Það er oft eina eldamennska dagsins því ég nenni yfir höfuð ekki að leggja í mikla matreiðslu fyrir sjálfa mig, en læt veitingahúsin í nágrenninu frekar njóta góðs af matmálstímum mínum og sæki mér næringu þangað," segir Snæfríður sem staðið hefur á samfelldu sex mánaða matreiðslunámskeiði í því augnamiði að safna lystaukandi uppskriftum í nýju matreiðslubókina. "Við Þorvaldur Örn Kristmundsson ljósmyndari heimsóttum nýja Íslendinga, sem þegar allt er talið koma nú frá 140 þjóðlöndum. Það var því úr vöndu að ráða þegar við völdum úr þeim stóra hópi aðeins þrettán mismunandi þjóðerni, en verkefnið var einstaklega skemmtilegt, fólkið svo gestrisið og ferlið allt lærdómsríkt, ekki síst þegar kemur að eldhússtörfunum því ég hef nú þegar nýtt mér margar uppskriftirnar og hef meira að segja loksins keypt mér wok-pönnu í matseldina," segir Snæfríður glöð í bragði, en bók þeirra Þorvalds kemur út hjá Eddu útgáfu um miðjan nóvember.
Menning Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Sunneva og Tanja ræða lýtaaðgerðirnar sínar Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir „Smá stress en alltaf jafn skemmtilegt“ að elda ofan í Ramsay Smakkaði skötu í beinni: „Sjitturinn, kött!“ Vænir, grænir og girnilegir matcha-molar að hætti Jönu Sjá meira