Henke byrjaður að æfa á ný

Sænski framherjinn Henrik Larsson, sem leikur með Barcelona, er byrjaður að æfa á nýjan leik eftir að hann sleit krossbönd á hné fyrir jól. Larsson er langt á undan áætlun og vonast forráðamenn Barcelona til að hann verði klár í slaginn áður en tímabilinu lýkur 29. maí næstkomandi. "Það var ótrúleg tilfinning að komast í bolta á nýjan leik. Mér líður vel í hnénu en það sem skiptir mestu máli fyrir mig er að ég verði klár fyrir næsta tímabil," sagði Larsson.