Snæfell tryggði sér oddaleik

Snæfell frá Stykkishólmi tryggði sér í dag oddaleik í einvígi sínu gegn KR í 8-liða úrslitum Intersportdeildarinnar í körfuknattleik karla er þeir sigruðu KR, í Vesturbænum, nokkuð auðveldlega með 25 stiga mun, 82-57. Snæfellingar lögðu grunninn að sigrinum í fyrsta leikhluta, sem þeir unnu 25-8, og með gríðarlega sterkum varnarleik sem KR-ingar náðu aldrei að brjóta almennilega niður. Stigahæstur í liði Snæfells var Michael Ames með 22 stig og Hlynur Bæringsson tók ein 11 fráköst, en hjá KR Aaron Harper atkvæðamestur með 18 stig.