Vannýtt sóknarfæri 13. mars 2005 00:01 Innan körfuknattleikshreyfingarinnar hefur mikið verið rætt um hvernig hægt sé að efla vinsældir íþróttarinnar og stefna á aukna aðsókn á leiki hér á landi. Hafi einhvern tímann verið öflugt sóknarfæri fyrir Körfuknattleiksamband Íslands að vekja fólk til umhugsanir varðandi körfuna þá var það þegar KR-ingurinn Jón Arnór Stefánsson samdi við Dallas Mavericks í hinni víðfrægu NBA-deild í Bandaríkjunum. Margir í hreyfingunni hugsuðu sér gott til glóðarinnar, loksins var tími körfuboltans kominn, enda ekki á hverjum degi sem að Norðurlandabúi, hvað þá Íslendingur, hafnaði innan raða NBA-liðs. Ef undanskildar eru blaðagreinar, þáttur um Jón Arnór á Sýn og þátttaka hans með íslenska landsliðinu á síðasta ári, er ekki hægt að segja að kynningarstarf á þessu frábæra afreki hafi verið eins og best var á kosið. Undirritaður vill meina að þetta öfluga sóknarfæri hafi algjörlega farið forgörðum og hefur körfuboltaáhuginn haldið sama striki síðan. Fámennt er á flestum leikjum og lítið sem bendir til þess að það muni breytast. En hvað er hægt að gera til að breyting verði á? Hér fyrir neðan eru nokkrar hugmyndir sem gætu hugsanlega komið körfuboltaáhuga á Íslandi til góða. Hægt væri að skikka liðin í deildinni til að fjárfesta í vídeóvél sem býður upp á upptöku sem er nothæf fyrir sjónvarp. Öll liðin myndu skuldbinda sig til að taka upp hvern einasta heimaleik og skila af sér 5 bestu tilþrifum leiksins og góðri 2-3 mínútna samantekt til KKÍ nokkrum dögum eftir leik. KKÍ gæti sent mann á stúfanna einu sinni í viku til að taka upp viðtal við leikmann, fylgt honum eftir á æfingu, skyggnst inn í líf hans utan boltans og þar fram eftir götunum. Þetta efni, tilþrif og samantekt úr öllum leikjum hverrar umferðar, gæti nýst í vinnslu á vikulegum sjónvarpsþætti í anda NBA-Action. Með allan þennan efnivið yrðu hæg heimatökin fyrir lokavinnslu á þættinum. Upplagt væri að fara sömu leið og í kynningu á NBA, hefja leikmenn upp til skýja, reyna að gera stjörnur úr þeim. Það hefur sýnt sig að áhugi fólks á NBA liggur fyrst og fremst í leikmönnum og því væri þetta ákjósanleg leið. Fyrir sama þátt væri upplagt að reyna að komast yfir myndefni af Íslendingum sem leika á erlendri grundu. Jón Arnór, Helgi Már Magnússon og Jakob Sigurðarson hafa allir gert góða hluti upp á síðkastið en ekkert af því hefur ratað á skjáinn. Kæmi þetta sterkt inn sem innskot í þáttinn, sérstaklega í ljósi þess að Íslendingar sperra ávallt augun ef landar þeirra eru að láta af sér kveða úti í hinum stóra heimi. Svo set ég stórt spurningarmerki við nauðsyn þess að sýna deildarleiki í NBA í beinni útsendingu. Hér áður var fyrirkomulagið fínt, samantekt úr fyrri hálfleik og svo seinni hálfleikur í heild sinni. Fólk er engan veginn að nenna að horfa á þessi rólegheit sem deildarleikir í NBA eru orðnir. Ef miðað er við deildarleiki á níunda áratugnum og í byrjun þess tíunda má sjá að menn eru farnir að spara sig eins mikið og hægt er. Boðið er upp á 82 leiki á hvert lið yfir tímabilið á aðeins 6 mánuðum og fáir leggja sig fram af sama krafti og þegar í lokaátökin er komið. Hægt væri að sýna toppviðureignir í beinni útsendingu en vera með leiki óbeint sem búið væri að klippa til. EInnig væri upplagt að skipta út nokkrum NBA-leikjum fyrir háskólaboltann í Bandaríkjunum þar sem sjá má unga leikmenn með blóðbragð í munni. Þar á bæ er töluvert meira í húfi heldur en fyrir hinn dæmigerða NBA-leikmann, sem er með stappfulla vasa af seðlum, skósamning fyrir lífstíð o.s.frv. Í háskólaboltanum berjast menn fyrir að ná sem bestum árangri til að vera eins ofarlega og mögulegt er í háskólavalinu. Af þessum sökum er vart hægt að bera saman leiki í háskólaboltanum við NBA - þetta er nánast svart og hvítt. Áhorfendur fengju því körfubolta eins og hann gerist bestur sem gæti orðið til þess að fleiri myndu laðast að skjánum. Að lokum mætti athuga þann möguleika að sleppa úrslitakeppninni í Intersportdeildinni og einfaldlega færa liðinu sem ynni deildina Íslandsmeistaratitilinn. Þannig yrði hver leikur mikilvægari og líklegra að fólk myndi leggja leið sína á völlinn í stað þess að bíða bara heima eftir úrslitakeppninni eins og svo algengt er orðið. Smári Jósepsson -smari@frettabladid.is Viltu birta grein á Vísi? Sendu okkur póst. Senda grein Gestapennar Í brennidepli Skoðanir Mest lesið Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson Skoðun Norska leiðin hefur gefist vel – í Póllandi Heiðrún Lind Marteinsdóttir Skoðun Af hverju hræðist fólk kynjafræði? Eydís Ásbjörnsdóttir Skoðun Auðbeldi SFS Örn Bárður Jónsson Skoðun Opið hús fyrir útvalda Björn Brynjúlfur Björnsson Skoðun 120km hraði á Keflavíkurveginum og netsölur með áfengi Jón Páll Haraldsson Skoðun Af hverju er Framsóknarfólk hamingjusamast? Árelía Eydís Guðmundsdóttir Skoðun Hópnauðganir/svartheimar! Davíð Bergmann Skoðun Skjárinn og börnin Daðey Albertsdóttir,Silja Björk Egilsdóttir,Skúli Bragi Geirdal Skoðun Hvers vegna er ungbarnadauði lægstur á Íslandi? Þórður Þórkelsson Skoðun Skoðun Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar Skoðun 120km hraði á Keflavíkurveginum og netsölur með áfengi Jón Páll Haraldsson skrifar Skoðun Lausnin liggur fyrir – Landspítali þarf að stíga skrefið Sandra B. Franks skrifar Skoðun Auðbeldi SFS Örn Bárður Jónsson skrifar Skoðun Skjárinn og börnin Daðey Albertsdóttir,Silja Björk Egilsdóttir,Skúli Bragi Geirdal skrifar Skoðun „Er stjúpmamma þín vond eins og í Öskubusku?“ Hafdís Bára Ólafsdóttir skrifar Skoðun Af hverju er Framsóknarfólk hamingjusamast? Árelía Eydís Guðmundsdóttir skrifar Skoðun Norska leiðin hefur gefist vel – í Póllandi Heiðrún Lind Marteinsdóttir skrifar Skoðun Opið hús fyrir útvalda Björn Brynjúlfur Björnsson skrifar Skoðun Af hverju hræðist fólk kynjafræði? Eydís Ásbjörnsdóttir skrifar Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar Skoðun Hópnauðganir/svartheimar! Davíð Bergmann skrifar Skoðun Valdið og samvinnuhugsjónin Kjartan Helgi Ólafsson skrifar Skoðun NPA breytti lífinu mínu Sveinbjörn Eggertsson skrifar Skoðun Hefur þú tilkynnt um ofbeldi gegn barni? Alfa Jóhannsdóttir skrifar Skoðun Gildi kærleika og mannúðar Toshiki Toma skrifar Skoðun Hvernig tryggjum við samkeppnishæfni þjóðar? Jón Skafti Gestsson skrifar Skoðun Í minningu Frans páfa - sem tók sér nafn verndardýrlings dýra og náttúru Árni Stefán Árnason skrifar Skoðun Flottu kjötauglýsingarnar í blöðunum... Ole Anton Bieltvedt skrifar Skoðun Grafarvogsgremjan Þorlákur Axel Jónsson skrifar Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar Skoðun Fjármögnuðu stríðsvél Rússlands Hjörtur J. Guðmundsson skrifar Skoðun Hugleiðingar á páskum Ámundi Loftsson skrifar Skoðun Gremjan í Grafarvogi Davíð Már Sigurðsson skrifar Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar Skoðun Móttaka skemmtiferðaskipa - hlustað á íbúa Þórdís Lóa Þórhallsdóttir skrifar Skoðun Námsfærni nemenda í íslenskum skólum: Eigum við að lækka rána? Sigríður Ólafsdóttir skrifar Skoðun Snorri byggir skoðun á skólakerfinu á reynslusögum annarra en Guðrún vitnar í ritrýndar heimildir Davíð Routley skrifar Skoðun Þegar mannshjörtun mætast Jóna Hrönn Bolladóttir,Bjarni Karlsson skrifar Skoðun Horft til einkunna og annarra þátta við innritun í framhaldsskóla Guðmundur Ingi Kristinsson skrifar Sjá meira
Innan körfuknattleikshreyfingarinnar hefur mikið verið rætt um hvernig hægt sé að efla vinsældir íþróttarinnar og stefna á aukna aðsókn á leiki hér á landi. Hafi einhvern tímann verið öflugt sóknarfæri fyrir Körfuknattleiksamband Íslands að vekja fólk til umhugsanir varðandi körfuna þá var það þegar KR-ingurinn Jón Arnór Stefánsson samdi við Dallas Mavericks í hinni víðfrægu NBA-deild í Bandaríkjunum. Margir í hreyfingunni hugsuðu sér gott til glóðarinnar, loksins var tími körfuboltans kominn, enda ekki á hverjum degi sem að Norðurlandabúi, hvað þá Íslendingur, hafnaði innan raða NBA-liðs. Ef undanskildar eru blaðagreinar, þáttur um Jón Arnór á Sýn og þátttaka hans með íslenska landsliðinu á síðasta ári, er ekki hægt að segja að kynningarstarf á þessu frábæra afreki hafi verið eins og best var á kosið. Undirritaður vill meina að þetta öfluga sóknarfæri hafi algjörlega farið forgörðum og hefur körfuboltaáhuginn haldið sama striki síðan. Fámennt er á flestum leikjum og lítið sem bendir til þess að það muni breytast. En hvað er hægt að gera til að breyting verði á? Hér fyrir neðan eru nokkrar hugmyndir sem gætu hugsanlega komið körfuboltaáhuga á Íslandi til góða. Hægt væri að skikka liðin í deildinni til að fjárfesta í vídeóvél sem býður upp á upptöku sem er nothæf fyrir sjónvarp. Öll liðin myndu skuldbinda sig til að taka upp hvern einasta heimaleik og skila af sér 5 bestu tilþrifum leiksins og góðri 2-3 mínútna samantekt til KKÍ nokkrum dögum eftir leik. KKÍ gæti sent mann á stúfanna einu sinni í viku til að taka upp viðtal við leikmann, fylgt honum eftir á æfingu, skyggnst inn í líf hans utan boltans og þar fram eftir götunum. Þetta efni, tilþrif og samantekt úr öllum leikjum hverrar umferðar, gæti nýst í vinnslu á vikulegum sjónvarpsþætti í anda NBA-Action. Með allan þennan efnivið yrðu hæg heimatökin fyrir lokavinnslu á þættinum. Upplagt væri að fara sömu leið og í kynningu á NBA, hefja leikmenn upp til skýja, reyna að gera stjörnur úr þeim. Það hefur sýnt sig að áhugi fólks á NBA liggur fyrst og fremst í leikmönnum og því væri þetta ákjósanleg leið. Fyrir sama þátt væri upplagt að reyna að komast yfir myndefni af Íslendingum sem leika á erlendri grundu. Jón Arnór, Helgi Már Magnússon og Jakob Sigurðarson hafa allir gert góða hluti upp á síðkastið en ekkert af því hefur ratað á skjáinn. Kæmi þetta sterkt inn sem innskot í þáttinn, sérstaklega í ljósi þess að Íslendingar sperra ávallt augun ef landar þeirra eru að láta af sér kveða úti í hinum stóra heimi. Svo set ég stórt spurningarmerki við nauðsyn þess að sýna deildarleiki í NBA í beinni útsendingu. Hér áður var fyrirkomulagið fínt, samantekt úr fyrri hálfleik og svo seinni hálfleikur í heild sinni. Fólk er engan veginn að nenna að horfa á þessi rólegheit sem deildarleikir í NBA eru orðnir. Ef miðað er við deildarleiki á níunda áratugnum og í byrjun þess tíunda má sjá að menn eru farnir að spara sig eins mikið og hægt er. Boðið er upp á 82 leiki á hvert lið yfir tímabilið á aðeins 6 mánuðum og fáir leggja sig fram af sama krafti og þegar í lokaátökin er komið. Hægt væri að sýna toppviðureignir í beinni útsendingu en vera með leiki óbeint sem búið væri að klippa til. EInnig væri upplagt að skipta út nokkrum NBA-leikjum fyrir háskólaboltann í Bandaríkjunum þar sem sjá má unga leikmenn með blóðbragð í munni. Þar á bæ er töluvert meira í húfi heldur en fyrir hinn dæmigerða NBA-leikmann, sem er með stappfulla vasa af seðlum, skósamning fyrir lífstíð o.s.frv. Í háskólaboltanum berjast menn fyrir að ná sem bestum árangri til að vera eins ofarlega og mögulegt er í háskólavalinu. Af þessum sökum er vart hægt að bera saman leiki í háskólaboltanum við NBA - þetta er nánast svart og hvítt. Áhorfendur fengju því körfubolta eins og hann gerist bestur sem gæti orðið til þess að fleiri myndu laðast að skjánum. Að lokum mætti athuga þann möguleika að sleppa úrslitakeppninni í Intersportdeildinni og einfaldlega færa liðinu sem ynni deildina Íslandsmeistaratitilinn. Þannig yrði hver leikur mikilvægari og líklegra að fólk myndi leggja leið sína á völlinn í stað þess að bíða bara heima eftir úrslitakeppninni eins og svo algengt er orðið. Smári Jósepsson -smari@frettabladid.is
Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson Skoðun
Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar
Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar
Skoðun Í minningu Frans páfa - sem tók sér nafn verndardýrlings dýra og náttúru Árni Stefán Árnason skrifar
Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar
Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar
Skoðun Námsfærni nemenda í íslenskum skólum: Eigum við að lækka rána? Sigríður Ólafsdóttir skrifar
Skoðun Snorri byggir skoðun á skólakerfinu á reynslusögum annarra en Guðrún vitnar í ritrýndar heimildir Davíð Routley skrifar
Skoðun Horft til einkunna og annarra þátta við innritun í framhaldsskóla Guðmundur Ingi Kristinsson skrifar
Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson Skoðun