Kobe er framkvæmdastjórinn

Einhver kergja er að myndast innan raða Los Angeles Lakers í NBA-körfuboltanum en liðið tapaði áttunda leik sínum í röð í fyrrinótt er Allen Iverson og félagar í Philadelphia 76ers voru í heimsókn í Staples Center. Lokatölur voru 96-89 Sixers í vil og var Chucky Atkins, leikstjórnandinn, pirraður að leikslokum. "Þið verðið bara að tala við Kobe. Hann er framkvæmdastjóri Lakers. Þetta er liðið hans," sagði Atkins og átti þar við samherja sinn, Kobe Bryant.