Webber hylltur en tapaði samt

Chris Webber hlaut hlýjar móttökur er hann sótti sýna gömlu félaga í Sacramento Kings heim í NBA-körfuboltanum í fyrrinótt. Töluverður glundroði hafði verið í kringum Webber en hann þótti oft bregðast liði sínu á úrslitastundu og var mönnum létt þegar kappanum var skipt yfir til Philadelphia 76ers.   Cuttino Mobley skyggði á endurkomu Webber og sallaði 30 stigum á gestina. Allen Iverson fór fyrir Sixers með 34 stig og gaf að auki 8 stoðsendingar. "Þið verðið að muna að ég og strákarnir í Kings erum enn góðir vinir," sagði Webber eftir leikinn en Sixers tapaði leiknum, 109-118. "Minningarnar frá Sacramento eru í miklu uppáhaldi og mig langar að njóta þess sem ég eitt sinn hafði," bætti Webber við.