Forca Italia 7. apríl 2005 00:01 Tvær af fínustu verslunargötum Parísar eru Avenue Montaigne og rue Faubourg Saint Honoré, þótt auðvitað séu fleiri fín hverfi í borginni. Avenue Montaigne liggur út frá Champs Elysée breiðgötunni, þeirri fallegustu í heimi að sögn Frakka, en Faubourg St. Honoré er eins og framlenging af St Honoré götu þar sem hina frægu verslun Chez Colette er að finna. Fyrir nokkrum árum sáust fyrstu ítölsku tískuhúsin á þessu svæði og nú er svo komið að ítalskar búðir eru út um allt. Dolce og Gabbana hófu ítölsku innrásina við endann á Rivoligötu, rétt við Concordetorg með D og G búð þar sem seld var önnur lína tískuhússins sem ekki er eins dýr. Eins og svo mörg tískuhús býður Dolce og Gabbana upp á tvær línur á mismunandi verði. Sama gerir Prada sem býður upp á aðallínu og svo sportlínu sem er ódýrari og er til dæmis að finna hjá Sævari Karli í Bankastræti. Í kjölfarið kom svo aðallínan á Avenue Montaigne og bráðlega opnar ný Dolce og Gabbana búð á Faubourg St. Honoré, beint á móti nýlegri Pradabúð. Á horninu er risastór Guccibúð. Prada hefur reyndar líka verið að opna fjölda standa eða "búða í búð" (shop in shop) sem er það nýjasta í lúxusgeiranum, flottar verslunarmiðstöðvar þar sem hvert merki hefur sér verslun en ekki bara smá horn á opnu svæði. Prada hefur reyndar viljað opna stóra verslun eingöngu með sportlínunni en bágt efnahagsástand í Evrópu hefur líklega komið í veg fyrir það. Rétt neðan við Prada á Faubourg St. Honoré götu er sömuleiðis nýleg verslun, Bottega Veneta. Þetta merki, sem hefur hingað til nær eingöngu boðið upp á vandaðar handgerðar leðurtöskur og skó og peysur úr kasmírull, hefur nú komið sér fyrir hér í borg á nokkrum stöðum og á tískuvikunni í Mílanó í febrúar kynnti Tomas Maier, hönnuður Bottega Veneta, fyrstu heilu tískulínu sína. Enn einn hönnuður, Helmut Lang, er kominn nánast við hlið Chez Colette. Það tískuhús er í eigu Prada Group en Prada hefur á nokkrum árum keypt nokkur tískuhús, svo sem Jil Sander og skófyrirtækið Church. Það eru því ekki bara franskir kastalar sem komast í hendur Japana heldur líka bestu verslunarstæði tískuborgarinnar í hendur Ítala. Hvort sem samhengi er á milli eða ekki þykja Frakkar of lengi að hugsa en Ítalir stökkva frekar á tækifærin. Reyndar hafa tískufrömuðir fyrir löngu krafist þess að Mílanó taki titilinn af Parísarborg sem háborg tískunnar. Franskir tískukóngar vilja auðvitað ekki heyra á það minnst. Mest lesið Ætlar í blómabað á Balí með manninum sínum Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Umdeilt uppáhald arkitekts við Austurvöll Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Hvað gerði Diddy? Mansal, ofbeldi og samsæriskenningar um Justin Bieber Lífið Lakkrískóngurinn Bülow selur sveitasetrið Lífið „Siðlausi siðfræðingurinn“ hreyfir ekki við Stefáni Einari Lífið Húðrútína ekki síður fyrir karlmenn Lífið Skilnaður Step Up hjóna genginn í gegn Lífið Fleiri fréttir Ógleymanlegt fermingarpils enn í uppáhaldi Kátir tískukarlar hjá Kölska Best klæddu stjörnurnar á Emmy verðlaununum Hægt og rólega að finna stílinn sinn aftur eftir barneignir Mætti á nærfötunum einum klæða Tár, gleði, hátíska og ást hjá Línu og Gumma í New York Tískan við þingsetningu: Hverjir voru í hverju? Halla valdi drapplitað fyrir þingsetninguna Laufey prýðir forsíðu Vogue Óþægilegir skór undantekningalaust slæm hugmynd Rakel María afhjúpar skotheldar leynileiðir í förðun Helen Óttars í herferð Juicy Couture „Banna mér alfarið að hugsa um föt sem karla- og kvennaföt“ Kemur með íslenskan innblástur til hátískuheimsins í París Ríflega þúsund manns skemmtu sér í bílakjallara Elskar að ögra og klæða sig þveröfugt við tilefnið „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Sjá meira
Tvær af fínustu verslunargötum Parísar eru Avenue Montaigne og rue Faubourg Saint Honoré, þótt auðvitað séu fleiri fín hverfi í borginni. Avenue Montaigne liggur út frá Champs Elysée breiðgötunni, þeirri fallegustu í heimi að sögn Frakka, en Faubourg St. Honoré er eins og framlenging af St Honoré götu þar sem hina frægu verslun Chez Colette er að finna. Fyrir nokkrum árum sáust fyrstu ítölsku tískuhúsin á þessu svæði og nú er svo komið að ítalskar búðir eru út um allt. Dolce og Gabbana hófu ítölsku innrásina við endann á Rivoligötu, rétt við Concordetorg með D og G búð þar sem seld var önnur lína tískuhússins sem ekki er eins dýr. Eins og svo mörg tískuhús býður Dolce og Gabbana upp á tvær línur á mismunandi verði. Sama gerir Prada sem býður upp á aðallínu og svo sportlínu sem er ódýrari og er til dæmis að finna hjá Sævari Karli í Bankastræti. Í kjölfarið kom svo aðallínan á Avenue Montaigne og bráðlega opnar ný Dolce og Gabbana búð á Faubourg St. Honoré, beint á móti nýlegri Pradabúð. Á horninu er risastór Guccibúð. Prada hefur reyndar líka verið að opna fjölda standa eða "búða í búð" (shop in shop) sem er það nýjasta í lúxusgeiranum, flottar verslunarmiðstöðvar þar sem hvert merki hefur sér verslun en ekki bara smá horn á opnu svæði. Prada hefur reyndar viljað opna stóra verslun eingöngu með sportlínunni en bágt efnahagsástand í Evrópu hefur líklega komið í veg fyrir það. Rétt neðan við Prada á Faubourg St. Honoré götu er sömuleiðis nýleg verslun, Bottega Veneta. Þetta merki, sem hefur hingað til nær eingöngu boðið upp á vandaðar handgerðar leðurtöskur og skó og peysur úr kasmírull, hefur nú komið sér fyrir hér í borg á nokkrum stöðum og á tískuvikunni í Mílanó í febrúar kynnti Tomas Maier, hönnuður Bottega Veneta, fyrstu heilu tískulínu sína. Enn einn hönnuður, Helmut Lang, er kominn nánast við hlið Chez Colette. Það tískuhús er í eigu Prada Group en Prada hefur á nokkrum árum keypt nokkur tískuhús, svo sem Jil Sander og skófyrirtækið Church. Það eru því ekki bara franskir kastalar sem komast í hendur Japana heldur líka bestu verslunarstæði tískuborgarinnar í hendur Ítala. Hvort sem samhengi er á milli eða ekki þykja Frakkar of lengi að hugsa en Ítalir stökkva frekar á tækifærin. Reyndar hafa tískufrömuðir fyrir löngu krafist þess að Mílanó taki titilinn af Parísarborg sem háborg tískunnar. Franskir tískukóngar vilja auðvitað ekki heyra á það minnst.
Mest lesið Ætlar í blómabað á Balí með manninum sínum Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Umdeilt uppáhald arkitekts við Austurvöll Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Hvað gerði Diddy? Mansal, ofbeldi og samsæriskenningar um Justin Bieber Lífið Lakkrískóngurinn Bülow selur sveitasetrið Lífið „Siðlausi siðfræðingurinn“ hreyfir ekki við Stefáni Einari Lífið Húðrútína ekki síður fyrir karlmenn Lífið Skilnaður Step Up hjóna genginn í gegn Lífið Fleiri fréttir Ógleymanlegt fermingarpils enn í uppáhaldi Kátir tískukarlar hjá Kölska Best klæddu stjörnurnar á Emmy verðlaununum Hægt og rólega að finna stílinn sinn aftur eftir barneignir Mætti á nærfötunum einum klæða Tár, gleði, hátíska og ást hjá Línu og Gumma í New York Tískan við þingsetningu: Hverjir voru í hverju? Halla valdi drapplitað fyrir þingsetninguna Laufey prýðir forsíðu Vogue Óþægilegir skór undantekningalaust slæm hugmynd Rakel María afhjúpar skotheldar leynileiðir í förðun Helen Óttars í herferð Juicy Couture „Banna mér alfarið að hugsa um föt sem karla- og kvennaföt“ Kemur með íslenskan innblástur til hátískuheimsins í París Ríflega þúsund manns skemmtu sér í bílakjallara Elskar að ögra og klæða sig þveröfugt við tilefnið „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Sjá meira