Sigur og tap í sömu andrá 6. maí 2005 00:01 Sigur og tap í sömu andrá. Þannig lýsa fréttaskýrendur niðurstöðu þingkosninganna í Bretlandi í gær. Kosningarnar fóru svolítið öðruvísi en búist var við í ljósi kannana. Verkamannaflokkurinn stendur uppi sem sigurvegari, eins og kannanir bentu til, en fékk mikið minna fylgi en þær gáfu til kynna og tapar því fylgi. Tölurnar litu þannig út þegar talið hafði verið í 632 kjördæmum af 646: Íhaldsflokkurinn fékk 197 þingsæti, sem er 33 sætum meira en 2001. Verkamannaflokkurinn er með mikinn meirihluta, fær 355 þingsæti en tapar 47 sætum. Frjálslyndir demókratar fengu 62 sæti og bæta við sig 11. Aðrir fengu 13 sæti. Þetta er því bæði sigur og ósigur og það eiginlega fyrir alla stóru flokkana þrjá. Tony Blair vann í ljósi niðurstöðunnar varnarsigur en stendur engu að síður illa að vígi. Michael Howard náði ekki tilætluðum árangri og tilkynnti afsögn sína í dag og meira að segja Frjálslyndir, sem juku töluvert fylgi sitt, skipta að líkindum út Charles Kennedy áður en langt um líður. Það er því búist við að skipt verði um formenn í öllum stóru flokkunum fyrir næstu kosningar. Niðurstaða kosninganna kom engum á óvart. Það vissu allir að Blair myndi birtast í dyrum Downingstrætis 10 í morgun og fagna sigri. Þetta var hins vegar tvíbentur sigur og Blair var því auðmjúkur í orðavali: Hann sagði að það besta við kosningar væri að maður færi út og talaði við fólk vikum saman. „Og ég hef hlustað og ég hef lært,“ sagði forsætisráðherrann. Að því sögðu brunaði Blair í burtu frá Downingstræti áleiðis til drottningar til að fá umboð til að mynda nýja ríkisstjórn, þriðju ríkisstjórn Verkamannaflokksins í röð. Stóra spurningin er hins vegar hversu lengi mun Blair eiga heima í Downingstræti? Þingsætameirihluti Verkamannaflokksins er mun minni en gert hafði verið ráð fyrir og það flýtir fyrir pólitískum endalokum Blairs. Sumir segja að hann muni segja af sér jafnvel í árslok, aðrir að Gordon Brown fjármálaráðherra verði búinn að taka við í síðasta lagi eftir tvö ár. Adam Boulton, fréttamaður Sky-fréttastofunnar, segir líta út fyrir að þeir hafi gert samkomulag sín á milli um að Blair haldi áfram í einhvern tíma, að hluta til vegna þess að Brown vilji bæta stöðu sína gagnvart kjósendum og Verkamannaflokknum. Enginn veit í raun hvernig leiðtogi Brown mun verða en hann er að minnsta kosti mun vinsælli en Blair. Paul Kelly, prófessor í stjórnmálafræði við London School of Economics, segir þá reyndar mjög líka. Mikið hafi verið talað um að Brown sé miklu meira til vinstri og Blair til hægri en hann segir að munurinn sé alls ekki mikill. Einn af þeim sem sér ekki mikið á eftir Blair er Sir Geoffrey Howe, fyrrverandi ráðherra í ríkisstjórn Thatchers, mikill Evrópusinni og einhver mesti þungavigtarmaður innan Íhaldsflokksins síðustu áratugi. Hann segir að þegar Blair hafi fyrst verið kosinn árið 1997 hafi hann sagst hafa óttast það alla ævi að forystumenn Verkamannaflokksins meintu það sem þeir segðu. „En núna, með Blair við stjórnvölinn, óttaðist ég að hann meinti ekki það sem hann segði. Þessi ótti minn hefur ræst,“ segir Howe. Hann segir Blair hafa lofað að endurskapa samband Bretlands og Evrópu en ekki gert það. „Hann hefur valdið mér vonbrigðum. Ég hélt að hann væri verðugur arftaki alls þess sem ég gerði í ríkisstjórn Thatchers til að breyta stefnu Breta,“ segir Howe. En það eru líka sviptingar hjá Íhaldsflokki Howe. Michael Howard, leiðtogi flokksins, sagði óvænt af sér embætti strax í morgun. Staða hans var veik því flokkurinn náði ekki yfir 200 þingsæta markið. Íhaldsflokkurinn er því enn á ný komin í forystukreppu og leitar að fjórða leiðtoga sínum á jafn mörgum árum. Reyndar er Charles Kennedy heldur ekki talinn sterkur framtíðarleiðtogi hjá Frjálslyndum þó hann hafi ná ágætis árangri núna. Því er líklegt er að allir þrír flokkarnir mæti til leiks í næstu kosningum með nýja leiðtoga við stjórnvölinn. Erlent Fréttir Stj.mál Mest lesið „Óþekku börnin frá Grindavík“ vakti úlfúð Innlent Leiðtogi Hezbollah allur Erlent Drakk beint úr könnunni og svelgdist á Erlent Þyrlan kölluð út vegna fjórhjólaslyss Innlent Brotthvarf Katrínar hafði mikil áhrif Innlent „Ég hitti ungt fjölskyldufólk sem er gjörsamlega að kikna“ Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Neyddist til að aflífa 125 krókódíla í útrýmingarhættu Erlent Verkfall á hjúkrunarheimilum ef lausn næst ekki á mánudag Innlent „Verðmæti fólgin í því að halda Reykjanesbraut opinni“ Innlent Fleiri fréttir Segir Ísrael í fullum rétti á að verja sig frá Hezbollah Minnst 66 látnir eftir flóð í Nepal Kallar eftir stuðningi allra múslima við Hezbollah Neyddist til að aflífa 125 krókódíla í útrýmingarhættu Öllum flugferðum til Beirút aflýst Drakk beint úr könnunni og svelgdist á Leiðtogi Hezbollah allur Loftárásir á meint vopnabúr Hezbollah í Beirút Orbán ber til baka ummæli ráðgjafa um uppgjöf fyrir Rússum Tugir látnir í fjórum ríkjum af völdum Helenar Borgarstjóri New York lýsir yfir sakleysi sínu Netanjahú sagðist mættur til að svara „lygum“ annarra þjóða Gerðu umfangsmikla atlögu að leiðtoga Hezbollah Selenskí fundaði með Trump Sjö hundruð liggja í valnum eftir vikuna Nýjasti kafbátur Kínverja sökk við bryggju Einn stærsti fellibylur síðustu hundrað ára veldur usla í Flórída Vísbending um að jörðin gæti lifað áfram sem niflheimur Ishiba verður næsti forsætisráðherra Japans Ítalía tekur aftur upp agaviðurlög frá tíma Mussolini Netanyahu hafnar tillögum um vopnahlé milli Ísrael og Hezbollah Vísar á bug tillögum um frið í skiptum fyrir úkraínskt land Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Alríkisákærur gefnar út á hendur borgarstjóra New York Sjá meira
Sigur og tap í sömu andrá. Þannig lýsa fréttaskýrendur niðurstöðu þingkosninganna í Bretlandi í gær. Kosningarnar fóru svolítið öðruvísi en búist var við í ljósi kannana. Verkamannaflokkurinn stendur uppi sem sigurvegari, eins og kannanir bentu til, en fékk mikið minna fylgi en þær gáfu til kynna og tapar því fylgi. Tölurnar litu þannig út þegar talið hafði verið í 632 kjördæmum af 646: Íhaldsflokkurinn fékk 197 þingsæti, sem er 33 sætum meira en 2001. Verkamannaflokkurinn er með mikinn meirihluta, fær 355 þingsæti en tapar 47 sætum. Frjálslyndir demókratar fengu 62 sæti og bæta við sig 11. Aðrir fengu 13 sæti. Þetta er því bæði sigur og ósigur og það eiginlega fyrir alla stóru flokkana þrjá. Tony Blair vann í ljósi niðurstöðunnar varnarsigur en stendur engu að síður illa að vígi. Michael Howard náði ekki tilætluðum árangri og tilkynnti afsögn sína í dag og meira að segja Frjálslyndir, sem juku töluvert fylgi sitt, skipta að líkindum út Charles Kennedy áður en langt um líður. Það er því búist við að skipt verði um formenn í öllum stóru flokkunum fyrir næstu kosningar. Niðurstaða kosninganna kom engum á óvart. Það vissu allir að Blair myndi birtast í dyrum Downingstrætis 10 í morgun og fagna sigri. Þetta var hins vegar tvíbentur sigur og Blair var því auðmjúkur í orðavali: Hann sagði að það besta við kosningar væri að maður færi út og talaði við fólk vikum saman. „Og ég hef hlustað og ég hef lært,“ sagði forsætisráðherrann. Að því sögðu brunaði Blair í burtu frá Downingstræti áleiðis til drottningar til að fá umboð til að mynda nýja ríkisstjórn, þriðju ríkisstjórn Verkamannaflokksins í röð. Stóra spurningin er hins vegar hversu lengi mun Blair eiga heima í Downingstræti? Þingsætameirihluti Verkamannaflokksins er mun minni en gert hafði verið ráð fyrir og það flýtir fyrir pólitískum endalokum Blairs. Sumir segja að hann muni segja af sér jafnvel í árslok, aðrir að Gordon Brown fjármálaráðherra verði búinn að taka við í síðasta lagi eftir tvö ár. Adam Boulton, fréttamaður Sky-fréttastofunnar, segir líta út fyrir að þeir hafi gert samkomulag sín á milli um að Blair haldi áfram í einhvern tíma, að hluta til vegna þess að Brown vilji bæta stöðu sína gagnvart kjósendum og Verkamannaflokknum. Enginn veit í raun hvernig leiðtogi Brown mun verða en hann er að minnsta kosti mun vinsælli en Blair. Paul Kelly, prófessor í stjórnmálafræði við London School of Economics, segir þá reyndar mjög líka. Mikið hafi verið talað um að Brown sé miklu meira til vinstri og Blair til hægri en hann segir að munurinn sé alls ekki mikill. Einn af þeim sem sér ekki mikið á eftir Blair er Sir Geoffrey Howe, fyrrverandi ráðherra í ríkisstjórn Thatchers, mikill Evrópusinni og einhver mesti þungavigtarmaður innan Íhaldsflokksins síðustu áratugi. Hann segir að þegar Blair hafi fyrst verið kosinn árið 1997 hafi hann sagst hafa óttast það alla ævi að forystumenn Verkamannaflokksins meintu það sem þeir segðu. „En núna, með Blair við stjórnvölinn, óttaðist ég að hann meinti ekki það sem hann segði. Þessi ótti minn hefur ræst,“ segir Howe. Hann segir Blair hafa lofað að endurskapa samband Bretlands og Evrópu en ekki gert það. „Hann hefur valdið mér vonbrigðum. Ég hélt að hann væri verðugur arftaki alls þess sem ég gerði í ríkisstjórn Thatchers til að breyta stefnu Breta,“ segir Howe. En það eru líka sviptingar hjá Íhaldsflokki Howe. Michael Howard, leiðtogi flokksins, sagði óvænt af sér embætti strax í morgun. Staða hans var veik því flokkurinn náði ekki yfir 200 þingsæta markið. Íhaldsflokkurinn er því enn á ný komin í forystukreppu og leitar að fjórða leiðtoga sínum á jafn mörgum árum. Reyndar er Charles Kennedy heldur ekki talinn sterkur framtíðarleiðtogi hjá Frjálslyndum þó hann hafi ná ágætis árangri núna. Því er líklegt er að allir þrír flokkarnir mæti til leiks í næstu kosningum með nýja leiðtoga við stjórnvölinn.
Erlent Fréttir Stj.mál Mest lesið „Óþekku börnin frá Grindavík“ vakti úlfúð Innlent Leiðtogi Hezbollah allur Erlent Drakk beint úr könnunni og svelgdist á Erlent Þyrlan kölluð út vegna fjórhjólaslyss Innlent Brotthvarf Katrínar hafði mikil áhrif Innlent „Ég hitti ungt fjölskyldufólk sem er gjörsamlega að kikna“ Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Neyddist til að aflífa 125 krókódíla í útrýmingarhættu Erlent Verkfall á hjúkrunarheimilum ef lausn næst ekki á mánudag Innlent „Verðmæti fólgin í því að halda Reykjanesbraut opinni“ Innlent Fleiri fréttir Segir Ísrael í fullum rétti á að verja sig frá Hezbollah Minnst 66 látnir eftir flóð í Nepal Kallar eftir stuðningi allra múslima við Hezbollah Neyddist til að aflífa 125 krókódíla í útrýmingarhættu Öllum flugferðum til Beirút aflýst Drakk beint úr könnunni og svelgdist á Leiðtogi Hezbollah allur Loftárásir á meint vopnabúr Hezbollah í Beirút Orbán ber til baka ummæli ráðgjafa um uppgjöf fyrir Rússum Tugir látnir í fjórum ríkjum af völdum Helenar Borgarstjóri New York lýsir yfir sakleysi sínu Netanjahú sagðist mættur til að svara „lygum“ annarra þjóða Gerðu umfangsmikla atlögu að leiðtoga Hezbollah Selenskí fundaði með Trump Sjö hundruð liggja í valnum eftir vikuna Nýjasti kafbátur Kínverja sökk við bryggju Einn stærsti fellibylur síðustu hundrað ára veldur usla í Flórída Vísbending um að jörðin gæti lifað áfram sem niflheimur Ishiba verður næsti forsætisráðherra Japans Ítalía tekur aftur upp agaviðurlög frá tíma Mussolini Netanyahu hafnar tillögum um vopnahlé milli Ísrael og Hezbollah Vísar á bug tillögum um frið í skiptum fyrir úkraínskt land Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Alríkisákærur gefnar út á hendur borgarstjóra New York Sjá meira