Amnesty fagnar

"Íslandsdeild Amnesty International fagnar undirskrift Íslands á nýjum samningi gegn mansali." Svo segir í fréttatilkynningu frá ÍAI. Davíð Oddsson skrifaði nýverið undir samning Evrópuráðsins fyrir hönd Íslands þar sem lögð er áhersla á að mansal sé brot á mannréttindum og árás á mannlega reisn. Ríki sem gerast aðilar að samningnum skulu gera ráðstafanir til að koma í veg fyrir mansal, sækja þá til saka sem stunda mansal og virða réttindi fórnarlamba mansals.