Owen með þrennu fyrir England

Michael Owen skoraði þrennu fyrir enska landsliðið sem lagði Kólumbíu í vináttulandsleik í New Jersey í kvöld, 2-3 en Englendingar eru á ferðalagi um Ameríku þess dagana. Mario Yepes (45) og A Ramirez (78) minnkuðu muninn fyrir heimamenn sem lentu 0-3 undir en mörk Owen komu á 26., 42. og 58 mínútum. Peter Crouch var í byrjunaliði Englendinga í kvöld og lagði upp fyrsta mark Owen. Þá var David Beckham einnig í byrjunaliðinu. Enska liðið lék á eftirfarandi mönnum: James (Green 46), Glen Johnson, Neville, Knight, Ashley Cole, Beckham (Richardson 73), Jenas, Carrick, Joe Cole (Young 86), Crouch (Defoe 72), Owen (Smith 73). Þá unnu Frakkar sigur á Ungverjum, 2-1 í Frakklandi en Ungverjar mæta Íslendingum á Laugardalsvelli á laugardaginn í undankeppni HM.