Króatar og Svíar unnu sína leiki

Króatar unnu útisigur á Búlgörum, 1-3, í undankeppni HM í knattspyrnu í dag en liðin leika í 8. riðli ásamt Íslandi. Þá unnu Svíar laufléttan heimasigur á Möltu, 6-0 á Nya Ullevi leikvanginum í Gautaborg. Króatar tróna á toppi riðilsins með 16 stig og Svíar fylgja fast á eftir með 15 stig. Ísland mætir Ungverjum á Laugardalsvelli nú kl. 18.05 í þriðja leik riðilsins í dag. Markaskorar Króata í dag voru: Marko Babic (18) Igor Tudor (58) Niko Kranjcar (80) Martin Petrov minnkaði muninn fyrir Búlgara í 1-2 á 72. mínútu. Markaskorarar Svía í dag voru: Mattias Jonson (6) Anders Svensson (18) Christian Wilhelmsson (30) Zlatan Ibrahimovic (40) Fredrik Ljungberg (57) Johan Elmander (81)