Blikar áfram á toppnum

Breiðablik er á toppnum í 1. deild karla í knattspyrnu eftir 3-0 sigur á Víkingi Ólafsvík á Kópavogsvelli í gær. Olgeir Sigurðsson, Ellert Hreinsson og Ragnar Gunnarsson skoruðu mörk Breiðabliks. Víkingur sigraði HK með einu marki geng engu í Víkinni. Elmar Dan Sigþórsson tryggði Víkingum sigur þegar stundarfjórðungur var til leiksloka. Breiðablik er á toppnum í deildinni með fullt hú stiga, eða 15 stig, en Víkingur er í öðru sæti með 11 stig, Haukar í því þriðja með 7 og KA með 6 stig í fjórða sæti. Einn leikur er á dagskrá í 1. deildinni í kvöld en þá tekur KA á móti KS á Akureyri og hefst leikurinn klukkan 20.