Þjóðverjar í undanúrslitin

Þjóðverjar tryggðu sér áðan sæti í undanúrslitum álfukeppninnar í knattspyrnu þegar þeir lögðu Afríkumeistara Túnis 3-0 í A-riðli. Öll mörkin komu á síðustu 16 mínútum leiksins frá þeim Michael Ballack, Sebastien Schweinsteiger og Mike Hanke. Argentínumenn geta fylgt Þjóðverjum upp úr riðlinum sigri þeir Ástralíu í kvöld. Þjóðverjar eru með 6 stig og Argentína 3 en Ástralía og Túnis eru án stiga. Í B-riðli eru Brasilía og Mexíkó jöfn með 3 stig eftir einn leik en liðin mætast innbyrðis á morgun sunnudag. Í hinum leiknum mætast stigalausu liðin Grikkland og Japan.