Sjötta mark Veigars fyrir Stabæk

Veigar Páll Gunnarsson skoraði sjötta mark sitt í norsku 1. deildinni þegar lið hans Stabæk sigraði Mandalskamaratene 2-1. Veigar Páll jafnaði metin 6 mínútum fyrir leikslok en sigurmarkið kom tveimur mínútum síðar. Stabæk, sem tapaði 150 milljónir króna í fyrra, er ásamt Bryne með 30 stig en liðin eru í tveimur efstu sætum deildarinnar. Sænski framherjinn hjá Stabæk, Daniel Nannskog, er markakóngur deildarinnar, en hann hefur skorað 13 mörk, fjórum mörkum meira en sá næstmarkahæsti. Veigar Páll Gunnarsson er í fimmta sæti markaskorara deildarinnar með 6 mörk.