Reykjavíkurvegur lokaður

Búast má við umferðartöfum á Reykjavíkurvegi í Hafnarfirði næsta mánuðinn en þar verður frá og með deginum í dag unnið að gerð nýs hringtorgs við Arnarhraun. Að sögn lögreglu í Hafnarfirði verður umferð beint um hjáleið um Hjallabraut, Hraunbrún og Flatahraun, meðan á framkvæmdum stendur. Lögregla biður ökumenn að sýna þolinmæði meðan á þessum framkvæmdum stendur og hvetur fólk til að leggja tímanlega af stað, eigi það erindi í eða úr miðbæ Hafnarfjarðar.