Á 144 km/h með nýtt skírteini

Ungur ökumaður með dagsgamalt bráðabirgðaökuskírteini var stöðvaður á 144 kílómetra hraða á Suðurlandsvegi, rétt austan Þjórsár í gær. Að sögn lögreglu á Hvolsvelli fékk hann rækilegt tiltal og ólíklegt að hann haldi skírteininu lengi haldi hann uppteknum hætti. Lögregla sagði nokkuð hafa verið um hraðakstur í umdæminu, en í gær voru alls níu ökumenn gripnir á of mikilli ferð. Sá sem hraðast fór var á 146 kílómetra hraða á Suðurlandsvegi á Rangárvöllum.