Liverpool komið í 2-0

Evrópumeistarar Liverpool byrja titilvörnina með tilþrifum í fyrsta leik riðlakeppninnar, en þeir hafa náð tveggja marka forystu eftir aðeins fimmtán mínútna leik gegn Betis á Spáni. Það voru þeir Florent Sinama Pongolle og Luis García sem skoruðu mörk Liverpool. Þá hefur Frank Lampard náð forystu fyrir Chelsea gegn Anderlecht frá Belgíu á Stamford Bridge. Við minnum á að hægt er að fylgjast vel með gangi mála í Meistaradeildinni á Boltavaktinni hér á Vísi.is.