Fulham nældi í Christanval
Fulham, lið Heiðars Helgusonar í ensku úrvalsdeildinni, gerði í gærkvöld fjögurra ára samning við franska varnarmanninn Philippe Christianval, sem er 27 ára og lék áður með Monaco, Barcelona og Marseille. Christianval var samningslaus og getur því gengið beint í raðir Lundúnaliðsins, þrátt fyrir að félagaskiptaglugganum hafi verið lokað um daginn. Leikmaðurinn var til reynslu hjá Arsenal um tíma, en félagið sá ekki ástæðu til að bjóða honum samning. Christianval á að baki sex landsleiki fyrir Frakka, en hefur verið einstaklega óheppinn með meiðsli á ferlinum.
