Ók á öryggisbita og losaði

Tveir flutningabílar með gröfur á pallinum óku upp í öryggisslá við sunnanverð Hvalfjarðargöngin um hádegisbilið á mánudag.

Annar bílanna, sem seinna kom, ók á þvílíku afli á öryggisbitann þannig að hann losnaði en datt ekki. Öryggisbitinn er tuttugu sentimetrar að þykkt og úr gegnheilu járni.

Fyrri bíllinn slapp naumlega í gegn og munaði þar millimetrum að sögn lögreglu. Síðari bíllinn var stoppaður inni í göngunum, þar sem honum var gert að lækka arm gröfunnar sem hann ferjaði.