Ég verð alltaf Íslendingur 24. nóvember 2006 05:15 Ræða Magnúsar Þórs sem hann hélt á dögunum á Alþingi er örþrifaráð Frjálslyndaflokksins til þess að þurrkast ekki út í næstu kosningum. Hún er illa ígrunduð og væri í raun hlægileg ef ekki væri fyrir undirtón rasisma og þjóðernisöfga og í kjölfarið aukið fylgi flokksins. Frjálslyndiflokkurinn með náfrænda minn, Guðjón A. Kristjánsson, í broddi fylkingar ætlar að fara sömu leið og Norski framfaraflokkurinn og Danski þjóðarflokkurinn sem byggir m.a. á þeirri hugmynd að sá einn er Dani sem kominn er af danskri jörð og því lengra aftur sem menn geta rakið ættir sínar þar á bæ, því danskara er blóðið sem rennur í æðum þeirra. Forystumenn flokka leita allra leiða til þess að auka fylgi sitt og horfa því eðlilega til nágrannalandanna. Í Danmörku og Noregi hafa þessir tveir harðlínu þjóðernisflokkar náð völdum og ég spái því að þetta sé aðeins byrjunin hjá Frjálslyndaflokknum, án þess glata þeir þeim stuðningi sem þeir hafa náð og hætta aftur að vera til. Í ræðu Magnúsar eru mörg upphrópunarmerki og enn fleiri spurningar m.a. hvort við séum í stakk búin til að taka á móti þessu fólki. Þetta yrðu ekki aðeins fátækir karlmenn og konur að leita sér að vinnu, sennilega vilja þau fá ættingja sína hingað líka, það væri bara mannlegt, skrifar Magnús. Ég efast stórlega um að þegar Magnús bjó í Noregi, meira og minna í fimmtán ár til þess að vinna og afla sér menntunar, hafi hann verið að nauða í sínum nánustu að gerast Norðmenn og mér er óskiljanlegt afhverju hann vill meina öðru fólki að afla sér menntunar eða tekna hér á landi. Við erum í EES, við erum hluti af fjölþjóða-og fjölmenningarsamfélaginu og okkur ber siðferðisleg skylda til þess að bjóða þetta fólk velkomið til Íslands. Útlendingar sem gerast Íslendingar skapa störf, þeir kaupa í matinn, stækka hverfin, það þarf að byggja húsnæði og verslanir, þeir þurfa að klæða sig og fæða.Ég er ekki rasistiMagnús Þór Hafsteinsson hefur oft tekið fram að hann sé ekki rasisti. Þessi fyrirvari er að verða svolítið grunsamlegur. Hann gerði það strax í ræðu sinni á Alþingi og það oftar en einu sinni. Hann hefur einnig gert það við fleiri tækifæri, á heimasíðu sinni og í viðtölum við hina ýmsu fjölmiðla og hefur tekið það fram hvað eftir annað í eltingarleik sínum við þá sem fjalla um ræðu hans á netinu. Gott við umræðunaKostirnir við umræðuna eru þeir að ríkistjórnin hefur ákveðið að leggja hærri fjárhæðir til þess að mennta fólk sem hér vill búa og vonandi verður hún til þess að breyta viðhorfi okkar gagnvart þeim sem hingað flytjast búferlum.Það ber að varast flokka eins og Frjálslyndaflokkinn. Magnús Þór og Jón Magnússon, formaður Frjáls afls, hafa kvartað sáran undan hvernig umræðan hefur þróast. En ef þú hrópar úlfur úlfur, óígrundaðar skoðanir þínar er alveg eins víst að einhver hrópi til baka til að kveða þig í kútinn, kalli þig hreinlega bjána eða í sumum tilfellum taki í lurginn á þér. Það var hlegið að fyrstu tilraun Hitlers til þess að ná völdum ásamt elliærum hershöfðingja. Síðar var Nazistaflokkurinn kosinn lýðræðislega til valda og restina af sögunni þekkja flestir. Viðvörunabjöllunum hringir víða í okkar vestræna heimi, sem betur fer erum við upplýstari og höfum vonandi lært af sögunni. Við verðum að standa vörð um mannréttindi og sýna mönnum eins og Magnúsi og Jóni að við tökum ekki mark á svona bulli, þó þeir reyni á seinni stigum málsins að breyta úlfinum í umhyggju fyrir okkur og þeim.Að lokumJón Magnússon, formaður Frjáls afls og meðlimur í Frjálslyndaflokknum, skrifaði ansi þjóðernissinnaða grein í blaðið fyrir nokkru síðan, sem inniheldur aðallega hræðslu höfundar við fólk sem er af erlendu bergi brotið. Ég tel að það væri hið besta mál fyrir íslensku þjóðina að blandast, við getum t.a.m. þakkað það frönskum sjómönnum að Austfirðir og Strandir urðu ekki úrkynjaðar.Á heimasíðu Jóns Magnússonar má lesa um þjóðskáldið Stein Steinarr og þátttöku hans í kommúnista-flokki Íslands. Jón hefði átt að segja frá veru Steins á Siglufirði. Til að gera langa sögu stutta, þá var Steinn dæmdur í fjögurra mánaða fangelsi fyrir að skera niður Nazistafána sem Sophus Blöndal, vararæðismaður Þýskalands, hafði hengt upp í garðinum sínum. Hann reif hann í sundur, fleygði honum í forarpoll og traðkaði á honum. Ég skora því á alla þegna landsins að rífa niður alla þá fána sem Frjálslyndiflokkurinn heldur á lofti, fleygja þeim í forarpoll og traðka rækilega á honum.Höfundur er rithöfundur Viltu birta grein á Vísi? Sendu okkur póst. Senda grein Skoðanir Skoðun Mest lesið Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun 10 staðreyndir um verðbólgu og ríkisfjármál Konráð S. Guðjónsson Skoðun Þjóðarmorð með vestrænum vopnum Ingólfur Steinsson Skoðun Skerðingar eru eðlilegur hluti af rekstri raforkukerfisins Magnús Sigurðsson Skoðun Er eitt næturgaman þess virði? Reynir Böðvarsson Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Viltu vinna of mikið í ár og ennþá meira á næsta ári? Steinunn Þórðardóttir Skoðun Skoðun Skoðun Þjóðarmorð með vestrænum vopnum Ingólfur Steinsson skrifar Skoðun Hverjir eru alvöru feður og hverjir ekki? skrifar Skoðun Nei þetta getur aldrei gerst á okkar litla Íslandi! Davíð Bergmann skrifar Skoðun Er allt í góðu? Reynir Böðvarsson skrifar Skoðun Kirkjugarðar, minningarreitir og eða grafreitir Bryndís Haraldsdóttir skrifar Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir skrifar Skoðun Innviðir og orkuskipti Sigurður Ingi Friðleifsson skrifar Skoðun Veðjað á rétta skólann Pawel Bartoszek skrifar Skoðun Er eitt næturgaman þess virði? Reynir Böðvarsson skrifar Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir skrifar Skoðun 10 staðreyndir um verðbólgu og ríkisfjármál Konráð S. Guðjónsson skrifar Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson skrifar Skoðun Krossinn er fallegur skrifar Skoðun Þetta reddast eða hvað? Marinó G. Njálsson skrifar Skoðun Að gráta í rigningunni - og dansa Jón Þór Ólafsson skrifar Skoðun „Smækkunar“gler Viðskiptaráðs Erna Bjarnadóttir skrifar Skoðun Ekki henda! Eyjólfur Pálsson skrifar Skoðun Break á ólympíuleikunum og önnur gildi í dansi Brynja Pétursdóttir skrifar Skoðun Frigg nemendagrunnur – bylting í íslensku skólastarfi Þórdís Jóna Sigurðardóttir skrifar Skoðun Opið bréf til stjórnarformanns Haga Björn Sævar Einarsson skrifar Skoðun Alvarlegar afleiðingar kynferðislegrar áreitni á vinnustöðum Dagný Aradóttir Pind skrifar Skoðun Er Helguvík ein af stærstu ruslakistum Íslands? Margrét S. Þórólfsdóttir,Ragnhildur L. Guðmundsdóttir,Þórólfur J. Dagsson skrifar Skoðun Manstu þegar Messenger var ekki til? Aldís Stefánsdóttir skrifar Skoðun „Flestum í Noregi er illa við EES“ Hjörtur J. Guðmundsson skrifar Skoðun Óheillaþróun á íslenskum vinnumarkaði Gunnar Sigvaldason,Árni B. Björnsson skrifar Skoðun Að virkja upp í loft Snæbjörn Guðmundsson skrifar Skoðun Sjálfstæðisflokkurinn, the party of hungry children Ian McDonald skrifar Skoðun Talsmenn tolla gefa engan afslátt Ragnar Sigurður Kristjánsson skrifar Skoðun Samstaða kennara skiptir máli Rakel Linda Kristjánsdóttir skrifar Skoðun Hvað er fram undan í íslenskum stjórnmálum? Reynir Böðvarsson skrifar Sjá meira
Ræða Magnúsar Þórs sem hann hélt á dögunum á Alþingi er örþrifaráð Frjálslyndaflokksins til þess að þurrkast ekki út í næstu kosningum. Hún er illa ígrunduð og væri í raun hlægileg ef ekki væri fyrir undirtón rasisma og þjóðernisöfga og í kjölfarið aukið fylgi flokksins. Frjálslyndiflokkurinn með náfrænda minn, Guðjón A. Kristjánsson, í broddi fylkingar ætlar að fara sömu leið og Norski framfaraflokkurinn og Danski þjóðarflokkurinn sem byggir m.a. á þeirri hugmynd að sá einn er Dani sem kominn er af danskri jörð og því lengra aftur sem menn geta rakið ættir sínar þar á bæ, því danskara er blóðið sem rennur í æðum þeirra. Forystumenn flokka leita allra leiða til þess að auka fylgi sitt og horfa því eðlilega til nágrannalandanna. Í Danmörku og Noregi hafa þessir tveir harðlínu þjóðernisflokkar náð völdum og ég spái því að þetta sé aðeins byrjunin hjá Frjálslyndaflokknum, án þess glata þeir þeim stuðningi sem þeir hafa náð og hætta aftur að vera til. Í ræðu Magnúsar eru mörg upphrópunarmerki og enn fleiri spurningar m.a. hvort við séum í stakk búin til að taka á móti þessu fólki. Þetta yrðu ekki aðeins fátækir karlmenn og konur að leita sér að vinnu, sennilega vilja þau fá ættingja sína hingað líka, það væri bara mannlegt, skrifar Magnús. Ég efast stórlega um að þegar Magnús bjó í Noregi, meira og minna í fimmtán ár til þess að vinna og afla sér menntunar, hafi hann verið að nauða í sínum nánustu að gerast Norðmenn og mér er óskiljanlegt afhverju hann vill meina öðru fólki að afla sér menntunar eða tekna hér á landi. Við erum í EES, við erum hluti af fjölþjóða-og fjölmenningarsamfélaginu og okkur ber siðferðisleg skylda til þess að bjóða þetta fólk velkomið til Íslands. Útlendingar sem gerast Íslendingar skapa störf, þeir kaupa í matinn, stækka hverfin, það þarf að byggja húsnæði og verslanir, þeir þurfa að klæða sig og fæða.Ég er ekki rasistiMagnús Þór Hafsteinsson hefur oft tekið fram að hann sé ekki rasisti. Þessi fyrirvari er að verða svolítið grunsamlegur. Hann gerði það strax í ræðu sinni á Alþingi og það oftar en einu sinni. Hann hefur einnig gert það við fleiri tækifæri, á heimasíðu sinni og í viðtölum við hina ýmsu fjölmiðla og hefur tekið það fram hvað eftir annað í eltingarleik sínum við þá sem fjalla um ræðu hans á netinu. Gott við umræðunaKostirnir við umræðuna eru þeir að ríkistjórnin hefur ákveðið að leggja hærri fjárhæðir til þess að mennta fólk sem hér vill búa og vonandi verður hún til þess að breyta viðhorfi okkar gagnvart þeim sem hingað flytjast búferlum.Það ber að varast flokka eins og Frjálslyndaflokkinn. Magnús Þór og Jón Magnússon, formaður Frjáls afls, hafa kvartað sáran undan hvernig umræðan hefur þróast. En ef þú hrópar úlfur úlfur, óígrundaðar skoðanir þínar er alveg eins víst að einhver hrópi til baka til að kveða þig í kútinn, kalli þig hreinlega bjána eða í sumum tilfellum taki í lurginn á þér. Það var hlegið að fyrstu tilraun Hitlers til þess að ná völdum ásamt elliærum hershöfðingja. Síðar var Nazistaflokkurinn kosinn lýðræðislega til valda og restina af sögunni þekkja flestir. Viðvörunabjöllunum hringir víða í okkar vestræna heimi, sem betur fer erum við upplýstari og höfum vonandi lært af sögunni. Við verðum að standa vörð um mannréttindi og sýna mönnum eins og Magnúsi og Jóni að við tökum ekki mark á svona bulli, þó þeir reyni á seinni stigum málsins að breyta úlfinum í umhyggju fyrir okkur og þeim.Að lokumJón Magnússon, formaður Frjáls afls og meðlimur í Frjálslyndaflokknum, skrifaði ansi þjóðernissinnaða grein í blaðið fyrir nokkru síðan, sem inniheldur aðallega hræðslu höfundar við fólk sem er af erlendu bergi brotið. Ég tel að það væri hið besta mál fyrir íslensku þjóðina að blandast, við getum t.a.m. þakkað það frönskum sjómönnum að Austfirðir og Strandir urðu ekki úrkynjaðar.Á heimasíðu Jóns Magnússonar má lesa um þjóðskáldið Stein Steinarr og þátttöku hans í kommúnista-flokki Íslands. Jón hefði átt að segja frá veru Steins á Siglufirði. Til að gera langa sögu stutta, þá var Steinn dæmdur í fjögurra mánaða fangelsi fyrir að skera niður Nazistafána sem Sophus Blöndal, vararæðismaður Þýskalands, hafði hengt upp í garðinum sínum. Hann reif hann í sundur, fleygði honum í forarpoll og traðkaði á honum. Ég skora því á alla þegna landsins að rífa niður alla þá fána sem Frjálslyndiflokkurinn heldur á lofti, fleygja þeim í forarpoll og traðka rækilega á honum.Höfundur er rithöfundur
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson skrifar
Skoðun Alvarlegar afleiðingar kynferðislegrar áreitni á vinnustöðum Dagný Aradóttir Pind skrifar
Skoðun Er Helguvík ein af stærstu ruslakistum Íslands? Margrét S. Þórólfsdóttir,Ragnhildur L. Guðmundsdóttir,Þórólfur J. Dagsson skrifar
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun