Sólsetur á gamlársdag 30. desember 2006 15:45 Kristinn Sigmundsson og tónlistarfólkið við æfingar í Hallgrímskirkju í vikunni MYND/Valli Síðasta dag ársins efnir Listvinafélag Hallgrímskirkju að venju til tónleika skömmu eftir sólarlag þar sem árið er kvatt með söng og lúðrahljómi af Trompeteria-hópnum, Ásgeiri H. Steingrímssyni og Eiríki Erni Pálssyni trompetleikurum ásamt Herði Áskelssyni orgelleikara, en áralöng hefð er fyrir þessum áramótatónleikum fyrir fullu húsi. Við upphaf 25. starfsárs Listvinafélags Hallgrímskirkju gengur Kristinn Sigmundsson, einn dáðasti einsöngvari þjóðarinnar, til liðs við Trompeteriu. Kristinn syngur þrjár aríur frá fyrri hluta 18. aldar, hinu glæsilega blómaskeiði barokksins. Tvær þeirra eru meðal þekktustu bassaaría óratóríubókmenntanna og allar eru samdar sem samspil söngvarans og einleikstrompets. Þetta eru aríurnar Großer Herr, o starker König úr Jólaóratóríu Bachs, Wacht auf, ihr Adern und ihr Glieder úr kantötu hans Unser Mund sei voll Lachens og arían The Trumpet shall Sound úr óratoríunni Messías eftir Händel. Strengjaleikarar leika með í aríum Kristins. Að auki hljómar á tónleikunum Rondeau eftir Jean Joseph Mouret sem starfaði við frönsku hirðina og óperuhús Parísar, Tokkata í D-dúr eftir Alessandro Scarlatti og hið kunna Adagio í g-moll eftir Tomaso Albinoni. Öll þekkt hátíðarverk. Kristinn hefur sungið fjölda óperuhlutverka við helstu óperuhús Evrópu og Ameríku hin síðari ár; sungið með þekktum hljómsveitarstjórum, James Levine, Riccardo Muti, Bernard Haitink, Sir Colin Davis og fleirum; tekið þátt í erlendum óperu- og óratóríuhljóðritunum auk þess sem hann hefur hljóðritað tvo ljóðaflokka Schuberts, Svanasöng og Vetrarferðina, ásamt Jónasi Ingimundarsyni píanóleikara. Samstarf hans við Hallgrímskirkju stendur á gamalli rót: Kristinn syngur á fyrstu jólahljómplötu Mótettukórs Hallgrímskirkju, Ég held glaður jól árið 1985. Samstarf Ásgeirs, Eiríks Arnar og Harðar hófst árið 1993. Á síðasta ári komu þeir fram í hinum fræga tónleikasal Fílharmóníunnar í Pétursborg. Næsta ár verða þeir gestir á orgeltónlistarhátíð í Suður-Þýskalandi. Ásgeir og Eiríkur leika báðir með Sinfóníuhljómsveit Íslands auk þess að vera virkir í tónlistarlífinu almennt. Eftir framhaldsnám var Hörður ráðinn organisti og kantor Hallgrímskirkju árið 1982 þar sem hann hefur starfað síðan. Hann stjórnar Mótettukór Hallgrímskirkju og Schola cantorum og er listrænn stjórnandi Kirkjulistahátíðar og Sumarkvölds við orgelið. Hörður var borgarlistamaður Reykjavíkur árið 2002, hefur hlotið Íslensku tónlistarverðlaunin og tvisvar verið valinn tónlistarmaður ársins af DV. Þá hefur hann nýverið verið skipaður söngmálastjóri þjóðkirkjunnar. Hörður hlaut Íslensku bjartsýnisverðlaunin 2006. Mest lesið Falska söngkonan á leið í meðferð Lífið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Eva segir lífið betra með Kára Stefáns Lífið Bannað að ræða fótbolta og heimilisfjármálin á stefnumótum Makamál Tíu myndarleg einbýlishús á höfuðborgarsvæðinu Lífið Íslendingar tilnefndir til Emmy-verðlauna Bíó og sjónvarp Sara Davíðs fann ástina í örmum flugstjóra Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira
Síðasta dag ársins efnir Listvinafélag Hallgrímskirkju að venju til tónleika skömmu eftir sólarlag þar sem árið er kvatt með söng og lúðrahljómi af Trompeteria-hópnum, Ásgeiri H. Steingrímssyni og Eiríki Erni Pálssyni trompetleikurum ásamt Herði Áskelssyni orgelleikara, en áralöng hefð er fyrir þessum áramótatónleikum fyrir fullu húsi. Við upphaf 25. starfsárs Listvinafélags Hallgrímskirkju gengur Kristinn Sigmundsson, einn dáðasti einsöngvari þjóðarinnar, til liðs við Trompeteriu. Kristinn syngur þrjár aríur frá fyrri hluta 18. aldar, hinu glæsilega blómaskeiði barokksins. Tvær þeirra eru meðal þekktustu bassaaría óratóríubókmenntanna og allar eru samdar sem samspil söngvarans og einleikstrompets. Þetta eru aríurnar Großer Herr, o starker König úr Jólaóratóríu Bachs, Wacht auf, ihr Adern und ihr Glieder úr kantötu hans Unser Mund sei voll Lachens og arían The Trumpet shall Sound úr óratoríunni Messías eftir Händel. Strengjaleikarar leika með í aríum Kristins. Að auki hljómar á tónleikunum Rondeau eftir Jean Joseph Mouret sem starfaði við frönsku hirðina og óperuhús Parísar, Tokkata í D-dúr eftir Alessandro Scarlatti og hið kunna Adagio í g-moll eftir Tomaso Albinoni. Öll þekkt hátíðarverk. Kristinn hefur sungið fjölda óperuhlutverka við helstu óperuhús Evrópu og Ameríku hin síðari ár; sungið með þekktum hljómsveitarstjórum, James Levine, Riccardo Muti, Bernard Haitink, Sir Colin Davis og fleirum; tekið þátt í erlendum óperu- og óratóríuhljóðritunum auk þess sem hann hefur hljóðritað tvo ljóðaflokka Schuberts, Svanasöng og Vetrarferðina, ásamt Jónasi Ingimundarsyni píanóleikara. Samstarf hans við Hallgrímskirkju stendur á gamalli rót: Kristinn syngur á fyrstu jólahljómplötu Mótettukórs Hallgrímskirkju, Ég held glaður jól árið 1985. Samstarf Ásgeirs, Eiríks Arnar og Harðar hófst árið 1993. Á síðasta ári komu þeir fram í hinum fræga tónleikasal Fílharmóníunnar í Pétursborg. Næsta ár verða þeir gestir á orgeltónlistarhátíð í Suður-Þýskalandi. Ásgeir og Eiríkur leika báðir með Sinfóníuhljómsveit Íslands auk þess að vera virkir í tónlistarlífinu almennt. Eftir framhaldsnám var Hörður ráðinn organisti og kantor Hallgrímskirkju árið 1982 þar sem hann hefur starfað síðan. Hann stjórnar Mótettukór Hallgrímskirkju og Schola cantorum og er listrænn stjórnandi Kirkjulistahátíðar og Sumarkvölds við orgelið. Hörður var borgarlistamaður Reykjavíkur árið 2002, hefur hlotið Íslensku tónlistarverðlaunin og tvisvar verið valinn tónlistarmaður ársins af DV. Þá hefur hann nýverið verið skipaður söngmálastjóri þjóðkirkjunnar. Hörður hlaut Íslensku bjartsýnisverðlaunin 2006.
Mest lesið Falska söngkonan á leið í meðferð Lífið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Eva segir lífið betra með Kára Stefáns Lífið Bannað að ræða fótbolta og heimilisfjármálin á stefnumótum Makamál Tíu myndarleg einbýlishús á höfuðborgarsvæðinu Lífið Íslendingar tilnefndir til Emmy-verðlauna Bíó og sjónvarp Sara Davíðs fann ástina í örmum flugstjóra Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira