Fannst á hótelherbergi

Michal Piecychna, pólskur karlmaður sem hefur verið saknað frá 20. júlí síðastliðinn, er kominn í leitirnar. Hann fannst á hótelherbergi í Reykjavík í fyrrinótt, heill á húfi.

Eiginkona mannsins lýsti eftir honum þegar hann skilaði sér ekki heim og sást síðast til mannsins, sem er liðlega þrítugur, á vappi í Skeifunni klæddur í ljósar buxur, bol og sandala. Maðurinn kom í leitirnar eftir að lögreglunni í Reykjavík barst ábending frá starfsmanni hótelsins.