Fjölmenni á fyrsta bæjarstjórnarfundinum

Um tíundi hver íbúi Voga á Vatnsleysuströnd, eða um hundrað manns, mætti á bæjarstjórnarfund í gær. Fundurinn var sá fyrsti sem bæjarstjórn heldur eftir að hreppurinn sem lengi hefur verið til varð að sveitarfélagi.

Samkvæmt frétt á vef Voga var afgreidd fjárhagsáætlun, farið yfir drög að nýju aðalskipulagi og skrifað undir rammasamkomulag um uppbyggingu á þjónustu við eldri borgara. Að því loknu bauð bæjarstjórn þeim sem mættu á fundinn upp á veitingar.