Fór með kornabarn í innbrotsleiðangur

Karlmaður var handtekinn eftir að hafa brotist inn í tvo bíla í Laugardalnum síðdegis í dag. Það vakti athygli sjónarvotts að maðurinn ýtti barnavagni á undan sér þegar hann hljóp frá öðrum bílnum.

Lögregla hafði fljótlega uppi á manninum. Kom þá í ljós að hann var með barn sitt í vagninum en einnig nokkuð þýfi á sér. Sumum hlutum hafði hann svo hent frá sér á víðavangi en þeir fundust fljótlega. Maðurinn dvelur nú hjá lögreglu en málið telst upplýst að fullu.