Alan Smith gæti orðið klár í september

Alex Ferguson, stjóri Manchester United, segir að miðjumaðurinn Alan Smith gæti mögulega verið orðinn góður af meiðslum sínum í september í haust, en ef hann byrjar að spila þá eins og áætlað er, yrði það sjö mánuðum eftir að hann fótbrotnaði mjög illa í bikarleik gegn Liverpool. "Ég hef trú á því að hann snúi aftur í byrjun september. Hugarfar hans er ótrúlegt og meiðslin virðast engin áhrif hafa á andann í drengnum," sagði Alex Ferguson í viðtali í dag.