Liggur þungt haldin eftir bílveltu

Karlmaður á fimmtugsaldri liggur þungt haldin eftir bílveltu á Kringlumýrarbrautinni í gærkvöldi. Honum er haldið sofandi í öndunarvél, ástand hans er stöðugt í augnablikinu og hann er ekki talinn í bráðri lífshættu.

Slysið varð á áttunda tímanum í gærkvöldi. Svo virðist sem að ökumaður fólksbíls sem ekið var norður Kringlumýrarbraut hafi misst stjórn á bíl sínum, kastast yfir umferðareyju, lent framan á jeppa sem var að koma úr gangstæðri átt og þá velt bílnum. Talið er að fólksbílnum hafi verið ekið allt of hratt. Beita þurfti klippum til að ná ökumanni fólksbílsins út úr bifreiðinni en ökumaður jeppans slapp ómeiddur. Vegna slyssins þurfti lögregla að loka Kringlumýrarbraut rétt sunnan við Bústaðabrú í hátt á aðra klukkustund.