Stærsta hundasýning sem haldin hefur verið

Stærsta hundasýning sem haldin hefur verið á Íslandi var um helgina í Reiðhöllinni í Víðidal. Sýndir voru um 700 hundar af hinum ýmsu tegundum.

Valdir voru bestu hundarnir af dómurum sem komu frá Svíþjóð, Írlandi, Englandi og Slóveníu. Sýningin er alþjóðleg og gátu sigurvegararnir unnið sér inn bæði íslensk- og alþjóðleg meistarastig. Kynningarbásar voru einnig á sýningunni þar sem fólk gat kynnt sér ólíkar hundategundir og spjallað við eigendur og ræktendur.