Maður réðst inn í skóla í Þýskalandi

Grímukæddur maður með byssu réðst inn í gagnfræðaskóla í bænum Emsdetten í vesturhluta Þýskalands í morgun og hóf skothríð á þá sem þar voru. Nokkrir munu hafa særst í árásinni en enginn alvarlega.

Skólinn hefur nú verið rýmdur og er maðurinn einn eftir þar inni. Sérsveitarmenn frá lögreglu eru komnir á staðinn og reyna nú að fá manninn til að koma út. Ekki liggur fyrir hvers vegna maðurinn réðst inn í skólann en talið er að hann sé fyrrverandi nemandi þar.