Yoko Ono boðar heimsfrið í Höfða 9. október 2006 10:30 "Það var engin tilviljun sem réði því að við fæddumst á þessum tíma, heldur var okkur ætlað ákveðið verkefni. Og því verkefni er ekki enn lokið. Ég veit að John verður með okkur í anda þennan dag, 9.október, í Reykjavík og ég hlakka til að sjá ykkur og samgleðjast með ykkur á þessum spennandi degi. STRÍÐINU ER LOKIÐ, sé það þinn vilji. Ég elska ykkur." - yoko ono Hin heimskunna myndlistarkona, tónlistarkona og friðarsinni Yoko Ono tilkynnti í byrjun september að hún hyggðist standa fyrir tveimur mikilvægum athöfnum á Íslandi 9. október nk. með það að markmiði að boða heimsfrið. Þennan dag, sem er fæðingardagur eiginmanns hennar John heitins Lennon, mun hún afhenda styrki úr "LennonOno Grant For Peace" friðarsjóðnum og staðfesta áform sín um "IMAGINE PEACE Tower", friðarsúluna í Viðey. Friðarstyrkurinn "LennonOno Grant For Peace" verður afhentur við einkaathöfn í samvinnu við Reykjavíkurborg í Höfða í Reykjavík. Afhentir verða tveir styrkir að verðmæti 50 þúsund dalir hvor, annars vegar til alþjóða heilbrigðis- og mannúðarsamtakanna Médecins Sans Frontiéres/Doctors Without Borders (MFS), eða Læknar án landamæra, og hinsvegar til góðgerðarsamtakanna Center for Constitutional Rights, sem berjast fyrir stjórnarskrárvörðum rétti fólks um heim allan til friðs, sannleika og mannréttinda. Yoko Ono rökstyður styrkveitinguna á eftirfarandi hátt: "Þessi tvö samtök horfa lengra en til átaka og gereyðingar samtímans og eygja bjarta framtíð fyrir samfélag okkar, með óeigingjarnri og óþreytandi baráttu sinni fyrir friðsamlegra umhverfi fyrir plánetu okkar. Þau eru verðugir fulltrúar hinna fjölmörgu samtaka sem miða að sama marki um þessar mundir. Þau þurfa og eiga skilið allan okkar stuðning og virðingu." Friðarsúlan IMAGINE PEACE verður reist í Reykjavík, en hugmyndina að henni fékk Ono fyrst fyrir meira en 40 árum síðan. Fyrir tilstuðlan samvinnu listakonunnar og Listasafns Reykjavíkur, Reykjavíkurborgar og Orkuveitu Reykjavíkur verður staðsetningin fyrir friðarsúluna nú helguð í Viðey. Botn IMAGINE PEACE friðarsúlunnar verður fylltur með bænum og óskum fólks frá öllum þjóðum heimsins en súlunni er ætlað að tákna vonargeisla fyrir þá sem dreymir um heimsfrið. Médecins Sans Frontières/Doctors Without Borders (MSF) - Læknar án landamæra MSF eru sjálfstætt starfandi alþjóða heilbrigðis- og mannúðarsamtök sem veitir neyðaraðstoð til fórnarlamba stríðsátaka, faraldurs eða hamfara af náttúrunnar eða manna völdum. MSF hafa veitt aðstoð í yfir 70 löndum, allt frá Guatemala til Zimbabwe. Center For Constitutional Rights - Miðstöð fyrir stjórnarskrárvarinn rétt The Center for Constitutional Rights hafa gegnt lykilhlutverki í mörgum af umtöluðustu málaferlum síðari ára sem snúið hafa að verndun mannréttinda. Meginvopn CCR er að beita lagabókstafnum sem jákvæðu afli í baráttunni fyrir þjóðfélagsbreytingum. CCR eru meðal annars kunn fyrir sigurinn í hinum umdeildu Guantánamo réttarhöldum 2004 og beita samtökin sér áfram í málaferlum sem snúa að alþjóðlegum mannréttindum, kynþáttajafnrétti, félagslegu réttlæti, borgararéttindum, misbeitingu valds og almennra mannréttinda í kjölfar 11. September. LennonOno Grant For Peace - sjóðurinn LennonOno Grant For Peace-sjóðurinn var stofnsettur fyrir fjórum árum síðan með það að markmiði að boða frið, sannleika og mannúð í heiminum og aðstoða þá sem boða þessi gildi við að halda starfi sínu áfram. Í ár hefur Frú Ono ákveðið að breyta um stað fyrir styrkveitinguna. Hingað til hefur styrkveitingin alltaf farið fram í höfuðstöðvum Sameinuðu þjóðanna í New York, en eftir að hafa uppgötvað einstaka fegurð þessa norræna lands ákvað Ono að athöfnin færi fram í Reykjavík. Þeir sem áður hafa hlotið styrkinn eru; ísraelski listamaðurinn Zvi Goldstein, palestínski listamaðurinn Khalil Rabah, ísraelskur kjarnorkueftir litsmaður Mordechai Vanunu og hinn kunni bandaríski rannsóknarblaðamaður Seymour Hersh. Frú Ono leggur áherslu á að hvort sem styrkþegar framtíðarinnar verði friðarsinnar, listamenn eða aðrir sem eru styrksins verðugir þá muni gildi LennonOno Grant For Peace -sjóðsins ávallt haldast óbreytt; að lækna sár, manngæska og barátta fyrir friðsamari heimi. Lífið Menning Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur „Æsandi að hugsa til þess að annar maður horfi á“ Breyttu Kolaportinu í risa skemmtistað „Æi góði hoppaðu upp í rassgatið á þér!“ Norðlenskur útsýnisdraumur „Hvar eru allir herramennirnir?“ Stefnumótunarferð Fossa með mökum í Prag Hittast á hlutlausum stað Risavaxinn mörgæsarungi nýjasta stjarna Melbourne Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Sjá meira
"Það var engin tilviljun sem réði því að við fæddumst á þessum tíma, heldur var okkur ætlað ákveðið verkefni. Og því verkefni er ekki enn lokið. Ég veit að John verður með okkur í anda þennan dag, 9.október, í Reykjavík og ég hlakka til að sjá ykkur og samgleðjast með ykkur á þessum spennandi degi. STRÍÐINU ER LOKIÐ, sé það þinn vilji. Ég elska ykkur." - yoko ono Hin heimskunna myndlistarkona, tónlistarkona og friðarsinni Yoko Ono tilkynnti í byrjun september að hún hyggðist standa fyrir tveimur mikilvægum athöfnum á Íslandi 9. október nk. með það að markmiði að boða heimsfrið. Þennan dag, sem er fæðingardagur eiginmanns hennar John heitins Lennon, mun hún afhenda styrki úr "LennonOno Grant For Peace" friðarsjóðnum og staðfesta áform sín um "IMAGINE PEACE Tower", friðarsúluna í Viðey. Friðarstyrkurinn "LennonOno Grant For Peace" verður afhentur við einkaathöfn í samvinnu við Reykjavíkurborg í Höfða í Reykjavík. Afhentir verða tveir styrkir að verðmæti 50 þúsund dalir hvor, annars vegar til alþjóða heilbrigðis- og mannúðarsamtakanna Médecins Sans Frontiéres/Doctors Without Borders (MFS), eða Læknar án landamæra, og hinsvegar til góðgerðarsamtakanna Center for Constitutional Rights, sem berjast fyrir stjórnarskrárvörðum rétti fólks um heim allan til friðs, sannleika og mannréttinda. Yoko Ono rökstyður styrkveitinguna á eftirfarandi hátt: "Þessi tvö samtök horfa lengra en til átaka og gereyðingar samtímans og eygja bjarta framtíð fyrir samfélag okkar, með óeigingjarnri og óþreytandi baráttu sinni fyrir friðsamlegra umhverfi fyrir plánetu okkar. Þau eru verðugir fulltrúar hinna fjölmörgu samtaka sem miða að sama marki um þessar mundir. Þau þurfa og eiga skilið allan okkar stuðning og virðingu." Friðarsúlan IMAGINE PEACE verður reist í Reykjavík, en hugmyndina að henni fékk Ono fyrst fyrir meira en 40 árum síðan. Fyrir tilstuðlan samvinnu listakonunnar og Listasafns Reykjavíkur, Reykjavíkurborgar og Orkuveitu Reykjavíkur verður staðsetningin fyrir friðarsúluna nú helguð í Viðey. Botn IMAGINE PEACE friðarsúlunnar verður fylltur með bænum og óskum fólks frá öllum þjóðum heimsins en súlunni er ætlað að tákna vonargeisla fyrir þá sem dreymir um heimsfrið. Médecins Sans Frontières/Doctors Without Borders (MSF) - Læknar án landamæra MSF eru sjálfstætt starfandi alþjóða heilbrigðis- og mannúðarsamtök sem veitir neyðaraðstoð til fórnarlamba stríðsátaka, faraldurs eða hamfara af náttúrunnar eða manna völdum. MSF hafa veitt aðstoð í yfir 70 löndum, allt frá Guatemala til Zimbabwe. Center For Constitutional Rights - Miðstöð fyrir stjórnarskrárvarinn rétt The Center for Constitutional Rights hafa gegnt lykilhlutverki í mörgum af umtöluðustu málaferlum síðari ára sem snúið hafa að verndun mannréttinda. Meginvopn CCR er að beita lagabókstafnum sem jákvæðu afli í baráttunni fyrir þjóðfélagsbreytingum. CCR eru meðal annars kunn fyrir sigurinn í hinum umdeildu Guantánamo réttarhöldum 2004 og beita samtökin sér áfram í málaferlum sem snúa að alþjóðlegum mannréttindum, kynþáttajafnrétti, félagslegu réttlæti, borgararéttindum, misbeitingu valds og almennra mannréttinda í kjölfar 11. September. LennonOno Grant For Peace - sjóðurinn LennonOno Grant For Peace-sjóðurinn var stofnsettur fyrir fjórum árum síðan með það að markmiði að boða frið, sannleika og mannúð í heiminum og aðstoða þá sem boða þessi gildi við að halda starfi sínu áfram. Í ár hefur Frú Ono ákveðið að breyta um stað fyrir styrkveitinguna. Hingað til hefur styrkveitingin alltaf farið fram í höfuðstöðvum Sameinuðu þjóðanna í New York, en eftir að hafa uppgötvað einstaka fegurð þessa norræna lands ákvað Ono að athöfnin færi fram í Reykjavík. Þeir sem áður hafa hlotið styrkinn eru; ísraelski listamaðurinn Zvi Goldstein, palestínski listamaðurinn Khalil Rabah, ísraelskur kjarnorkueftir litsmaður Mordechai Vanunu og hinn kunni bandaríski rannsóknarblaðamaður Seymour Hersh. Frú Ono leggur áherslu á að hvort sem styrkþegar framtíðarinnar verði friðarsinnar, listamenn eða aðrir sem eru styrksins verðugir þá muni gildi LennonOno Grant For Peace -sjóðsins ávallt haldast óbreytt; að lækna sár, manngæska og barátta fyrir friðsamari heimi.
Lífið Menning Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur „Æsandi að hugsa til þess að annar maður horfi á“ Breyttu Kolaportinu í risa skemmtistað „Æi góði hoppaðu upp í rassgatið á þér!“ Norðlenskur útsýnisdraumur „Hvar eru allir herramennirnir?“ Stefnumótunarferð Fossa með mökum í Prag Hittast á hlutlausum stað Risavaxinn mörgæsarungi nýjasta stjarna Melbourne Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Sjá meira