Aldrei of seint fyrir Noruh 12. janúar 2007 00:30 Norah Jones Bandaríska tónlistarkonan Norah Jones er að gefa út sína þriðju sólóplötu. Bandaríska tónlistarkonan Norah Jones gefur út sína þriðju sólóplötu 29. janúar næstkomandi. Platan nefnist Not Too Late og hefur að geyma þrettán glæný lög. Fyrsta smáskífulag plötunnar, Thinking About You, kom út seint á síðasta ári og hefur fallið vel í kramið. Lagið er rólegt með blúsuðum djasskeim eins og Noruh er von og vísa; bæði afslappandi og fallegt. Nýja platan er sögð hennar persónulegasta til þessa og voru lögin samin annaðhvort af Noruh Jones einni eða með aðstoð bassaleikarans Lee Alexander. Tóku þau jafnframt plötuna upp í sameiningu í heimahljóðveri þeirra.Dóttir Ravi ShankarNorah Jones fæddist í New York-borg 30. mars árið 1979 en ólst upp í Texas frá fjögurra ára aldri hjá móður sinni. Faðir hennar er indverski tónlistarmaðurinn Ravi Shankar, sem meðal annars starfaði með Bítlunum á sínum tíma og þá aðallega George Harrison. Hlustaði á Billie HollidayNorah hlustaði mikið á Billie Holliday og Bill Evans á sínum yngri árum en fór ekki að hafa áhuga á að spila djass fyrr en í menntaskóla. Fljótlega fór hún að fá verðlaun fyrir frammistöðu sína og hóf að læra djasspíanóleik í framhaldinu. Í staðinn fyrir að ljúka háskólagráðu í píanóleiknum ákvað hún að einbeita sér að lagasmíðum. Ekki bara snoppufríðNorah gerði plötusamning við djassfyrirtækið Blue Note Records snemma á árinu 2001 og fór í kjölfarið að vinna að sinni fyrstu plötu, Come Away With Me. Platan kom út snemma árs 2002 og sló umsvifalaust í gegn. Auk fallegrar tónlistarinnar vakti Norah athygli fyrir fegurð sína og fyrir að vera dóttir Ravi Shankar. Töldu margir hana einungis vera enn einn snoppufríða tónlistarmanninn sem ætti að eftir að hverfa í gleymskunnar dá. Almenningur var ekki á sama máli og hefur platan selst í átján milljónum eintaka úti um allan heim. Vann Jones jafnframt átta Grammy-verðlaun fyrir plötuna. Meiri kántríáhrifÁrið 2004 gaf Jones út sína aðra sólóplötu, Feels Like Home, þar sem hún blandaði enn á ný saman blús og djassi, auk þess sem kántríáhrifin voru meira áberandi en áður. Platan fékk góðar viðtökur eins og sú fyrri. Little WilliesÁrið áður byrjaði Norah að spila með hljómsveitinni The Little Willies, sem lék lög eftir þekkta bandaríska sveitasöngvara á borð við Hank Williams og Willie Nelson. Sveitin fékk góðar viðtökur og fljótlega fóru Norah og félagar að semja eigin lög. Má útkomuna finna á plötunni Little Willies sem kom út á síðasta ári. Á sama tíma var Jones í óða önn að semja lög á næstu sólóplötu sína sem brátt lítur dagsins ljós og margir hafa beðið spenntir eftir. Prófar leiklistinaAuk þess að gefa út sína þriðju sólóplötu mun Norah Jones sjást á hvíta tjaldinu í fyrsta sinn í kvikmyndinni My Blueberry Nights. Þar fer hún með eitt aðalhlutverkanna á móti þekktum nöfnum á borð við Jude Law, Natalie Portman og Tim Roth. Verður gaman að sjá hvort leiklistin sé eitthvað sem hún muni einbeita sér í auknum mæli að í framtíðinni.freyr@frettabladid.is Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Búið spil Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira
Bandaríska tónlistarkonan Norah Jones gefur út sína þriðju sólóplötu 29. janúar næstkomandi. Platan nefnist Not Too Late og hefur að geyma þrettán glæný lög. Fyrsta smáskífulag plötunnar, Thinking About You, kom út seint á síðasta ári og hefur fallið vel í kramið. Lagið er rólegt með blúsuðum djasskeim eins og Noruh er von og vísa; bæði afslappandi og fallegt. Nýja platan er sögð hennar persónulegasta til þessa og voru lögin samin annaðhvort af Noruh Jones einni eða með aðstoð bassaleikarans Lee Alexander. Tóku þau jafnframt plötuna upp í sameiningu í heimahljóðveri þeirra.Dóttir Ravi ShankarNorah Jones fæddist í New York-borg 30. mars árið 1979 en ólst upp í Texas frá fjögurra ára aldri hjá móður sinni. Faðir hennar er indverski tónlistarmaðurinn Ravi Shankar, sem meðal annars starfaði með Bítlunum á sínum tíma og þá aðallega George Harrison. Hlustaði á Billie HollidayNorah hlustaði mikið á Billie Holliday og Bill Evans á sínum yngri árum en fór ekki að hafa áhuga á að spila djass fyrr en í menntaskóla. Fljótlega fór hún að fá verðlaun fyrir frammistöðu sína og hóf að læra djasspíanóleik í framhaldinu. Í staðinn fyrir að ljúka háskólagráðu í píanóleiknum ákvað hún að einbeita sér að lagasmíðum. Ekki bara snoppufríðNorah gerði plötusamning við djassfyrirtækið Blue Note Records snemma á árinu 2001 og fór í kjölfarið að vinna að sinni fyrstu plötu, Come Away With Me. Platan kom út snemma árs 2002 og sló umsvifalaust í gegn. Auk fallegrar tónlistarinnar vakti Norah athygli fyrir fegurð sína og fyrir að vera dóttir Ravi Shankar. Töldu margir hana einungis vera enn einn snoppufríða tónlistarmanninn sem ætti að eftir að hverfa í gleymskunnar dá. Almenningur var ekki á sama máli og hefur platan selst í átján milljónum eintaka úti um allan heim. Vann Jones jafnframt átta Grammy-verðlaun fyrir plötuna. Meiri kántríáhrifÁrið 2004 gaf Jones út sína aðra sólóplötu, Feels Like Home, þar sem hún blandaði enn á ný saman blús og djassi, auk þess sem kántríáhrifin voru meira áberandi en áður. Platan fékk góðar viðtökur eins og sú fyrri. Little WilliesÁrið áður byrjaði Norah að spila með hljómsveitinni The Little Willies, sem lék lög eftir þekkta bandaríska sveitasöngvara á borð við Hank Williams og Willie Nelson. Sveitin fékk góðar viðtökur og fljótlega fóru Norah og félagar að semja eigin lög. Má útkomuna finna á plötunni Little Willies sem kom út á síðasta ári. Á sama tíma var Jones í óða önn að semja lög á næstu sólóplötu sína sem brátt lítur dagsins ljós og margir hafa beðið spenntir eftir. Prófar leiklistinaAuk þess að gefa út sína þriðju sólóplötu mun Norah Jones sjást á hvíta tjaldinu í fyrsta sinn í kvikmyndinni My Blueberry Nights. Þar fer hún með eitt aðalhlutverkanna á móti þekktum nöfnum á borð við Jude Law, Natalie Portman og Tim Roth. Verður gaman að sjá hvort leiklistin sé eitthvað sem hún muni einbeita sér í auknum mæli að í framtíðinni.freyr@frettabladid.is
Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Búið spil Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira